Dagblaðið Vísir - DV - 10.10.2012, Blaðsíða 20
Góður stuðningur Verði stuðn-
ingurinn gegn Sviss eins góður og
gegn Noregi gætu Íslendingar átt
von á góðu. Mynd ReuteRs / inGólfuR júlíusson
Erfiðir leikir gegn
Albaníu og Sviss
n Kristján Guðmundsson telur að Ísland vinni Albaníu en geri jafntefli við Sviss
É
g tel að íslenska liðið og allir
sem að því standa muni læra
af leiknum gegn Kýpur,“ segir
Kristján Guðmundsson, fyrr-
verandi þjálfari karlaliðs Vals
í knattspyrnu, um landsleikina sem
eru framundan gegn Albaníu og
Sviss í undankeppni HM 2014. Ís-
lenska liðið mætir Albaníu á útivelli
á föstudagskvöld en tekur svo á móti
Sviss á Laugardalsvelli á þriðjudag.
Kristján segist vera nokkuð bjart-
sýnn fyrir hönd íslenska liðsins en
segir þó að liðið þurfi að gera mun
betur en í síðasta leik þegar það tap-
aði 1–0 fyrir Kýpur. Albanía er í 84.
sæti á styrkleikalista FIFA en Sviss er
í 15. sæti. Íslenska liðið er í 97. sæti.
Munu skapa færi
„Það er erfitt að eiga við Albaníu á
útivelli en ég treysti á að við vinn-
um leikinn og náum í þrjú stig. Ég
hef trú á íslenska landsliðinu og hef
haft lengi. Þetta er flott kynslóð sem
er að koma inn í liðið og ef varnar-
leikurinn verður góður þá veit ég að
liðið mun skapa sér færi. Ég vona –
og raunar held – að það muni skila
sér í sigri,“ segir Kristján. Alban-
ir eru líkt og Íslendingar með þrjú
stig í riðlinum. Þeir lögðu Kýpverja
að velli, 3–1, í eina heimaleik sínum
til þessa en töpuðu svo gegn Sviss á
útivelli, 2–0. Sviss er með sex stig,
fullt hús stiga, á toppi riðilsins.
Kristján segist vera bjartsýnni fyrir
leikinn gegn Albaníu en gegn Sviss á
Laugardalsvelli enda Svisslendingar
með unga og spennandi leikmenn
innan sinna raða. „Sviss er bara
með virkilega gott landslið. Margir
af þeirra lykilmönnum eru rétt rúm-
lega tvítugir og hafa unnið stórmót
með yngri landsliðunum. Þeir koma
til með að sýna okkur aðeins veik-
leikana í okkar liði.“
Guðjón kemur inn
Athygli vekur að aðeins tveir hrein-
ræktaðir framherjar eru í íslenska
hópnum fyrir komandi leiki: Alfreð
Finnbogason og Guðjón Baldvins-
son sem var kallaður inn í hóp-
inn í vikunni. Kolbeinn Sigþórs-
son, Aron Jóhannsson og Gunnar
Heiðar Þorvaldsson eru meiddir
og þá ákvað Björn Bergmann Sig-
urðarson að gefa ekki kost á sér.
Kolbeinn verður líklega frá fram að
áramótum en Aron, sem hefur far-
ið hamförum í dönsku deildinni,
glímir við lítilsháttar nárameiðsli.
„Aron hefur ekki enn spilað A-
landsleik en hefur að vísu verið
funheitur að undanförnu. Það er
mjög slæmt að vera án Kolbeins,
hann er náttúrulega frábær fram-
herji en ég á von á að annað hvort
Alfreð eða Birkir Bjarnason klári
þetta dæmi.“
Gunnar Heiðar Þorvaldsson
spilaði síðast í vináttuleik gegn
Japan í febrúar en hann á 23 lands-
leiki að baki og hefur skorað í þeim
5 mörk. Kristján segir að það hefði
verið gaman að sjá hann spreyta
sig en hann verður sem fyrr segir
ekki með. „Það er gríðarleg orka og
vinnusemi í Gunnari þegar hann
spilar fótbolta og hann getur skor-
að mörk,“ segir Kristján en í hans
stað mun Guðjón Baldvinsson
hugsanlega fá tækifæri. Guðjón
leikur með Halmstad í næst efstu
deild Svíþjóðar og er þar í 3. sæti
yfir markahæstu menn. Hann hef-
ur skorað 15 mörk á tímabilinu í 26
leikjum. Hann á einn landsleik að
baki, gegn Færeyjum í vináttuleik í
Kórnum árið 2009.
sigur og jafntefli
Ljóst er að íslenska liðið á mikið und-
ir því að áhorfendur mæti á heimaleiki
og láti vel í sér heyra. Stuðningurinn
gegn Noregi fleytti liðinu langt og til
að eiga möguleika gegn Sviss verða
áhorfendur að láta að sér kveða. „Ég
er viss um að það verður góður stuðn-
ingur gegn Sviss. Við unnum síð-
asta heimaleik, umgjörðin var góð og
áhorfendur fengu svörun frá lands-
liðsmönnum og stjórnendum liðsins
sem þökkuðu fyrir sig. Ef við vinnum í
Albaníu þá held ég að það verði alveg
risastemning á Laugardalsvelli gegn
Sviss.“
Blaðamaður biður Kristján að lok-
um að spá í úrslit leikjanna gegn Al-
baníu og Sviss. „Varnarleikurinn
heldur í Albaníu og við vinnum 2–0.
Leikurinn gegn Sviss verður gríðarlega
erfiður. Það er lykilatriði að halda þeim
leik jöfnum eins lengi og við mögulega
getum. Til að fá úrslit verðum við að
skora fyrsta markið. Ég segi 1–1.“ n
Staðan í E-riðli
1 Sviss 2 2 0 0 4:0 6
2 Ísland 2 1 0 1 2:1 3
3 Albanía 2 1 0 1 3:3 3
4 Kýpur 2 1 0 1 2:3 3
5 Noregur 2 1 0 1 2:3 3
6 Slóvenía 2 0 0 2 1:4 0
Einar Þór Sigurðsson
blaðamaður skrifar einar@dv.is
Bjartsýnn Kristján er bjartsýnn fyrir hönd
íslenska liðsins og telur að það nái að landa
sigri gegn Albaníu. Mynd siGtRyGGuR ARi
erfitt verkefni Ísland hefur landað einum sigri í þremur leikjum gegn Albaníu. Okkur hefur
hins vegar aldrei tekist að vinna Sviss. Mynd ReuteRs / inGólfuR júlíusson
Leikir Íslands og Albaníu
30. maí 1990, undankeppni EM 1992
Ísland - Albanía 2–0
Arnór Guðjohnsen (́ 40) Atli Eðvaldsson (́ 86)
26. maí 1991, undankeppni EM 1992
Albanía - Ísland 1–0
31. mars 2004, vináttuleikur
Albanía - Ísland 2–1
Þórður Guðjónsson (́ 64)
Leikir Íslands og Sviss
22. maí 1979, undankeppni EM 1980
Sviss - Ísland 2–0
9. júní 1979, undankeppni EM
Ísland - Sviss 1–2
Janus Friðrik Guðlaugsson (́ 50)
16. nóv. 1994, undankeppni EM 1996
Sviss - Ísland 1–0
16. ágúst 1995, undankeppni EM 1996
Ísland - Sviss 0–2
Myndi aldrei
taka við Real
Diego Simeone, stjóri Atletico
Madrid, hefur lýst því yfir að
hann muni aldrei taka við erki-
fjendunum í Real Madrid.
Simeone hefur verið að gera góða
hluti með Atletico-liðið á yfir-
standandi leiktíð en það situr í
öðru sæti spænsku deildarinn-
ar. Liðið er með jafn mörg stig
og Barcelona sem er á toppnum
með betri markatölu. „Ég myndi
aldrei taka við Real Madrid ef það
stæði til boða. Ég elska Atletico
Madrid það mikið,“ segir Sime-
one en rígurinn á milli Atletico
og Real er mjög mikill. Samning-
ur hans við félagið rennur út í vor
og segist Simeone vonast til þess
að fá að stýra félaginu áfram um
ókomin ár.
Selja treyjur
í bílförmum
Manchester United og Real
Madrid deila efsta sætinu á lista
yfir þau knattspyrnufélög sem selja
flestar treyjur á heimsvísu. Bæði
félög hafa selt 1,4 milljónir treyja
að meðaltali á ári síðustu fimm
ár. Í þriðja sætinu er Barcelona en
meðalasala þeirra síðustu fimm ár
er 1,15 milljónir treyja. Ensk félög
skipa fjögur af tíu efstu sætunum
en auk United eru Chelsea, Liver-
pool og Arsenal á listanum. Bayern
München er í fimmta sæti og eina
þýska liðið sem kemst á topp tíu.
Ítölsku félögin Juventus, Inter og
Milan skipa sæti átta til tíu.
Skammar
Suarez
Michael Kightly, vængmaður
Stoke City, hefur gagnrýnt Luis
Suarez, leikmann Liverpool,
hressilega eftir leik liðanna um
helgina. Suarez var gagnrýndur
nokkuð eftir leikinn fyrir að henda
sér í jörðina inni í teig Stoke
til þess að krækja í vítaspyrnu.
Brendan Rodgers, stjóri Liverpool,
kom sínum manni til varnar eftir
leikinn en Kightly hellti sér hressi-
lega yfir Suarez í viðtali við The
Sentinel. „Í níu skipti af tíu þegar
hann hendir sér í jörðina er ekkert
að honum. Þetta er eitthvað sem
við erum að reyna að koma úr fót-
boltanum. Dómararnir þurfa að
taka til sinna ráða. Stundum vita
menn að þeir eiga von á tæklingu,
fá snertingu og fara niður. Það er
góð leið til að vinna vítaspyrnu. En
það er ekki gott fyrir leikinn þegar
menn henda sér niður án þess að
fá nokkra snertingu.“
20 Sport 10. október 2012 Miðvikudagur