Húnavaka - 01.05.2012, Qupperneq 157

H Ú N A V A K A 155
Mannalát 2010
Brjánn Árni Ólason,
Reykjavík
Fæddur 13. júní 1947 – Dáinn 31. desember
2010
Brjánn fæddist í Reykjavík, foreldrar hans voru Valgerður Árnadóttir, hús-
móðir og verkakona og Óli Hermannsson, lögfræðingur og þýðandi.
Eiginkona Brjáns var Valdís Þórðardóttir frá Grund í Svínadal. Frá fyrra
hjóna bandi átti Brjánn tvo syni, Jón Hjört og Gunnar Óla.
Brjánn starfaði á lífsleiðinni við ýmis störf en lengst af vann hann sem
sjómaður. Í fyrstu var hann á farskipum og fiskiskipum en síðar var hann í
mörg ár starfsmaður á skipum Landhelgisgæslunnar.
Brjánn var mjög vel liðinn af öllum sem kynntust honum og ávann sér fljótt
mikið traust meðal starfsfélaga sinna og sat lengi í
stjórn Sjómannafélags Reykjavíkur. Hann var ró-
legur og yfirvegaður og hafði mjög sterka rétt-
lætis kennd. Var honum lengi falin sú ábyrgð að
leiða samningaviðræður fyrir stéttarfélag sitt. Í
þeim viðræðum kom sér vel að Brjánn var rólegur
og fastur fyrir, rökfastur en um leið sveigjanlegur
og hlustaði vel á aðra. Átti hann gott með að skilja
kjarnann frá hisminu og koma með skynsamlegar
tillögur sem samningsaðilar hinum megin borðsins
hlustuðu á og vildu skoða.
Brjánn var greindur og vel lesinn. Hann hafði
mjög ákveðnar skoðanir á þjóðmálum og varð
ekki auðveldlega haggað frá sannfæringu sinni en
mat þó og virti skoðanir annarra. Var gaman að
ræða við hann um þjóðmálin og landsins gagn og nauðsynjar. Naut sín vel
reynsla hans og þekking á mikilvægi þeirra stétta sem oft eru kallaðar hinar
vinnandi stéttir.
Brjánn hafði sérstaklega góða nærveru, var rólegur og ljúfur en stutt í
glettn ina þegar við átti. Hann var fyrstur manna til að taka málstað annarra
og leggja gott til ef honum fannst á einhvern hallað að ósekju. Kunni hann að