Fréttablaðið - 23.12.2014, Page 8

23. desember 2014 ÞRIÐJUDAGUR| FRÉTTIR | 8
Allar starfsstöðvar ríkisskattstjóra
verða opnar um jól og áramót
sem hér segir:
23. desember er opið frá kl. 9:30-12:00*
*sími leiðréttingarinnar 442 1900 er opinn til kl.15:30
Aðfangadagur 24. desember - LOKAÐ
29. desember er opið frá kl. 9:30 -15:30
30. desember er opið frá kl. 9:30 -15:30
Gamlársdagur 31. desember - LOKAÐ
2. janúar er opið frá kl. 9:30-15:30
NORÐUR-KÓREA Norður-Kórea
hefur hótað því að ráðast á
Bandaríkin en yfirvöld neita
að hafa staðið fyrir vefárásum
á tölvukerfi kvikmyndafyrir-
tækisins Sony. Þetta kom fram í
yfirlýsingu sem yfirvöld í Norð-
ur-Kóreu birtu á ríkismiðlinum
KCNA í gær.
Þar er varað við því að Hvíta
húsið, Pentagon og í raun gervallt
meginland Bandaríkjanna megi
búast við árásum af hálfu Norð-
ur-Kóreu. Þetta er ekki í fyrsta
sinn sem slíkar hótanir berast frá
flokksræðisríkinu.
„Her og þjóð Norður-Kóreu
eru fyllilega í stakk búin til að
standa uppi í hárinu á Banda-
ríkjunum á öllum hersvæðum,“
segir í tilkynningunni og undan-
skilja norðurkóresk yfirvöld ekki
„vígvöll tölvuárása“ eins og segir
í tilkynningunni.
Tölvuárásirnar á Sony urðu
eins og kunnugt er vegna kvik-
myndarinnar The Interview sem
myndi útleggjast á íslensku Við-
talið. Þær voru framkvæmdar
af hópi hakkara sem kallar sig
Guardians of Peace eða Varð-
menn friðar. Í myndinni fá tveir
sjónvarpsmenn það verkefni að
ráða Kim Jong-Un, einræðisherra
Norður-Kóreu, af dögum.
Sony ákvað í kjölfar árásanna,
og vegna hótana tölvuþrjótanna
gegn hverjum þeim sem myndi
sjá myndina, að setja hana ekki
í sýningu. Í tilkynningunni frá
Norður-Kóreu er auk hótunar
um árásir fullyrt að bandaríska
ríkið standi á bak við gerð mynd-
arinnar. Segist einræðisríkið
hafa öruggar sannanir fyrir því.
Í tilkynningunni eru Bandaríkin
kölluð „rotþró óréttlætis“.
Barack Obama Bandaríkjafor-
seti lét hafa það eftir sér í síð-
ustu viku að það hefðu verið mis-
tök hjá Sony að hætta við sýningu
myndarinnar. Kvikmyndafyrir-
tækið gaf í kjölfarið frá sér yfir-
lýsingu þess efnis að það væri
enn að skoða dreifingarmögu-
leika fyrir myndina.
nanna@frettabladid.is
Norður-Kórea hótar Bandaríkjunum
Yfirvöld í Norður-Kóreu hafa gefið frá sér yfirlýsingu í kjölfar niðurstöðu FBI um að landið hafi ráðist á tölvukerfi Sony vegna kvik-
myndarinnar The Interview. Þar er fullyrt að Bandaríkin standi á bak við gerð myndarinnar og árásum hótað.
HÓTANIR Yfirvöld í Norður-Kóreu segjast hafa sannanir fyrir því að Bandaríkjastjórn standi á bak við gerð myndarinnar The
Interview. FRÉTTABLAÐIÐ/AP
Her og þjóð Norður-
Kóreu eru fyllilega í stakk
búin til að standa uppi í
hárinu á Bandaríkjunum
á öllum hersvæðum.
Yfirlýsing yfirvalda
í Norður-Kóreu.
DÓMSMÁL Sigurður Ingi Þórðar-
son, betur þekktur sem Siggi
hakkari, hefur verið dæmdur í
tveggja ára óskilorðsbundið fang-
elsi. Stærsti hluti ákæru á hend-
ur honum sneri að fjársvikum en
dómur var kveðinn upp í Héraðs-
dómi Reykjaness í gærmorgun.
Sigurður játaði sök í átján
ákæruliðum við fyrirtöku máls-
ins á dögunum en undirliðir í
ákærunum skipta tugum. Hann
hafði áður neitað sök við þing-
festingu málsins en skipti svo
um skoðun.
Brot Sigurðar voru talin nema
rúmlega 30 milljónum króna en
ákæran sneri að fjársvikum, fjár-
drætti og þjófnaði. Sigurður var
ekki viðstaddur dómsuppkvaðn-
ingu í morgun en lögmaður hans,
Vilhjálmur Vilhjálmsson, stað-
festir í samtali við fréttastofu að
umbjóðandi hans uni dómnum. Það
sé sömuleiðis hans skilningur að
ríkissaksóknari uni dómnum. - ktd
Siggi hakkari var í gær dæmdur fyrir fjársvik:
Tveggja ára fangelsi
SKIPTI UM
SKOÐUN
Siggi neitaði
fyrst sök en
skipti svo um
skoðun.
FRÉTTABLAÐIÐ/STEFÁN