Húnavaka - 01.05.2012, Qupperneq 258

H Ú N A V A K A 256
hrognafylling og stærð og þyngd
grásleppuhrogna breytist eftir því sem
líður á vertíðina.
Selarannsóknir.
Allt frá árinu 2007 hefur BioPol, í
samstarfi við hringormanefnd, staðið
fyrir söfnun á magasýnum úr sel til
þess að rannsaka fæðunám tegundar-
innar. Á árinu hefur Sarah Nebel
unn ið við að klára öll þau sýni sem
búið var að forvinna og mun í fram-
haldi af því skrifa skýrslu þar sem
gerð verður grein fyrir niðurstöðum
rannsóknanna. Sarah flutti jafnframt
fyrirlestur um hluta af niðurstöðum
verkefnisins á líffræðiráðstefnu sem
haldin var í Reykjavík í nóvember. Á
haustmánuðum tók Jakob Kasper
þátt í talningum á landsel í samstarfi
við Selasetur Íslands og Rannsjá sem
er félag í eigu Erlings Haukssonar
líffræðings.
Kræklingaverkefni.
Verkefni sem tengjast kræklingarækt
voru mjög fyrirferðarmikil í starfsemi
BioPol efh. Félagið hefur átt í samstarfi
við hóp áhugamanna á Hvammstanga
um kræklingarækt. Um er að ræða
vöktun á framvindu svifþörunga,
magni blaðgrænu og stærð og magni
kræklingalirfa í Miðfirði. Vöxtur á til-
raunasöfnurum, sem settir voru út í
fyrra, hefur verið mjög góður og var
rúmt tonn af skel sokkuð nú í haust.
Samhliða þessu hefur verið í gangi
verkefni sem miðar að því að rannsaka
hvernig árstíðarbundnar sveiflur á
magni eiturþörunga í sjó hafa áhrif á
uppsöfnun þörungaeiturs í skelfiski og
um hvaða eiturtegundir sé helst að
ræða. Í verkefninu verða jafnframt
born ar saman mismunandi aðferðir
við mælingar á þörungaeitri. Tekin
hafa verið sjó- og kræklingasýni á
vikufresti inni í Miðfirði og í nágrenni
Skagastrandar til þess að nota í verk-
efninu. Vinna er nú í gangi við að
telja magn eitraðra þörunga í sjó sýn-
unum og mæla hugsanlegt eitur í skel-
inni með 2-3 mismunandi skjótvirkum
aðferðum. Með þessu mun fást mikil-
væg reynsla af notkun þessara prófa
við íslenskar aðstæður og eru vonir
bundnar við að sú þekking geti orðið
íslenskum kræklingaiðnaði til fram-
dráttar. Verkefni þetta hefur verið
unn ið m.a. í samstarfi við SAMS í
Oban í Skotlandi og hafa fulltrúar
það an komið tvívegis til Skagastrandar
í tengslum við verkefnið.
Með þátttöku fyrirtækisins í krækl-
ingaverkefnum hefur byggst upp þekk-
ing og tækjabúnaður sem gerir fyrir-
tækinu kleift að bjóða upp á þjónustu
fyrir starfandi kræklingaræktendur.
Um er að ræða talningar og mat á
stærð kræklingalirfa og greiningar og
talningar á eiturþörungum. Jafnframt
hefur fyrirtækið komið sér upp tækja-
búnaði og þekkingu til þess að geta
greint eitur í skelfiski með skjótvirkum
hætti.
Þörungaræktanir.
Árið 2009 hófust í samstarfi við
Há skól ann á Akureyri tilraunarækt-
anir á þörungum. Markmið þessara
tilrauna er að finna og einangra
ófrum bjarga þörunga úr sjó. Þörung-
arnir eru af ættinni Thraustochy-
triaceae. Um 40 stofnar hafa þegar
verið einangraðir og hefur einn þeirra
verið greindur til tegunda sem
Thraustochytrium Kinney. Stofnarn ir
í stofnasafninu eru ætlaðir til fram-
leiðslu á olíu með fjölómettuðum fitu-
sýrum og litarefnum. Á árinu 2010
tókst að fjölga stofnunum og jafnframt