Vísbending - 21.12.2015, Side 4

Árin líða eitt og eitt
alltaf endalaust.
Og veginn töltir veröldin,
vetur, vor og haust.
Þau koma aldrei aftur
og alltaf kemur nýtt.
Ekkert verður umflúið,
engu verður flýtt.
Lagið má heyra
á www.heimur.is
Benedikt Jóhannesson
Angurvært
Gleðjumst saman
Við skulum safnast saman þetta kvöld,
við skulum kætast einu sinn‘ enn,
svo dansinn dun‘ aðeins lengur,
drekk aðeins stífar,
djamm‘ aðeins meira.
Við skulum skála einu sinni enn,
við skulum teiga drykkinn í botn.
Við skulum hoppa og hía,
hlæj‘ aðeins hærra,
hefjum því glösin!
Skál!
JÓLALÖGIN
Á hverju ári frá 1999 hefur birst í Vísbendingu lag í tilefni jólanna,
frumsamið af ritstjóra. Eyþór Ívar Jónsson samdi sjö ljóð og lög
á árunum 1999-2005. Frá 2006 hefur núverandi ritstjóri tekið við
keflinu. Einu jólin þegar ekkert lag birtist var árið 2008, en af
einhverjum ástæðum var andinn fjarlægur það haust. Því liggja
fyrir 15 jólalög sem í fyllingu tímans verða væntanlega gefin út á
diski með færustu listamönnum þjóðarinnar. Í þetta sinn er lagið
betur til þess fallið að syngja á gamlárskvöld en á aðfangadag.
Það hentar einnig vel á stúdentsafmælum og í erfidrykkjum.
Gleðileg jól og farsæl komandi ár!
4
= 120