Dagblaðið Vísir - DV - 15.10.2012, Blaðsíða 8

Lét sig hverfa og
fLúði tiL ísLands
8 Fréttir 15. október 2012 Mánudagur
R
úmenskur viðskiptajöfur að
nafni Cristian Sima lét sig
hverfa í byrjun október og
hafði með sér gífurlegar fjár-
hæðir í eigu viðskiptavina
sinna. Ekkert spurðist til Sima í tæpar
tvær vikur þar til rúmenskir fjölmiðl-
ar greindu frá því um helgina að hann
væri í felum á Íslandi og hefðist við í
leiguíbúð í Reykjavík. Málið hefur
vakið mikla hneykslan og er sagt áfall
fyrir rúmenskt viðskiptalíf. Sima er
einn þekktasti viðskipta mógúll Rúm-
eníu auk þess að vera forseti næst-
stærstu kauphallar landsins, Sibex,
sem sérhæfir sig í afleiðuviðskiptum.
Hann er sagður hafa haft milljónir
evra af viðskiptavinum sínum í gegn-
um félagið WBS Holding sem skrásett
er á Bresku Jómfrúreyjum.
Óttast valdamikla
viðskiptavini
„Þeir kúnnar sem ég starfaði fyrir
voru mjög voldugir, þess vegna er
ég hræddur um líf mitt,“ sagði Sima
þegar hann tjáði sig loks við rúm-
enska fjölmiðla á föstudaginn. Í við-
tali við fréttamiðilinn Realitatea
sagð ist Sima hafa yfirgefið Rúmeníu
vegna ótta við valdamikla og óþolin-
móða viðskiptavini. Þá vísaði hann
á bug ásökunum um að hann hefði
stolið fé viðskiptafélaga sinna og
sagði það hafa glatast vegna slæmra
fjárfestinga.
„Eins og ég hef áður sagt, þá tap-
aði ég öllum peningunum. Ég tók
enga peninga með mér þegar ég fór
frá Rúmeníu og ég á enga peninga í
felum. Þær eignir sem ég á eru eign-
ir sem eru uppgefnar til skatts. Aðrar
upplýsingar eru rangar og búnar til af
fjölmiðlum. Ég þurfti að fara úr landi
vegna kvíða út af því sem á undan
hafði gengið. Ég hef tapað tveim-
ur milljónum evra og tveimur millj-
ónum dollara vegna slæmra fjár-
festinga. Ég er hræddur um líf mitt.“
Öruggari á Íslandi
„Ég er hræddur af því að þegar þú
tapar peningum þeirra sem þú
starfar fyrir þá vilja þeir hefnd.
Ég tapaði peningunum. Ég fjár-
festi glannalega, eftir eigin höfði,
ég reyndi dag eftir dag að bjarga
því sem hægt var að bjarga, en
það gekk ekki,“ segir Sima sem kýs
að dveljast á Íslandi öryggis síns
vegna. Í landi eins og Íslandi sé
mun erfiðara að komast upp með
glæpi en í Rúmeníu og því hyggist
hann vera hér um tíma. „Landið er
svo lítið að það er minni áhætta fyr-
ir mig að vera hér en í Rúmeníu. Ég
er öruggur hér.“
Áður en Sima kom til Íslands
varði hann nokkrum tíma í Sviss.
„Ég gat verið í Sviss en heimilis-
fang mitt þar er öllum kunnugt. Ég
er viss um að ef þeir vilja finna mig
þá munu þeir gera það, en ég er ör-
uggari á Íslandi en í Rúmeníu.“
Fyrrum fjármálaráðherra
hlunnfarinn
Margir áberandi einstaklingar úr
stjórnmála- og viðskiptalífi Rúm-
eníu voru í samstarfi við Sima í
WBS Holding. Einn þeirra, Daniel
Dãianu, er fyrrum fjármálaráðherra
Rúmeníu og hefur setið á Evrópu-
þinginu frá árinu 2007 fyrir hönd
Frjálslynda þjóðarflokks Rúmeníu.
Dãianu staðfesti á laugardaginn
að hann hefði tapað umtalsverð-
um fjárhæðum fyrir tilstilli Cristian
Sima. Hann setti fjármagn inn í fé-
lagið og það sama gildir um nokkra
aðra þjóðþekkta Rúmena. Dãianu
hefur hvatt Sima til að snúa aftur til
Rúmeníu.
Reiðarslag fyrir Rúmena
Fréttirnar af flótta Sima eru mikið
reiðarslag fyrir rúmenskt viðskipta-
líf. „Það eru tvær mögulegar út-
skýringar á framferði Sima: Annað
hvort að hann hafi einfaldlega tap-
að peningum viðskiptafélaga sinna
og flúið eða að hann hafi hreinlega
tekið peninga þeirra og hlaupist á
brott. En báðar skýringarnar eru
slæmar fyrir fjármálamarkað Rúm-
eníu, þar sem traust er einn mikil-
vægasti þátturinn sem fjárfestar
líta til,“ segir rúmenski fjármálasér-
fræðingurinn Cristian Barsan við
vefmiðilinn Balkan Insight.
Barsan segir hlutabréfamarkað
landsins ekki sérlega burðugan en
á síðasta ári var nokkur lækkun á
verði rúmenskra hlutabréfa. Ríkis-
stjórn landsins hugðist selja hlut í
fyrirtækjum í orku- og samgöngu-
geiranum í kauphöllinni en þau
áform hafa nú verið sett á ís um
óákveðinn tíma.
Rúmenska lögreglan hefur hafist
handa við rannsókn málsins. Ekki
fengust upplýsingar frá alþjóða-
deild ríkislögreglustjóra um það
hvort leitað hefði verið til íslensku
lögreglunnar. n
n Rúmenskur viðskiptajöfur er á flótta n Felur sig í leiguíbúð í Reykjavík„Þeir kúnnar
sem ég starfaði
fyrir voru mjög vold-
ugir, þess vegna er ég
hræddur um líf mitt
Fjárglæframaður í felum Einn þekktasti viðskiptajöfur Rúmeníu, Cristian Sima, yfirgaf landið skyndilega í byrjun október. Að hans eigin
sögn var það vegna ótta við valdamikla og óþolinmóða viðskiptavini.
Auglýst eftir
íbúð í Reykjavík
Þann 5. október síðastliðinn birtist
aug lýs ing í nafni Cristian Sima á vefnum
Sublet.com þar sem óskað var eftir leigu-
íbúð í Reykjavík og bíl í að minnsta kosti
þrjá mánuði. Orðrétt stóð í auglýsingunni:
„Ég er fyrrum verðbréfasali, 51 árs gamall
og vil leigja íbúð og bíl í að minnsta kosti
þrjá mánuði. Ég er staddur í Reykjavík
núna svo þið getið haft samband við mig
ef þið viljið sýna mér íbúð.“
Þetta er merkilegt í ljósi þess að
það var ekki fyrr en viku síðar sem
rúmenskir fjölmiðlar komust á snoðir um
að Cristian Sima væri staddur í Reykjavík
og hefði leigt sér íbúð. DV getur þó ekki
staðfest að auglýsingin sé komin frá
Sima í raun og veru.
Ólafur Kjaran Árnason
blaðamaður skrifar olafurk@dv.is
Evrópuþingmaður svikinn Daniel
Dãianu, fyrrum fjármálaráðherra Rúmeníu,
er einn þeirra sem tapað hefur háum fjár-
hæðum fyrir tilstilli Cristian Sima.