Fréttablaðið - 09.12.2014, Page 32

9. desember 2014 ÞRIÐJUDAGUR| MENNING | 24
„Mig hefur lengi dreymt um að
gera þetta dansverk. Það fjallar
um að þora að gera eitthvað nýtt
og vera ekki alltaf í sama farinu.
Þora að brjótast út fyrir ramm-
ann – eða kassann, því við sýnum
í Kassanum,“ segir Unnur Elísabet
Gunnarsdóttir, dansari og dans-
höfundur, um verkið VIVID sem
hún ætlar að frumsýna milli jóla
og nýárs.
Fimm dansarar taka þátt og
voru á fyrstu sviðsæfingu í Kass-
anum í gær. „Þetta eru allt íslensk-
ar stelpur, sumar hafa unnið með
íslenska dansflokknum. Það reyn-
ir verulega á þær, bæði þollega
og andlega,“ segir Unnur Elísa-
bet. Hún kveðst líka fyrir tilvilj-
un hafa kynnst frábærri rúm-
enskri konu sem býr í Bretlandi
og er leikmynda-og búningahönn-
uður. „Pabbi og stjúpmamma hittu
þessa konu í kvöldverði í Seli við
Mývatn og fóru að spjalla við hana,
í ljós kom að hún gerir búninga
fyrir dansara og fer óhefðbundn-
ar leiðir. Þau komu okkur í sam-
band hvorri við aðra og nú er hún
komin til Íslands með afar fallega
búninga og leikmyndin verður eins
og ævintýri. Hún ætlar að halda
jólin hér ásamt manni sínum sem
sér um tæknilega hlið sýningar-
innar.“
Unnur Elísabet er á förum til
Óslóar á morgun að segja frá
VIVID á stærstu dansráðstefnu
Norðurlanda, ICE HOT, sem er
sótt af framáfólki úr dansheim-
inum hvaðanæva. „Það verður
gaman að segja frá verkinu og
sýna klippur úr því. Ég var ein af
átta sem valdir voru úr hópi rúm-
lega 200 umsækjenda um að kynna
verk sín og því er þetta mikill heið-
ur,“ segir hún.
Dansinn hefur verið stór partur
af tilveru Unnar Elísabetar frá því
hún hóf nám fjögurra ára gömul.
„Ég flutti fimmtán ára út til Sví-
þjóðar í konunglega sænska ball-
ettskólann og útskrifaðist átján
ára. Síðan hef ég verið að dansa,
bæði með Íslenska dansflokknum
og víðar og búa til mín eigin verk-
efni. Ég væri ekki að þessu ef ástin
á dansinum væri ekki fyrir hendi.“
gun@frettabladid.is
Þorir að brjótast út fyrir rammann
Frumsýna á nýtt dansverk Unnar Elísabetar Gunnarsdóttur í Kassanum, Þjóðleikhúsinu, 28. desember. Það nefnist VIVID.
DANSHÖFUNDURINN Hún er á förum
til Óslóar á morgun að kynna VIVID á
stærstu dansráðstefnu Norðurlanda.
FRÉTTABLAÐIÐ/VILHELM
DANSARARNIR „Verkið rey-
nir verulega á þær bæði þolið
og andlega,“ segir Unnur
Elísabet.
„Ég ætla að taka nokkrar falleg-
ar aríur úr frönskum óperubók-
menntum,“ segir Sigrún Pálma-
dóttir sópransöngkona um efni
hádegistónleika Íslensku óper-
unnar í dag. Hún nefnir fjalla aríu
Micaëlu úr Carmen eftir Bizet,
aríu Amors úr Orfeus og Evri-
dís eftir Gluck og skartgripaaríu
Marguerite úr Faust eftir Gounod
og bætir við að svo sem eitt jólalag
gæti hæglega slæðst með.
Sigrún sló eftirminnilega í
gegn í hlutverki Víólettu Valéry í
La traviata hjá Íslensku óperunni
vorið 2008, og hlaut Grímuna í
flokknum Söngkona ársins fyrir
hlutverkið. Hún er búsett á Ísa-
firði og kennir þar meðal annars
17 nemendum söng en var lent í
borginni með þessa frönsku dem-
anta í farteskinu þegar hringt var
í hana.
Það er Antonia Hevesi píanó-
leikari sem spilar undir hjá Sig-
rúnu á hádegistónleikunum í Norð-
urljósum í Hörpu í dag klukkan
12.15. Aðgangur er ókeypis. - gun
Verður með franska
demanta í farteskinu
Sigrún Pálmadóttir sópransöngkona kemur fram á
hádegistónleikum Íslensku óperunnar í Hörpu í dag.
SÖNGKONAN Sigrún ætlar að taka glæsiaríur í Norðurljósasalnum. FRÉTTABLAÐIÐ/GVA
Til að fjármagna laun
listafólksins sem tekur
þátt í sýningunni hóf
Unnur Elísabet söfnun á
Karolina Fund sem lýkur
14. desember. Fyrir þá sem
lagt hafa í púkkið verður
sérstök hátíðastyrktar-
sýning 27. desember þar
sem Frímann Gunnarsson
verður veislustjóri. „Hann
er þvílíkt að fórna sér
fyrir listina, hann Frímann.
Hann ætlar að ganga nak-
inn niður Skólavörðustíg-
inn ef eitthvert fyrirtæki
er tilbúið að styrkja okkur
um 500 þúsund,“ upplýsir
Unnur Elísabet.
Frímann
fórnar sér
Góðar jólagjaf
ir
lÍs en kus
✓
✓
Mikið úrval af
svefnpokum
frá PINGUIN
og ROBENS
100% merine ullarfatnaður
á alla fjölskylduna
Lúffur og hanskar
á börn og fullorðna,
Tökum notaðan skíða- og
brettabúnað upp í nýjan
Fjölbreytt úrval af
bakpokum frá SALOMON,
LOWE, ALPINE og PINGUIN
20%
jólaafsláttur
MENNING