Lögmannablaðið - 01.12.2010, Blaðsíða 25

lögMannaBlaðið tBl 04/10 25
Aðsent efni
og námskeið fyrir kennara, og
söfnun ýmissa tölfræðiupplýsinga og
mælinganiðurstaðna sem varða nám
og kennslu.
Það laganám sem ég þekki best
til í dag er byggt á norrænum grunni,
ef svo má að orði komast. námið er
mjög krefjandi hvað umfang og inntak
varðar. Í því sambandi er rétt að hafa í
huga að laganemum er í dag ætlað að
ljúka 30 eCtS einingum á hverri önn
eða að jafnaði 2 eCtS einingum á viku
miðað við 15 vikna kennsluannir. Hver
eCtS eining á að endurspegla 25 ­30
vinnustundir hjá nemanda. vinnuvikan
á því að jafnaði að vera 50­60 klst. a.m.t.
tímasókn. ég leyfi mér að fullyrða að
kröfur til nemenda a.m.k. þar sem ég
þekki til séu í samræmi við þessi viðmið
og getur nú hver og einn litið í eigin
barm og borið saman við eigin reynslu
í laganámi.
hvernig hefur útskrifuðum
nemendum vegnað?
lagadeild HR hefur frá því að deildin
útskrifaði fyrsta hópinn úr meistaranámi
haustið 2007 fylgst reglulega með
hvernig útskrifuðum nemendum hefur
vegnað. Hefur það verið gert bæði
með faglegum almennum könnunum
og samtölum vð nemendur og þá sem
ráðið hafa nemendur okkar til starfa.
Kannanir sýna að fyrrverandi nemendur
okkur telja að námið sem þau fengu við
lagadeild HR hafi nýst þeim vel í starfi
(http://www.hr.is/rit/alumniskyrsla_
ld/). viðbrögð vinnuveitenda hafa bent
til hins sama.
upplýsingar um laganám.
ég vil skora á lesendur lögmannablaðsins
að kynna sér skipulag og inntak þess
laganáms sem boðið er uppá hér á landi.
Þær upplýsingar eru vel aðgengilegar á
netinu (sjá hvað HR varðar: www.ru.is/
deildir/lagadeild/). ég er sannfærður
um að sú skoðun mun færa lesendum
heim sanninn um að námið er almennt
krefjandi og vandað og síst lakara
en það nám sem til boða stóð fyrir
tilkomu nýju lagadeildanna „uppúr
aldamótunum síðustu“. er ég þá ekki
að gera lítið úr því námi sem til boða
stóð fyrir fjölgun lagadeildanna og að
sögn færði nemendum „mikla færni og
getu til að sinna flóknum lögfræðilegum
verkefnum“.
að mati undirritaðs er full ástæða
til að treysta starfsmönnum lagadeilda
hér á landi fyrir gæðum laganámsins.
til þess hafa þeir bæði menntun og
reynslu. faglegar gæðaúttektir er því
til staðfestu. Í því sambandi er rétt
að hafa í huga og leggja áherslu á
að meðal starfsmanna lagadeildanna
eru einstaklingar með mikla reynslu
af störfum lögmanna og dómara og af
störfum í stjórnsýslunni. öll málefnaleg
umræða um laganám, hvort sem það
er á vettvangi lögmannafélagsins eða
annar staðar , er hins vegar jákvæð og
veitir nauðsynlegt aðhald.
Sá sem þetta ritar lætur af störfum
forseta lagadeildar HR um komandi
áramót. ég vil nota tækifærið til að þakka
öllum þeim fjölmörgu lögmönnum
sem lagt hafa deildinni ómetanlegt
lið, allt frá stofnun hennar og meðan
á undirbúningi stóð, mínar innilegustu
þakkir. mér telst til að í dag komi u.þ.b.
30 stundakennarar og aðjúnktar við
deildina úr röðum starfandi lögmanna.
framlag þeirra til lagakennslu ber
lögmannstéttinni gott vitni.