Lögmannablaðið - 01.12.2010, Blaðsíða 26
26 lögMannaBlaðið tBl 04/10
UMfjöllUn
Í mÁli nR. 2/2009 komst úrskurðar
nefndin að þeirri niðurstöðu það hafi
verið aðfinnsluverð vanræksla lögmanns
að hafa ekki orðið við kröfu kæranda
um að að fá sundurliðaðan reikning og
skýringar á uppgjöri. Hafi slíkt brotið
gegn 15. gr. siðareglna lögmanna.
Kærandi taldi að lögmaður hans
hefði ofkrafið hann um málskostnað
vegna vinnu sinnar og gerði því kröfu
um að fá hluta hans endurgreiddan.
lögmaðurinn hafði rekið héraðsdómsmál
fyrir kæranda vegna innheimtu
tryggingabóta. málinu var síðan áfrýjað
til Hæstaréttar en áður en það var flutt
fyrir réttinum náðust sættir milli aðila um
viðurkenningu bótaskyldu og greiðslu
bóta. niðurstaða sáttarinnar var sú að
kærandi fengi greiddar 4,1 milljón króna
frá tryggingafélaginu og 995.000 krónur
í málskostnað. voru fjármunirnir lagðir
inn á fjárvörslureikning lögmannsins
sem greiddi kærða kr. 3.592.199
sem uppgjör á hinum innheimtu
bótum. Kærandi var ósáttur við þessa
niðurstöðu og óskaði eftir skýringum
og sundurliðuðum reikningi fyrir öllum
málskostnaðinum. Kærandi sætti sig
ekki við skýringar lögmannsins og
fyrir úrskurðarnefndinni gerði hann
þær kröfur að fá endurgreiddar
eftirstöðvar bótagreiðslunnar að fjárhæð
kr. 507.801.
Þar sem engin tímaskýrsla eða
upplýsingar úr tímaskýrslu lágu
fyrir í málinu, þrátt fyrir tilmæli
úrskurðarnefndarinnar til lögmannsins
að senda nefndinni slík gögn, varð
nefndin að miða við önnur gögn málsins
til að leggja mat á hvort endurgjald
lögmannsins teldist hæfilegt. af
tölvupóstsamskiptum aðila varð ekkert
ráðið um að lögmaðurinn hefði upplýst
kæranda um að hann áskildi sér hærra
endurgjald en sem næmi hinum tildæmda
málskostnaði sem samkomulag var um
að tryggingafélagið greiddi. nefndin taldi
því hæfilegt endurgjald lögmannsins
fyrir málflutningsstörf í þágu kæranda
við innheimtu tryggingabótanna nema
þeim 995.000 krónum sem héraðsdómur
hafði dæmt og sátt milli aðila hljóðaði
um. var hinum kærða lögmanni því gert
að greiða kæranda 507.801 krónu.
Ingvi Snær Einarsson hdl.
tók saman.
Mikilvægi sundurliðunar reikninga
15. gr.Lögmanni ber að láta
skjólstæðingi í té sundurliðaðan
reikning yfir verkkostnað í hverju
máli. Sé þóknun áskilin á grundvelli
tímagjalds skulu upplýsingar veittar
úr tímaskýrslu ef eftir þeim er
leitað.
40 útskrifast með héraðsdómslögmannsréttindi
Þann 12. nÓvemBeR s.l. fór fram
útskrift af námskeiði til öflunar réttinda
til að vera héraðsdómslögmaður en
um var að ræða seinna námskeiðið af
tveimur sem haldið var á árinu 2010. alls
útskrifuðust 40 lögfræðingar að þessu
sinni, 22 konur og 18 karlar, en þetta
er í fyrsta sinn um langt árabil sem fleiri
konur útskrifast en karlar.
til fróðleiks má geta þess að af
þeim 44 sem þreyttu próf á fyrri hluta
námskeiðsins í fyrsta sinn náðu 26
þátttakendur, eða 59%, fullnægjandi
árangri, en 18 þátttakendur, 41%, þurfa
að reyna á nýjan leik. Þá náðu 17
þátttakendur af 26, eða 65%, sem skráðir
voru í endurtektarpróf fullnægjandi
árangri.