Gripla - 01.01.2000, Side 321

SVÖR VIÐ ANDMÆLARÆÐUM
319
hvað vantar í hvert einstakt handrit B-flokks og að auki eru töflur um, hvað er
í hverju einstöku handriti flokksins (1:254-261). Þetta tel ég fullkomlega
nægilegt fyrir þá sem telja (298) að fengur sé að B-textanum „fyrir rannsóknir
á fræðasögu 17. aldar“; reyndar sé ég ekki þann feng. Astæðan fyrir því að
Bjöm á Skarðsá stytti texta Smt var eingöngu sú, að hann nennti ekki að
skrifa upp texta Snorra-Eddu, sbr. orð hans við texta Smt 40.25 (1:263). Alveg
er í út í hött að segja, að nóg sé „plássið í síðara bindinu“. Það vinnulag hefði
beinlínis verið skaðlegt til að reyna að fá sem upphaflegastan texta í A og
voru dæmi um það nefnd áður, þegar talað var um leiðréttingar (11:88). Til
viðbótar má nefna (11:3.9, 53.1 og 54.10), en þar er mjög gott dæmi um
hvemig má nota B-textann til að leiðrétta Á. Með þessari aðferð verður texti
Smt nálægari því en ella að verða eins líkastur „því og Jón lærði gekk frá
honum“. Með öðrum orðum verður að telja að fengur hefði lítill orðið að
prenta B-textann sérstaklega og Á-texti Smt hefði orðið verri ef B-textinn
hefði ekki verið notaður til leiðréttinga, sbr. það sem áður sagði um að hand-
ritið Á væri ekki sérlega gott.
Nú er mál að linni og þótt fyrr hefði verið. Þakka ég andmælendum fyrir
vel og drengilega unnin verk. Eðlilega er hér ekki rætt um þær nýjungar, sem
andmælendur sáu enga ástæðu til að gera athugasemdir við. Þessi skrif hafa
nú orðið lengri en e. t. v. er æskilegt og margt smálegt hefur verið tekið til
umræðu. Vona ég, að margar rannsóknir, sem 2. andmælandi nefndi víða í
ræðu sinni og einnig undir lokin, eigi eftir að sjá dagsins ljós á okkar ævidög-
um og verði til að þoka fræðunum nokkuð fram á leið.
Hér á eftir eru leiðréttingar á nokkrum prentvillum í bók minni. Flestar
hefur Már Jónsson fundið og kann ég honum bestu þakkir fyrir.
S. 27 16. lína: þar og Ragnheiður rétt: þar og móðir Ragnheiður
S. 88 5.-6. lína: beshyldes att haffue skreffuet rétt: beshyldis att haffue shreffuet
11. lína: Gudmandssons eyien bekiendelse rétt: Gudmandsons eyien bekiendellse
18. lína: maade rétt: naade
S. 101 3.^1. lína: Hákonarson föðurbróðir Jóns rétt: Hákonarson föðurbróður Jóns
S. 183 19. lína: fyrir Svía á 17. öld rétt: fyrir Svía á 18. öld
S. 200 3. lína: orðamunur úr Þ sem gætu rétt: orðamunur úr Þ sem gæti
S. 227 204. nmgr.: JÞork. Kappak. rétt: JÞork. Hándskr.
S. 284 5. lína: Eddtexti séu rétt: Eddutexti séu
S. 286 15. lína: 6.38 Leíkr-lutí rétt: 6.38 Leíkr-epter
S. 288 27. lína eða 11. að neðan: 6.38 Leíkr-lutí rétt: 6.38 Leíkr-epter
S. 304 4. lína: í framkvæmt rétt: í framkvæmd
S. 304 7. lína: reynt að draga saman rétt: reynt er að draga saman
S. 353 22. lína: Fullyrðingin um rétt: Fullyrðinguna um
S. 403 4. nmgr.: PEO. Islxvi. rétt: PEÓ. íslævi.
S. 429 9. lína: þekkt einhvert handrit rétt: þekkt eitthvert handrit