Lögmannablaðið - 01.12.2014, Blaðsíða 9

LÖGMANNABLAÐIÐ TBL 04/14 9
UMFJÖLLUN
Ósanngjarnt að sifjamálin
séu undanskilin
Þau mál sem undanskilin eru í
réttaraðstoðar­ og málskostnaðar­
tryggingu varða skilnað og sambúðarslit,
forræði barna og umgengnisrétt. Þá eru
sakamál undanþegin, mál sem eru í
tengslum við atvinnu og sem varða
fjárhagslegar ráðstafanir sem eru
óvenjulegar eða óvenju umfangsmiklar
fyrir einstakling. Einnig mál þar sem
vátryggður gengur í ábyrgð fyrir
aðra, mál sem varða skaðabætur eða
aðrar kröfur vegna saknæms brots,
innheimtumál gegn vátryggðum þar
sem krafa er óumdeild og ef ekki eru
fyrir hendi réttmætir hagsmunir af því
að fá dóm í málinu.
Þyrí Steingrímsdóttir hrl., sem mikið
sinnir sifjamálum, segir það verulega
ósanngjarnt að þau mál séu undanskilin
í málskostnaðartryggingunni: „Ég hef
aldrei skilið hvaða eðlismunur er á
sifjamálum og öðrum málum hvað þetta
varðar. Skilmálar málskostnaðartrygginga
eru venjulega alveg skýrir með það
að tryggingarnar taka ekki til máls­
meðferðar hjá stjórnsýslunni heldur
bara hjá dómstólum. Ég gæti alveg
fellt mig við það í sifjamálunum en ég
hef aldrei skilið hvaða rök standa til
þess að undanskilja heilan málaflokk
úr málskostnaðartryggingu,“ sagði hún.
Þyrí sagði ennfremur að á ráðstefnu
um gjafsóknarmál, sem haldin var
í Reykjavík nýlega, hafi lögmenn
frá Norðurlöndum talað á þann veg
að málskostnaðartryggingar væru
algengari og „sterkari“ en hér þekkist:
„Finnski lögmaðurinn sagði að yfir
80% einstaklinga í Finnlandi væru
með slíka tryggingu og að það væri
skilyrði fyrir veitingu gjafsóknarleyfis
þar í landi að búið væri að ganga úr
skugga um að viðkomandi gæti ekki
fengið greitt úr sinni tryggingu. Þetta
er umhugsunarvert.“
Í lokin
Málskostnaðartryggingar skipta oft
sköpum fyrir einstaklinga sem ná þurfa
fram rétti sínum fyrir dómstólum og
það er mikilvægt að lögmenn sem
og almenningur séu meðvitaðir um
tilvist slíkra trygginga. Þá eru skilmálar
málskostnaðartrygginga keimlíkir milli
tryggingarfélaganna og frekar mismunur
á tryggingavernd eftir flokkum en
félögum.
Eyrún Ingadóttir
Ásbjörn Jónsson hrl.
Jón Eysteinsson hrl.
Unnar Steinn Bjarndal hdl.
Garðar K. Vilhjálmsson hdl.
Snorri Snorrason hdl.
Ásta Björk Eiríksdóttir hdl.
Theodór Kjartansson hdl.