Dagblaðið Vísir - DV - 15.10.2012, Blaðsíða 15

Hún var farin
að fylgja mér
Það er svo
skemmtilegt
Sara Dögg Ásgeirsdóttir átti erfitt með að aðskilja sig frá Láru. – DVJónas Sigurðsson segir íbúa Þorlákshafnar leggja sér lið. – DV
Enga stjórnmálamenn í OR!
Spurningin
„Já, ef það verður eitthvað
almennilegt í boði.“
Gréta Morthens
20 ára þjónn
„Já, ætli það ekki.“
Sverrir Ljár Björnsson
24 ára þjónn
„Nei.“
Tara Sif Haraldsdóttir
23 ára starfsmaður í Hinu húsinu
„Já, þá í von um að meira réttlæti
muni ríkja í samfélaginu okkar.“
Oddur Albertsson
55 ára kennari með meiru
„Já, ef stjórnmálaaflið er bót frá
því sem þegar stendur til boða.“
Árni Thoroddsen
58 ára kerfishönnuður
Kemur til
greina að kjósa
nýjan flokk?
1 Sakaður um vændi, ofbeldi og framhjáhald Sigmundur
Ernir Rúnarsson þingmaður talaði um
kjaftasögurnar í helgarblaði DV.
2 Hitti veru af öðrum heimi Leik-konan Sara Dögg Ásgeirsdóttir hitti
verndara sinn í hugleiðslu.
3 Sauð til dauða Starfsmaður túnfiskverksmiðju fannst látinn eftir
að hafa lent í stórri suðuvél sem sauð
túnfisk. Hann mallaði þar yfir nótt.
4 Saka æskuvin Bjarna Rand-vers um þjófnað Aðstandendur
Vantrúar saka æskuvin Bjarna Rand-
vers Sigurvinssonar um að hafa stolið
trúnaðargögnum frá félaginu.
5 Lífið er of stutt til að vera lítill Kraftakarlinn Magnús Bess Júlíusson,
betur þekktur sem Maggi Bess, fagnaði
afmæli sínu í vikunni.
6 Sigurlíkur Obama dvína Líkurnar á sigri Baracks Obama, forseta
Bandaríkjanna, í forsetakosningum
vestanhafs sem fram fara síðar í
vetur minnka með hverjum deginum
sem líður.
7 Forstjóri Hafró segir brott-kast nauðsynlegt DV.is sagði frá
því á miðvikudag að mikið brottkast
hafi verið á afla í rannsóknarleiðangri
skipsins Bjarna Sæmundssonar 2.
október síðastliðinn.
Mest lesið á DV.is
Í
kjölfar kolsvartrar skýrslu um Orku­
veitu Reykjavíkur komu hugmyndir
um endurbætur. Sú endurbót sem
slegið var upp í mörgum fjölmiðlum
var að nú yrðu engir stjórnmálamenn
í stjórn Orkuveitunnar. Mátti á því
skilja að stjórnmálamenn væru þeirr­
ar tegundar að þau fyrirtæki sem þeir
kæmu að yrðu óhjákvæmilega spill­
ingu að bráð.
Nú getur verið að heppilegra sé að
sérfræðingar eða almennir borgarar
stjórni Orkuveitunni og allt eins getur
verið að það verði líklegra til árangurs.
Samt sem áður kveikti umræðan um
skýrsluna hjá mér gamalkunnugt
stef um að lausnin á vanda íslensku
þjóðarinnar væri að fjarlægja ákvarð­
anir frá stjórnmálamönnum og koma
þeim til einkaaðila eða sérfræðinga.
Í starfi í pólitík á miklum umrótatím­
um hef ég oft heyrt kröfuna um að
pólitíkusar séu ekki hér eða þar því
það leiddi óhjákvæmilega til spillingar
og stjórnleysis. Ég hef stundum reynt
að ræða þetta viðhorf og liggur yfir­
leitt að baki sú hugmynd að pólitíkusar
gangi fyrst og fremst erinda sérhags­
muna og hafi yfirleitt ekki vit á því sem
um er að ræða.
Ég hef líka unnið í nefndum og ver­
kefnum þar sem sérfræðingar og fólk úr
atvinnulífinu tekur ákvarðanir – þar hef­
ur mér ekki þótt sérhagsmunagæslan
neitt minni. Flestir eru að ganga ein­
hverra hagsmuna og þó sérfræðingarnir
séu fljótari að koma sér inn í málin eru
þeir líka leiknir að rökstyðja þá niður­
stöðu sem hentar hagsmunum þeirra.
Hættan er líka sú að of margir telja að
þegar búið er að losa stjórnmálamenn
frá ákvarðanatöku þurfi ekki að hafa
eftirlit með verkinu. Lausnin er ekki
að finna fólk með rétta merkimiða eða
starfsheiti til að sitja í stjórnum. Allt fólk
getur orðið spillingu að bráð og allir
geta látið spilla sér með valdi eða pen­
ingum. Enginn maður er svo sérstakur
að hann sé hafinn yfir vafa.
Stjórnmálamenn eiga að eyða mikl­
um tíma í að útskýra ákvarðanir sín­
ar og þeir eiga að geta skýrt samhengi
milli stefnu og framkvæmdar á sann­
færandi hátt. Stjórnmálamenn eiga
í hverju tilviki að geta gefið trúverð­
ugar skýringar á því hvernig ákvarðan­
ir þeirra mótuðust fremur af almanna­
hagsmunum en sérhagsmunum.
Stjórnmálamenn eiga að svara sérstak­
lega fyrir þau verk þar sem þeir gætu
átt hagsmuna að gæta og þau verk þarf
að tortryggja.
Þannig þarf það að vera um alla
menn sem fara með almannafé eða
gæta almannahagsmuna á annan hátt.
Þeir eiga á hverjum tíma að geta gefið
trúverðugar útskýringar á ákvörðunum
sínum og lagt fram gögn sem styðja
mál þeirra. Það er ekki spurning um
traust – það er spurning um eðlilegt
aðhald með störfum sem skiptir okk­
ur öll máli að séu heiðarlega af hendi
leyst. n
Við öllu búnir Stór hluti starfs slökkviliðsmanna felst í því að búa sig undir hið versta. Þeir þurfa þess vegna að æfa sig við hinar ýmsu aðstæður. Í liðinni viku æfði slökkviliðið
við gömlu höfnina á Austurbakkanum í Reykjavík en eins og sjá má var mikið um að vera. mynd Sigtryggur AriMyndin
Umræða 15mánudagur 15. október 2012
„Enginn maður er
svo sérstakur að
hann sé hafinn yfir vafa.
Það þarf að
gefa sér tíma
Sigurveig Káradóttir kennir landinum að meta súpur. – DV
J
óhanna Sigurðardóttir forsætis­
ráðherra sagði í vikunni að það
væri óþarfi að amast við fram­
kvæmdum Landsvirkjunar við
Mývatn og allt væri í samræmi við
reglur. Jóhanna hefur sýnt umhverfis­
málum algjört áhugaleysi í gegnum tíð­
ina. Þannig lét hún til dæmis Unni Brá
Konráðsdóttur, þingmann Sjálfstæðis­
flokksins, sitja í verkefnisstjórn ramma­
áætlunar fyrir sína hönd. Ég leyfi mér
að efast um að forsætisráðherra hafi
kynnt sér tíu ára gamalt og gallað um­
hverfismat virkjunarinnar, verndar­
áætlun Mývatns eða nýja umsögn Um­
hverfisstofnunar áður en hún fullyrti
af fullkomnu kæruleysi úr ræðustóli
Alþingis að það væri óþarfi að ,,amast"
við framkvæmdum Landsvirkjunar við
Mývatn.
Á sömu nótum talaði Bryndís
Hlöðversdóttir, flokkssystir forsætis­
ráðherra, núverandi stjórnarformaður
Landsvirkjunar og fyrrverandi stjórn­
arformaður Orkuveitu Reykjavíkur.
Hún sagði í viðtali að framkvæmdir
við virkjanir í Bjarnarflagi væru í fullu
samræmi við lög og reglur og lét þar
við sitja.
Í báðum tilfellum var um útúr­
snúning að ræða. Því hefur ekki verið
haldið fram að lög hafi verið brotin.
Einungis hefur verið bent á að glopp­
ur í skipulagslögum hafi verið notaðar
til að hefja framkvæmdir við Mývatn
áður en endanlegt framkvæmdaleyfi,
virkjanaleyfi og starfsleyfi hafa ver­
ið gefin út og áður en rammaáætlun
hefur verið samþykkt á Alþingi. Mest
áhersla hefur verið lögð á að fram­
kvæmdirnar byggi á tíu ára gömlu
umhverfismati sem taki ekki nægi­
legt tillit til þeirrar reynslu sem hefur
fengist af rekstri jarðvarmavirkjana á
þeim tíma, þar á meðal mengunar frá
affallsvatni og brennisteinsvetni.
Stjórnmálamenn af gamla skólan­
um eru gjarnir á að nota útúrsnúninga
eins og þá sem Jóhanna og Bryndís
beittu. Ótal oft hafa lélegar, jafnvel sið­
lausar, ákvarðanir verið réttlættar með
því að þær séu löglegar.
Mér lék forvitni á að vita hvaðan
upplýsingar forsætisráðherra og stjórn­
arformanns Landsvirkjunar um lög­
mæti framkvæmdanna væru komn­
ar. Þess vegna fór ég inn á heimasíðu
Landsvirkjunar og komst þar að því
að yfirlögfræðingur Landsvirkjunar
er Jón Sveinsson, fyrrverandi formað­
ur einkavæðingarnefndar fyrir hönd
Framsóknarflokksins. Sá hinn sami
og stýrði meðal annars einkavæð­
ingu Símans og sölu á ÍAV sem síðar
var dæmd ólögmæt í Hæstarétti. Í því
tilfelli hafði Jón setið í stjórn ÍAV fyrir
hönd ríkisins og lögmannsstofa Jóns
hafði líka starfað um árabil fyrir ÍAV. Því
hafði Jón mikla viðskiptahagsmuni af
því hver eignaðist ráðandi hlut í fyrir­
tækinu þegar það yrði einkavætt. Samt
var Jón látinn annast kynningu á ÍAV
í söluferlinu þar sem hann er meðal
annars talinn hafa vanmetið land í eigu
fyrirtækisins um milljarða króna. Fyr­
irtækið endaði að lokum í höndum
hóps sem skipaði Jón stjórnarformann.
(Sjá umfjöllun DV og 24stunda).
Nú er þessi sami Jón orðinn yfir­
lögfræðingur Landsvirkjunar og að því
er virðist einn helsti lögfræðiráðgjafi
Samfylkingarinnar í virkjanamálum.
Er nema von að Róbert Marshall hafi
ekki talið sig eiga samleið með flokkn­
um lengur? n
Lögfræðingur Jóhönnu í virkjanamálum
Af blogginu
Guðmundur Hörður Guðmundsson
formaður Landverndar
Aðsent
Inga Sigrún
Atladóttir