Húnavaka - 01.05.2012, Page 242

H Ú N A V A K A 240
STARFSEMI BLÖNDUSTÖÐVAR
ÁRIÐ 2011.
Rekstur Blöndustöðvar gekk vel á
árinu 2011 eins og fyrri ár. Fram-
leiðslan var 816.415 MWh og er það
nærri 100.000 MWh meira en gert
var ráð fyrir í hönnun virkjunarinnar.
Ástæðan fyrir þessu er einföld, bráðn-
un jökla er meiri en áður.
Rekstraröryggi var 100%,
þ.e.a.s. engar útleysingar
eða bilanir á aflvélum eða
öðr um framleiðslueiningum.
Á vormánuðum leit út
fyrir að Blöndulón myndi
fyll ast á miðju sumri því
sérstaklega góð vatnsstaða
var um vorið. Ekki gekk
þetta eftir og fór Blöndulón
ekki á yfirfall fyrr en 6. ágúst
enda sumarið kalt og þurrt
eins og menn muna. Þetta
minnir okkur á það að
ómögu legt er að spá um
rennsli í Blöndu gömlu.
Góð vatnsstaða hefur ekki sömu
merkingu hjá laxveiðimönnum og hjá
starfsmönnum Landsvirkjunar en
óskastaða veiðimanna er að rennsli sé
aðeins í gegnum vélar Blöndustöðvar
en ekki á yfirfalli. Þegar Blöndulón er
á yfirfalli verður áin gruggug og ekki
auðveld til veiða. Segja má að best
væri fyrir alla aðila ef lónið fylltist ekki
fyrr en í september og þá væri góður
forði fyrir veturinn hjá Landsvirkjun
og hægt að veiða út tímabilið
Að jafnaði vinna 14 fastir starfs-
menn við Blöndustöð. Sumarstarfs-
menn eru eins og vanalega ráðnir inn
á stöðina og fjölgaði um 31 starfsmann
á síðasta sumri. Ráðnir eru hvort
tveggja; framhalds- og háskólanemar
og eru verkefni þeirra margvísleg, t.d.
afleysingar í eldhúsi og starfs-
mannahúsi, gróðursetningar, vinna
við samstarfsverkefni og margt fleira.
Nokkur samstarfsverkefni voru í
gangi og er eitt þeirra „Margar
hendur vinna létt verk“, samtals voru
gerðir 7 samningar við aðila sem
nýttu sér samstarf Blönduvirkjunar
tengt því verkefni. Einnig er samstarfs-
verkefni á milli Landsvirkjunar og
Húnavatnshrepps með rekstur og
verkefni á svæðinu yfir sumartímann.
Greiðir Húnavatnshreppur hluta af
kostnaði vinnuflokksins og fær á móti
vinnuafl og tæki Blöndustöðvar fyrir
verkefni hreppsins. Þetta samstarf
hefur gengið mjög vel.
Nýjar virkjanir hafa verið til um-
ræðu við Blöndu. Þetta eru rennslis-
virkjanir sem staðsettar yrðu í veituleið
frá Blöndulóni að inntakslóni stöðvar-
innar. Um er að ræða 2-3 stöðvar en
hönnun er ekki lokið að fullu. Gert er
ráð fyrir að uppsett afl verði 28
megawött og er áætlað að samanlögð
orkugeta verði um 180 gígawattstundir
á ári. Virkjað fall er um 64 metrar úr
Blöndulóni í Gilsárlón.
Túrbínuhjól úr vél 2. Myndin tekin frá sográs túrbínu
og er hjólið eins og nýtt þótt runnið hafi 20 tonn á sek.
í 20 ár í gegnum það og framleitt þannig rafmagn fyrir
landsmenn.