Dagblaðið Vísir - DV - 10.10.2012, Blaðsíða 21

Sport 21Miðvikudagur 10. október 2012
F
orsvarsmenn spænska liðsins
Atletico Madrid hafa gefið það til
kynna að helsta stjarna liðsins,
Kólumbíumaðurinn Radamel
Falcao, muni ekki yfirgefa herbúðir fé-
lagsins í janúar næstkomandi. Heim-
ildir vefmiðilsins Soccernet herma þó
að flest bendi til þess að Evrópumeist-
arar Chelsea muni kaupa leikmann-
inn næsta sumar.
Falcao, sem er 26 ára, hefur farið
hamförum með Atletico síðan hann
gekk í raðir félagsins sumarið 2011.
Hann skoraði 36 mörk í 50 leikjum
á sínu fyrsta tímabili og það sem af
er þessu tímabili hefur hann skorað
12 mörk í 7 leikjum – tölfræði sem
Lionel Messi og Cristiano Ronaldo
væru stoltir af. Áður en hann gekk
í raðir Atletico lék hann með Porto
þar sem hann skoraði 71 mark í 87
leikjum – þar af 21 í Evrópuleikjum.
Forsvarsmenn Atletico hafa
skellt 60 milljóna evra verðmiða á
leikmanninn, upphæð sem nem-
ur 9,5 milljörðum króna. Talið er
nær fullvíst að Falcao verði seldur
næsta sumar enda á Atletico í tals-
verðum fjárhagsvandræðum og
gæti sala á kólumbísku markamask-
ínunni leyst þann vanda í einum
vettvangi. „Falcao verður áfram hér
að sinni, að minnsta kosti til loka
tímabislins,“ segir Gil Marin, fram-
kvæmdastjóri félagsins.
Sjálfur hefur Falcao ekki útilok-
að að leika á Englandi einn daginn,
en auk Chelsea er Manchester City
líklega áhugasamt. „England? Einn
daginn gæti það gerst. Ég hef horft
lengi á ensku knattspyrnuna og væri
alveg til í að prófa ensku deildina. Ég
horfði á leiki í ensku deildinni sem
barn og leikmenn á borð við Roy
Keane, Eric Cantona og Gianfranco
Zola,“ segir Falcao en hans uppá-
haldsleikmaður var að sjálfsögðu
landi hans, Faustino Asprilla sem
lék með Newcastle. n
Falcao líklega til Chelsea
n Vill spila á Englandi n Fyrirmyndin er Faustino Asprilla
Gæti farið Falcao verður líkast
til seldur næsta sumar. Chelsea er
líklegasti áfangastaðurinn.
Mynd ReuteRs
Blatter fór
á Þingvelli
Sepp Blatter, forseti Alþjóða-
knattspyrnusambandsins (FIFA),
kom til Íslands á mánudag og
hélt svo til Færeyja á þriðjudag.
Hann nýtti tímann sinn hér á
landi meðal annars til að skoða
knattspyrnumannvirki og heim-
sækja ráðherra íþróttamála,
Katrínu Jakobsdóttur, og forseta
Íslands, Ólaf Ragnar Grímsson.
Blatter skoðaði höfuðstöðvar KSÍ
og knattspyrnuhúsin Kórinn og
Fífuna á mánudag, áður en hann
hélt á Bessastaði til fundar við for-
seta Íslands. 
Áður en hann hélt af landi
brott á þriðjudag skoðaði hann sig
um á Þingvöllum þar sem hann
fékk leiðsögn og fræðslu frá Ólafi
Erni Haraldssyni þjóðgarðsverði.
Coyle fékk
sparkið
Owen Coyle var rekinn úr starfi
knattspyrnustjóra Bolton á
þriðjudag eftir rúm tvö ár hjá fé-
laginu. Hlutirnar hafa ekki geng-
ið upp hjá Bolton á yfirstandandi
leiktíð en liðið féll úr ensku úr-
valsdeildinni í vor. Það situr nú
í 18. sæti ensku Championship-
deildarinnar en kornið sem fyllti
mælinn var tap gegn Millwall um
helgina.
Coyle tók við Bolton í janú-
ar 2010 og náði að bjarga liðinu
frá falli um vorið. Liðið féll hins
vegar úr deild þeirra bestu í vor
og yfirgáfu margir lykilleikmenn
félagið í kjölfarið. Coyle sagðist
þakklátur félaginu í yfirlýsingu
sem hann sendi frá sér og óskaði
liðinu og leikmönnum þess alls
hins besta.