Húnavaka - 01.05.2012, Blaðsíða 226

H Ú N A V A K A 224
LÖGREGLAN
BLÖNDUÓSI.
Starfsemin árið 2011.
Þegar litið er yfir árið 2011 í heild
sinni þá má segja að flest hafi verið
með ágætum, utan þrjú hörmuleg slys
þar sem einn lét lífið í hverju þeirra.
Tvö þessara slysa urðu á þjóðveginum
í Víðidal er ökutæki rákust
saman. Afleiðingin var að einn
ökumaður lést í hvoru slysi.
Þriðja slysið varð við býlið
Víkur á Skaga en þar lést
ökumaður á bifhjóli. Slys eru
ávallt hörmulegur atburður og
missir af þeirra völdum sár og
óvæginn þar sem slíkt hittir fólk
óundirbúið og raskar allri
tilveru þess.
Verkefni voru með svipuðu
sniði og verið hefur og þeim
sinnt eftir því sem tök eru á.
Umferðarverkefni, sem staðið
hefur undanfarin ár, var með
hefðbundnum hætti og gerir það kleift
að halda uppi eftirlit með umferð og
þá sérstaklega á þjóðveginum. Þ ar er
unnið eftir svartblettagreiningu frá
Vegagerðinni en hún byggist á
að greina þá staði þar sem slys
og óhöpp eru tíðari en á öðrum
stöðum og því er eftirlitinu beint
að þeim vegaköflum.
Samstarf lögregluliða á
Norðurlandi var með svipuðu
sniði og verið hefur og byggist
það meðal annars á samvinnu
varðandi fíkniefnamál og
samhæfingu vinnubragða og
áherslna.
Þann 15. október var haldin
almannavarnaæfing með
þátttöku allra viðbragðsaðila á
svæðinu, ríkislögreglustjóra og fleiri
sem aðstoðuðu, rýndu eða voru gestir.
Sett var upp umferðarslys þar sem í
hlut átti stór fólksflutningabifreið og
tvær minni bifreiðar. Æfingin tókst
afar vel og kom vel í ljós að til staðar
eru afar öflug lið hjá öllum
viðbragðsaðilum og eru þau vel í stakk
búin til að takast á við óhöpp, stór og
smá, hverju nafni sem þau nefnast. Er
það afar mikilvægt fyrir þá sem sinna
þessum störfum dags daglega að vita
af því að til viðbótar er hægt á
skömmum tíma að kalla til öflugt lið
sem kemur til hjálpar. Hér með er
Frá almannavarnaæfingu þann 15. október 2011.
Ljósm.: Birgir Ingólfsson.
Frá almannavarnaæfingu þann 15. október 2011.
Ljósm.: Birgir Ingólfsson.