Dagblaðið Vísir - DV - 13.05.2011, Blaðsíða 22

22 | Fréttir 13.–15. maí 2011 Helgarblað
...áfram Ísland!
allt á grillið og
í Eurovisionpartýið
Til hamingju - Vinir Sjonna ! Fjöldi
tilboða
„Við höfum ekki fengið margar til-
kynningar um mál af því tagi. En
reyndar var tæplega 100 lítrum
stolið úr vörubíl hér á Selfossi í
síðustu viku,“ segir Þorgrímur Óli
Sigurðsson, aðstoðaryfirlögreglu-
þjónn lögreglunnar í Árnessýslu.
DV sagði frá því á miðvikudag að
verktakar hefðu í auknum mæli
orðið fyrir barðinu á olíuþjófum.
Ingileifur Jónsson, eigandi verk-
takafyrirtækis sem unnið hefur að
vegavinnu á Sandskeiði á Hellis-
heiði, er einn þeirra.
Í byrjun mánaðarins var tals-
verðu af olíu stolið af vinnuvélum
og tækjum á svæðinu. Ingileif-
ur segir þetta ekkert einsdæmi.
Aðrir verktakar hafi einnig orðið
varir við olíustuld og um viðvar-
andi vandamál sé að ræða. „Þar
sem menn sjá vinnuvélar eða tæki
án eftirlits, og telja að þeir geti
nappað olíunni án þess að vera
gómaðir, munu þeir reyna það,“
sagði Ingileifur og bætti við að um
væri að ræða verðmæti sem auð-
velt væri að koma í verð. Þá sagði
hann að þjófnaður á olíu hefði
færst í vöxt samfara hækkandi
olíuverði.
Í samtali við DV segir Þorgrím-
ur Óli að lögreglan á Selfossi hafi
ekki orðið vör við áberandi vöxt á
olíustuldi. Tilkynningar um olíu-
stuld komi oft í gusum og því sé
erfitt að meta það hvort sjáanleg
aukning hafi orðið á brotum af
þessu tagi. Þá hafi verktakar einn-
ig verið minna á ferðinni í vetur
en áður og minna hafi verið um
framkvæmdir, sem líklegast veldur
því að stuldur á eldsneyti er fátíð-
ari. Þó gæti hlutfallsleg aukning
þjófnaða af þessu tagi vel verið
raunin.
„Svo er annað víst að það eru
ekki allir sem tilkynna olíustuld.
Ég vildi eiginlega bara nota tæki-
færið og hvetja menn til þess að
tilkynna svona hluti til lögreglu.
Þá getum við í það minnsta farið
að miða okkar eftirlit við staði þar
sem slíkir glæpir verða oft,“ segir
Þorgrímur að lokum.
simon@dv.is
100 lítrum af olíu stolið úr vörubíl:
Ekki varir
við aukinn
olíustuld
Skráður í mannlauSu
húSi á raufarhöfn
Athafnamaðurinn Sigurður Hilm-
ar Ólason hefur flutt lögheimili
sitt á Raufarhöfn ásamt sjö eignar-
haldsfélögum sem tengjast honum.
Hann er skráður eigandi að 175 fer-
metra húsi að Ásgötu á Raufarhöfn
en heimildarmaður sem DV ræddi
við segir að enginn hafi búið í hús-
inu árum saman og það sé í niður-
níðslu. Húsið sé óíbúðarhæft og því
sé óskiljanlegt að Sigurður sé skráður
til heimilis þar.
Sat í gæsluvarðhaldi í fyrra
Sigurður var mikið í fréttum árið 2009
eftir að hann var handtekinn í húsi
R. Sigmundssonar þar sem hann
sat í stjórn vegna rannsóknar ríkis-
saksóknara á félaginu Hollís ásamt
tveimur mönnum frá Hollandi og
Ísrael. Rannsóknin teygði anga sína
til þrettán landa. Þurfti Sigurður að
sitja í 20 daga í gæsluvarðhaldi vegna
málsins en hann var grunaður um
að eiga þátt í stóru smygli á kókaíni
frá Ekvador og að hafa stundað pen-
ingaþvætti í gegnum félagið Hollís.
Mál á hendur Sigurði var fellt nið-
ur síðasta sumar og sagðist hann á
þeim tíma ætla að leita réttar síns í
samtali við Fréttablaðið. Hann hefði
þurft að sitja í einangrun í þrjár vik-
ur og auk þess legið undir grun í
heilt ár. Hann var einnig grunað-
ur um að tengjast smygli á 6,2 kíló-
um á amfetamíni til landsins en var
ekki ákærður vegna málsins. Gunnar
Viðar Árnason hlaut hins vegar fimm
ára fangelsisdóm fyrir að flytja efnin
til Íslands.
Tengdur 17 eignarhaldsfélögum
Ekki er vitað hvers vegna Sigurð-
ur flutti lögheimili sitt í mannlaust
hús á Raufarhöfn eða hvers vegna
sjö eignarhaldsfélög tengd honum
eru líka skráð þar án þess að koma
neitt að rekstri á Raufarhöfn. Sig-
urður hlaut þriggja ára fangelsisdóm
fyrir að reyna að smygla 30 kílóum
af hassi til landsins árið 2001. Hann
hefur lengi starfað við veitinga-
og fasteignarekstur og þá sérstak-
lega í miðbæ Reykjavíkur. Félögin
sem skráð eru á Raufarhöfn heita
Brimarhólmur, Funahöfði, Greipt í
stein, Klöpp-fasteignir, Sola Capital,
Tjaldanes og Þrakía. Sigurður er hins
vegar skráður í stjórn 17 eignarhalds-
félaga og eru þau, fyrir utan þau sjö
sem nú eru skráð til heimilis í mann-
lausu húsi á Raufarhöfn, skráð á höf-
uðborgarsvæðinu.
„Mál á hendur
Sigurði var fellt
niður síðasta sumar og
sagðist hann á þeim tíma
ætla að leita réttar síns.
n Fékk 3 ára fangelsi fyrir smygl á 30 kílóum af hassi árið 2001
n Var grunaður um að tengjast smygli á tugum kílóa af kókaíni árið
2009 n Skráir lögheimili sitt og sjö eignarhaldsfélög á Raufarhöfn
Í stjórn 17 eignarhalds-
félaga Athafnamaðurinn
Sigurður Hilmar Ólason situr
í stjórn 17 eignarhaldsfélaga
en sjö þeirra eru nú skráð til
heimilis í mannlausu húsi á
Raufarhöfn.