Húnavaka - 01.05.2013, Blaðsíða 123

H Ú N A V A K A 121
þar á meðal var Litlidalur. Heiðargirðing varð því eitt af mínum mestu áhuga-
málum en þar var við ramman reip að draga þar sem hreppsnefndin var
þannig skipuð að þar sátu stærstu hrossabændurnir, Björn á Löngumýri, Lárus
á Tindum og fleiri. Svo voru þeir einnig andvígir öllu sem yrði kostnaður fyrir
hreppinn. Því var aðeins ein leið fær til að koma þessu máli í framkvæmd. Hún
var sú að safna liði og koma sér í hreppsnefnd ásamt þeim sem fylgdu okkur
að málum.
Þar sem ég á næstu árum vann mikið við nýbyggingar út um hreppinn, því
nú vildu allir fara að byggja, var ég fljótur að kynnast fólkinu í sveitinni. Þá var
unnið að því að safna liði því að hugmyndin var að ná meirihluta í hreppsnefnd.
Þegar kom að næstu kosningum var Björn á Löngumýri orðinn kaupfélagsstjóri
á Skagaströnd en hafði verið oddviti hreppsnefndar yfir langt tímabil.
Sumum þótti nokkuð undarlegt að ég, strákur úr Reykjavík sem var ný-
kominn í sveitina, skyldi láta mér til hugar koma að vera kosinn í hreppsnefnd.
En það fór nú samt þannig að við fengum þrjá menn kosna og vorum því með
meirihluta.
Ekki leið á löngu þar til hafist var handa við heiðargirðinguna og það verk
gekk fljótt fyrir sig. Þetta breytti miklu fyrir fremstu bæina í sveitinni hvað
ágang fénaðar snerti en einnig fyrir allt upprekstrarfélagið að halda fénaðinum
á heiðinni.
Eins og fyrr er frá greint var bústofninn lítill og því aðkallandi að bæta við
hann. Um sumarið 1951 fengu bræðurnir, Steingrímur og Albert á Snær ings-
stöðum, mig til að byggja fyrir sig íbúðarhús sem ég og gerði. Millum okkar
samdist svo að vinnulaun yrðu greidd með lambgimbrum. Um haustið feng-
um við 30 gimbrar frá þeim bræðrum. Ég man að sveitungarnir höfðu í flimt-
ingum að þeir bræður hefðu valið í mig minnstu gimbrarnar en hvernig sem
því var háttað reyndust þær prýðilega.
Það var í mörgu að snúast og margt fram undan enda voru aðstæður fyrir
umsýslan búskapar ekki upp á marga fiska eins og fyrr segir. Það þurfti að auka
Snæringsstaðir. Byggt 1936 og síðan byggði Haraldur við húsið 1951.
Mynd: Ættir Austur-Húnvetninga.