Lögmannablaðið - 01.12.2010, Blaðsíða 20
20 lögMannaBlaðið tBl 04/10
UMfjöllUn
fjörugar umræður á fjölmennu málþingi
um millidómstig
Þann 8. OktóBer sl. stóðu
lögmannafélag íslands, dómarafélag
íslands, lögfræðingafélag íslands og
ákærendafélag íslands fyrir málþingi
um stofnun sérstaks millidómstigs. er
þetta í fyrsta sinn sem félögin fjögur
halda sameiginlegt málþing. aðsóknin
var með eindæmum góð enda um mikið
hagsmunamál að ræða.
Þrír lögfræðingar voru með framsögur
á málþinginu. fyrstur var Símon
Sigvaldason, héraðsdómari og formaður
dómstólaráðs. Rakti hann söguna og
fjallaði um hvort millidómstig væri tálsýn
eða raunveruleiki. næstur tók til máls
Páll Hreinsson, hæstaréttardómari og
fjallaði hann um málið frá sjónarhóli
dómara. Síðastur framsögumanna var
valtýr Sigurðsson ríkissaksóknari sem
fjallaði um sjónarmið ákæruvaldsins.
að loknum framsögum reifuðu fjórir
lögfræðingar ýmis sjónarmið um
fundarefnið. Jón Steinar Gunnlaugsson,
hæstaréttardómari, ræddi um hvort
Hæstiréttur gæti við núverandi skipan
gegnt hlutverki sínu sem fordæmis
dómstóll. Ása Ólafsdóttir, hæsta
réttarlögmaður og lektor við lagadeild
Háskóla Íslands, fjallaði því næst um
aðgengi að dómstólum við úrlausn
smærri ágreiningsmála. eva Bryndís
Helgadóttir, hæstaréttarlögmaður, ræddi
um þörf á millidómstigi í einkamálum
og Sigurður tómas magnússon prófessor
við Háskólann í Reykjavík fjallaði um
endurskoðun á sönnunarmati í ljósi
meginreglunnar um milliliðalausa
sönnunarfærslu.
einhugur fundarmanna
eftir að frummælendur höfðu lokið máli
sínu spunnust mjög líflegar umræður
undir stjórn eiríks tómassonar
fundarstjóra. fjölmargir fundargesta tóku
til máls en athygli vakti hversu mikill
einhugur ríkti í salnum um brýna
nauðsyn þess að breyta skipulagi
dómstólanna og koma á fót milli
dómstigi.
fundarmenn voru sammála um að
fyrirséð væri að dómskerfið myndi að
óbreyttu ekki anna því álagi sem
yfirvofandi er vegna fjölgunar munnlegra
fluttra mála. Gríðarlega mikilvægt væri
að séð yrði til þess að íslenskt dómskerfi
réði við þau mál sem því berast og að
tryggt yrði að mál sem tengjast hruni
íslenska efnahagskerfisins tefjist ekki
vegna skipulags dómskerfisins.
velt var upp hugmyndum um
hvernig best væri að standa að því að
koma millidómstigi á laggirnar. Hvort
stofna ætti nýtt millidómstig sem tæki
við málum frá héraðsdómstólunum eða
hvort stofna ætti nýtt dómstig sem væri
þriðja og síðasta dómstigið þannig að
hlutverk núverandi Hæstaréttar yrði að
vera millidómstig.
aðsókn á málþing um millidómstig fór fram úr björtustu vonum og komust færri að en vildu.