Dagblaðið Vísir - DV - 24.10.2012, Blaðsíða 21

Sport 21Miðvikudagur 24. október 2012
V
ið erum að melta þetta og
fáum á morgun [miðviku-
dag, innsk.blm.] greiningu
á fyrri leiknum. Við höfum
smá tíma fram að leik til að
ákveða hvernig við ætlum að nálgast
leikinn á fimmtudag,“ segir Sigurður
Ragnar Eyjólfsson, landsliðsþjálfari
kvenna í knattspyrnu. Ísland mæt-
ir til leiks á fimmtudag í einum mik-
ilvægasta leik sem íslenskt landslið
hefur leikið. Sigri stelpurnar þenn-
an síðari umspilsleik við Úkraínu eða
geri jafntefli tryggja þær sér farseðil-
inn á lokamót EM í knattspyrnu sem
fram fer í Svíþjóð á næsta ári. Liðinu
gæti nægt að tapa leiknum með einu
marki nema um mikinn markaleik
verði að ræða og gestirnir skori fjög-
ur mörk.
Sigurður Ragnar segist ekki vera
búinn að gera upp hug sinn hvað
varðar hvernig hann mun leggja upp
leikinn. Hann játar aðspurður að það
geti orðið varasamur leikur að ætla
að einblína á varnarleikinn. „Það eru
alltaf skoruð mörk í kvennalands-
leikjum, eða því sem næst. Mjög fáir
kvennalandsliðsleikir eru marka-
lausir,“ segir hann í samtali við DV.
Áþekk lið að getu
Ísland vann fyrri leikinn gegn Úkra-
ínu 3–2. Liðið er því í lykilstöðu fyr-
ir síðari leikinn en íslenskt A-lands-
lið hefur aðeins einu sinni áður náð
þeim áfanga að leika á lokakeppni
stórmóts. Það gerði liðið, einnig und-
ir stjórn Sigurðar Ragnars, árið 2009.
Því yrði það gríðarlega góður árang-
ur hjá Sigurði að koma liðinu þangað
aftur. Ljónið í veginum til Svíþjóðar,
þar sem lokakeppnin verður haldin,
er hins vegar firnasterkt lið Úkraínu.
Á pappírunum virðast liðin áþekk
að getu. Rétt eins og Ísland hafnaði
Úkraína í öðru sæti í sínum riðli, á
eftir Finnum, en aðrar þjóðir í riðlin-
um voru Hvíta-Rússland, Slóvakía og
Eistland. Úkraína vann alla leiki sína
á útivelli í riðlinum en gekk ekki eins
vel á heimavelli. Þar tapaði liðið fyr-
ir Finnum og Hvít-Rússum og gerði
jafntefli gegn Slóvakíu. Ísland er í
16. sæti heimslistans í knattspyrnu
kvenna en Úkraína í því 23. Það er
því stutt á milli.
Sigurinn verðskuldaður
Sigurður Ragnar segir í samtali
við DV að hann hafi heilt yfir verið
ánægður með leik liðsins í Úkra-
ínu. Úrslitin hafi auðvitað verið mjög
góð og þrjú útivallarmörk vegi auð-
vitað þungt, en skilji liðin jöfn eftir
báða leikina ráða skoruð mörk á úti-
velli því hvort liðið fer áfram. „Það
var mjög jákvætt að vinna leikinn og
við útfærðum vel það sem við lögð-
um upp með.“ Hann segir að fyrstu
tvö mörkin hafi verið afrakstur góðr-
ar pressu framarlega á vellinum. „Við
refsuðum þeim eftir feilsendingar í
vörninni.“ Ísland komst í 2–0 í leikn-
um en Úkraína jafnaði. Íslenska liðið
fékk aðeins fjögur mörk á sig í 10
leikjum í riðlakeppninni og er því
ekki vant að fá á sig tvö mörk í leik.
Spurður um skýringar á því segir
Sigurður Ragnar að Úkraína hafi ein-
faldlega á að skipa góðum leikmönn-
um; sérstaklega í sókninni. „Þær
halda boltanum vel innan liðsins
og eru tæknilega góðar. Þegar leið á
leikinn gerði þreytan það að verkum
að við féllum aftar á völlinn.“ Ísland
hafi fengið fyrra markið á sig eftir
skyndisókn en það síðara eftir auka-
spyrnu. „Mér fannst liðið sýna góðan
karakter með því að koma til baka og
skora sigurmarkið,“ segir hann. Leik-
urinn var ekki sýndur í sjónvarpi svo
fáir Íslendingar eru til frásagnar um
hann aðrir en þeir sem tóku í honum
þátt. Spurður hvort sigurinn hafi ver-
ið verðskuldaður segist hann auð-
vitað ekki vera hlutlaus en að hann
meti það svo. „Við vorum að spila við
sterkt lið, hörkulið sem var á síðasta
lokamóti EM, en mér fannst við út-
færa leik okkar vel. Þær sköpuðu sér
þó hættuleg tækifæri eftir horn- og
aukaspyrnur.“
Ætla að vinna leikinn
Hann segir aðspurður að markmiðið
á fimmtudaginn verði það sama og
alltaf; að vinna leikinn. Vel hafi verið
farið yfir hvernig verjast megi föstum
leikatriðum; hornspyrnum og auka-
spyrnum, en liðið verði að gæta sín á
því að brjóta af sér rétt utan teigs. Það
gæti reynst dýrkeypt.
Sigurður Ragnar segir að
úkraínska liðið sé ekki ósvipað að
getu og norska liðið, sem vann riðil-
inn naumlega eftir sigur á Íslandi í
síðasta leik. Varnarlínan sé líklega
ekki eins sterk en á móti komi að þær
séu virkilega góðar framar á vellin-
um. „Þær hafa nokkra betri einstak-
linga en eru í norska liðinu.“ Hann
ítrekar að Úkraína hafi náð góðum
árangri á undanförnum árum.
1.000 krónur á völlinn
Spurður hvort hann ætli að gera
breytar á liðskipan sinni segist
Sigurður Ragnar ekki hafa tekið
ákvörðun þar að lútandi en bætir við
að þær verði ekki miklar. Liðið sem
hann stillti upp úti hafi leikið vel.
Allar stúlkurnar séu heilar ef frá eru
talin smávægileg veikindi Katrínar
Ómarsdóttur. Hann gerir ráð fyrir að
hún verði orðin hraust á leikdegi.
Hann segir aðspurður að stuðn-
ingur við liðið á Laugardalsvelli á
fimmtudag geti skipt sköpum. „Það
skiptir rosalega miklu máli að fólk
mæti og styðji við bakið á liðinu.
Við höfum fengið góðan stuðning á
heimavelli en núna er hann kannski
enn nauðsynlegri en áður. Það er
mikið undir.“
Miðaverði á leikinn er stillt mjög
í hóf en miðinn kostar aðeins 1.000
krónur. Frítt er fyrir 16 ára og yngri.
Óhætt er að hvetja fólk til að mæta
á völlinn en leikurinn hefst klukkan
18.30. n
Baldur Guðmundsson
blaðamaður skrifar baldur@dv.is
„Alltaf skoruð mörk í
kvennalandsleikjum“
n Íslenskt A-landslið gæti komist í lokakeppni EM í annað sinn í sögunni n Stefnir á sigur„Mér fannst
liðið sýna góð-
an karakter með því að
koma til baka og skora
sigurmarkið.
Hefur gert frábæra hluti Sigurður
Ragnar gæti á fimmtudag leitt liðið á stór-
mót í knattspyrnu í annað sinn.
Fagnað á Laugardalsvelli
Ísland er í lykilstöðu til að kom-
ast á lokamót EM, í annað sinn í
sögu íslenskra A-landsliða.
Líklegt byrjun-
arlið Íslands
Markvörður
Þóra B. Helgadóttir
Hægri bakvörður
Dóra María Lárusdóttir
Vinstri bakvörður
Hallbera Gísladóttir
Miðverðir
Katrín Jónsdóttir (F) og Sif Atladóttir
Tengiliðir
Katrín Ómarsdóttir, Edda Garðarsdóttir og
Sara Björk Gunnarsdóttir
Hægri kantmaður
Fanndís Friðriksdóttir
Vinstri kantmaður
Hólmfríður Magnúsdóttir
Framherji
Margrét Lára Viðarsdóttir