Dagblaðið Vísir - DV - 13.05.2011, Blaðsíða 63

Sport | 63Helgarblað 13.–15. maí 2011
Fagleg ráðgjöF
Tilboð á 10
Tíma korTum
l Hljóðbylgjur vinna gegn verkjum
l Örvar starfsemi sogæða (hreinsun)
l Örvar vökvaflæði sogæðakerfisins
l Eyðir vökvasöfnun - bjúg
l Eyðir margskonar bólgum
l Eykur orkuflæði líkamans
l Dregur úr gigtareinkennum
l Formar fótleggi og línur
l Gefur góða líðan
l Detox hreinsun
Rauðarárstíg 41 l 105 Reykjavík l Sími 533-3100
„Ég spilaði í dönsku deildinni í nokkur
tímabil en flutti svo heim. Mig langaði
til að halda áfram að stunda íþróttina
þannig að ég byrjaði á þessu á sín-
um tíma,“ segir Friðgeir Ásgeirsson,
upphafsmaður íslensku deildarinn-
ar í áströlskum fótbolta. Íþróttin hef-
ur aðeins verið stunduð hér á landi í
nokkur ár en þó eru þrjú lið sem taka
þátt í Íslandsmótinu. „Fyrsta tímabil-
ið vorum við í Hljómskálagarðinum,
þá voru þetta aðallega æfingar. En síð-
an fengum við þátttökurétt á Evrópu-
bikarmótinu þar sem gekk ágætlega. Í
fyrra kepptu þrjú lið hér heima og svo
fórum við á Evrópumeistaramótið. Þar
náðum við mjög góðum árangri. Í Evr-
ópu eru fjögur lið sem hafa spilað þetta
mjög lengi. England, Írland, Danmörk
og Svíþjóð, og þau röðuðu sér í efstu
fjögur sætin. Við spiluðum því lítinn
úrslitaleik við Króatíu um fimmta sæt-
ið en töpuðum,“ segir Friðgeir.
Spila evrópska útgáfu
Friðgeir segir kjarnann sem spilar
hér heima vera um þrjátíu manns en
heildin er nálægt fimmtíu. En hvern-
ig fékk hann fyrst menn til að koma
að leika þessa áhugaverðu íþrótt. „Ég
setti auglýsingu í blöðin og fór upp í
Háskóla að leita. Svo fór fólk að draga
vini sína og bekkjarfélaga með. Einnig
fengum við umfjöllun þegar við fórum
á þessi mót úti og þá fór fólk að hringja
í mig og spyrja hvort það mætti koma
að prófa. Það var auðvitað sjálfsagt,“
segir Friðgeir en hafi menn áhuga á
að spreyta sig er hægt að kíkja á vef-
inn andspyrna.is eða leita þá uppi á
Facebook.
Ástralskur fótbolti er spilaður á
krikketvelli sem er risastór. Evrópu-
þjóðirnar spila minni útgáfu af leikn-
um. „Við spilum níu á móti níu á fót-
boltavelli. Það eru aðallega Írar og
Englendingar sem eiga einhverja krik-
ketvelli sem hægt er að nota og einnig
eiga Danir nokkra stóra velli enda hafa
þeir spilað lengi,“ segir Friðgeir.
Þróunin ólík
Brett Kirk, goðsögn í lifanda lífi í heimi
ástralska fótboltans, er staddur hér á
landi. Hann er nýhættur eftir að hafa
spilað í heimalandinu í tólf ár og ver-
ið þar einn grjótharðasti leikmaður
deildarinnar. Í dag starfar hann fyr-
ir ástralska sambandið og ferðast um
heiminn og hjálpar öðrum þjóðum að
þróa sinn leik. Byrjað er að spila leik-
inn í yfir þrjátíu löndum.
„Síðustu fjóra mánuði hef ég heim-
sótt fjórtán af þessum löndum,“ segir
Brett í samtali við DV. „Ég er búinn að
fara í gegnum Asíu og mest alla Evr-
ópu. Svo mun ég enda á að fara til Kan-
ada og Bandaríkjanna. Leikurinn er
mislangt á veg kominn. Ég er til dæm-
is nýkominn frá Ítalíu þar sem aðeins
hefur verið spilað í tvö ár en um dag-
inn var ég í Danmörku þar sem hefur
verið æft og keppt í áströlskum fót-
bolta í tuttugu ár,“ segir Brett.
Ekki bara tuddasport
Sú ímynd sem fólk hefur af ástr-
ölskum fótbolta eru þær svakalegu
tæklingar sem þar sjást. Brett vill þó
meina að það sé leikur fortíðarinn-
ar og snúist þetta meira um hraða og
tækni í dag. „Auðvitað verða árekstr-
ar í svona hraðri íþrótt þar sem snert-
ingar eru leyfðar. Reglunum hefur þó
verið breytt reglulega þannig að mik-
ið af þessum hörðu tæklingum hafa
verið fjarlægðar úr leiknum. Í dag
snýst þetta bara um tækni og hraða
og það er það sem ég er að reyna að
kenna þessum þjóðum. Gefa þeim
nokkur ráð um hvernig þær geti bætt
tæknilega hlið leiksins,“ segir Brett en
hvernig eru Íslendingarnir að standa
sig?
„Ég hef nú bara verið hér í nokkra
daga en hef farið á æfingu með þeim
og spilað leik. Íslendingarnir eru al-
veg virkilega duglegir og áhugasam-
ir og virðast elska leikinn. Það er því
miður enginn Ástrali hér sem getur
gefið þeim ráð um tækni en þrátt fyrir
það finnst mér menn hér vera að gera
virkilega flotta hluti,“ segir Brett Kirk.
n Uppgangur í áströlskum fótbolta á Íslandi n Goðsögn úr leiknum hér á landi til að hjálpa til við þróunina
n Ástralskur fótbolti er leikinn í 30 löndum og hefur Brett Kirk heimsótt 14 þeirra á síðustu mánuðum
Kennir Íslendingum trixin
Tómas Þór Þórðarson
blaðamaður skrifar tomas@dv.is
Háloftabardagi Andspyrna er hraður og
teknískur leikur.
Goðið fyrir miðju Brett Kirk kenndi Íslendingum andspyrnu, eins og hún er kölluð hér heima.