Fréttablaðið - 13.12.2014, Side 56

FÓLK|HELGIN
FÓLK ER KYNNINGARBLAÐ sem býður aug lýsendum að kynna vörur og þjónustu í formi
viðtala og umfjallana ásamt hefðbundnum auglýsingum. Blaðið fylgir Fréttablaðinu daglega.
Útgefandi: 365 miðlar | Ábyrgðarmaður: Jón Laufdal | Hönnun: Silja Ástþórsdóttir
Sölumenn: Bryndís Hauksdóttir, bryndis@365.is, s. 512 5434 Kolbeinn Kolbeinsson, kkolbeins@365.is, s. 512 5447
Landsliðsfyrirliðinn Hlynur Bærings-son hefur undanfarin ár spilað með sænska körfuknattleiksfélag-
inu Sundsvall Dragons í sænsku úrvals-
deildinni. Árangur liðsins það sem af er
tímabilinu er góður en liðið hefur unnið
átta leiki í röð. Lífið snýst þó ekki bara
um körfubolta, sérstaklega þegar maður
á þrjú ung börn sem hlakka mikið til
jólanna. Fjölskyldan byrjaði snemma að
skreyta í ár enda er það að sögn Hlyns
kærkomin tilbreyting frá kuldanum og
myrkrinu. „Áður fyrr fór þannig stúss í
taugarnar á mér, ef byrjað var of snemma.
Núna gerum við þetta fyrir börnin og í
raunar líka fyrir okkur foreldrana. Við
búum í norðurhluta landsins og hér er kalt
og snjóþungt yfir veturinn. Jólaskrautið
og ljósin henta því vel til að ná fram
jólastemningunni.“ Fjölskyldan byrjaði á
að taka fram aðventukransinum og ljósin
en svo bætist í hægt og rólega eftir því
sem líður á mánuðinn. „Við bökum mikið
í desember þó ég geti nú ekki eignað mér
mikið heiðurinn af því. Núna um helgina
fer svo jólatréð upp og þá ætti jólastemn-
ingin endanlega að vera komin í hús.“
Hlynur er trúlofaður Unni Eddu Davíðs-
dóttur og eiga þau þrjú börn, Heiðrúnu
Björgu, 7 ára, og tvíburarana Berglindi
Kötlu og Baltasar Torfa sem eru fjögurra
ára. Þau hafa búið í Sundsvall í rúmlega
fjögur ár og segir hann að fjölskyldunni
líði vel þar, borgin sé hæfilega stór og
bjóði upp á flesta nauðsynlega þjónustu
og afþreyingu.
NÓG AF BAUNUM
Fjölskyldan hefur
haldið jólin í Svíþjóð
undanfarin ár enda lítill
tími gefist til að fara
heim til Íslands. „Við
höfum fengið mikið
af heimsóknum frá
ættingjum yfir
jólin, yfirleitt
með troðfullar
töskur af kjöti,
harðfiski, malti
og appelsíni og
svo það sem er
kannski furðu-
legast, Ora-
baunum! En þær
skrifast kannski
frekar á sér-
visku sumra fjöl-
skyldumeðlima.“
Þau halda fast í íslenskar hefðir
og segir Hlynur hamborgarhrygg-
inn skipta þar miklu máli. „Mikil-
vægast finnst mér þó að fá malt
og appelsín. Það er ómissandi
blanda yfir jólin og ekkert sam-
bærilegt að finna hér í Svíþjóð.
Þeir eiga sinn jóladrykk sem
þeir elska meira en góðu hófi
gegnir, Julmust heitir hann, en
okkur finnst það skelfilegur
drykkur.“
Fyrr á árinu náði íslenska
landsliðið þeim ótrúlega áfanga
að komast í fyrsta sinn á loka-
mót Evrópukeppninnar sem
haldið verður í Þýskalandi á næsta ári.
Mótherjar liðsins verða engar dvergþjóð-
ir; stjörnum prýdd lið Spánverja, Serba,
Ítala og Tyrkja auk liðs heimamanna með
sjálfan Dirk Nowitzki í fararbroddi. „Evr-
ópumótið verður upplifun. Enginn leikur
er tapaður fyrirfram og við munum leggja
okkur alla fram um að ná góðum úrslitum.
Fyrsti leikurinn verður á móti Þjóðverjum
og mun sá leikur örugglega fara ofarlega á
listann yfir eftirminnilega leiki á ferlinum.
Dirk Nowitzki er að spila á heimavelli í
fyrsta skipti í langan tíma og væntanlega
verður þetta síðasta mót hans með lands-
liðinu. Stemningin ætti því að vera mjög
góð.“
MALT OG APPELSÍN ÓMISSANDI
HALDIÐ FAST Í HEFÐIR Jólahald fjölskyldu landsliðsfyrirliðans Hlyns Bæringssonar í Svíþjóð einkennist af íslenskum hefðum.
Matur að heiman spilar þar stórt hlutverk og fjölskyldan byrjar snemma að skreyta. Á næsta ári etur íslenska körfuboltalandsliðið
kappi við bestu landslið Evrópu á lokamóti Evrópukeppninnar þar sem flestar skærustu stjörnur álfunnar mæta til leiks.
SKREYTT TÍMANLEGA Hlynur Bæringsson og Unnur Edda Davíðsdóttir eiga þrjú börn sem sjá til þess að jólaundirbúningur hefjist tímanalega. MYND/ÚR EINKASAFNI
JÓLABLANDA
„Mikilvægast
finnst mér þó að fá
malt og appelsín.
Það er ómissandi
blanda yfir jólin og
ekkert sambæri-
legt að finna hér í
Svíþjóð.“