Húnavaka - 01.05.2012, Page 23

H Ú N A V A K A 21
minn pólitíski áhugi. Ég sat þar í stjórn í 10-15 ár, man nú ekki dagsetningar
eða ártöl svo nákvæmlega í þessu. Á þessum tíma var haldið þing ungra
framsóknarmanna á Húnavöllum sem var fjölsótt og mikil virkni í félaginu. Þá
var meiri áhugi í stjórnmálafélögum yfirleitt og ekkert mál að safna í rútu til
að fara á fundi eða mót. Það held ég að gerist ekki í dag. Þá voru haldin
héraðsmót, a.m.k bæði hjá sjálfstæðis- og framsóknarmönnum, sem voru
fjölsótt. Ég man eftir því að þing ungra framsóknarmann var eitt sinn haldið í
Vestmannaeyjum. Þá fórum við með 20 manna rútu, Húnvetningar og
Skagfirðingar. Það var mjög gaman í svona flokkstarfi.
Ég var virkur í félagi ungra framsóknarmanna frá 16 ára aldri til 35 ára svo
starfið spannar þann tíma. Á þessum tíma kom á dagskrá virkjun Blöndu sem
var mikið átakamál í héraði og ekki síst í Framsóknarflokknum. Þar urðu mikil
átök og sviptingar. Menn voru settir út úr embættum og miklar smalanir á
aðalfundi, því þar skipti auðvitað máli fulltrúafjöldi og hverjir voru fulltrúar
þegar ályktað var um þessi mál.
Þetta gekk í nokkur ár en í mörg ár, eftir að búið var að taka ákvörðun um
virkjun Blöndu og framkvæmdir hafnar, höfðu þessi mál áhrif á samskipti
manna í samfélaginu.
Menn skiptust í fylkingar í öllum flokkum. Mest reyndi það þó á
Framsóknarflokkinn og mestu átökin voru þar. Einu sinni man ég eftir að
haldinn var fundur á vegum framsóknarfélaganna og við Grímur Gíslason,
sem var þá formaður eldra félagsins, ákváðum að halda fundinn á Hótel
Blönduósi. Daginn áður en fundurinn skyldi haldinn hittumst við Grímur og
vorum þá orðnir áhyggjufullir hvort hótelið myndi rúma fundarmenn því við
höfðum heyrt að margir ætluðu að mæta. Grímur setti þá auglýsingu á dyrnar
á Hótel Blönduósi og þar stóð. „Vegna væntanlegs fjölmennis hefur verið
Gerð íþróttavallarins í Bakkakoti. Teknar þökur.