Gripla - 01.01.2002, Side 69

HUGMYNDAHEIMUR VOPNFIRÐINGA SÖGU
67
ið frá ágreiningi Þórðar og Þormóðar. í báðum tilvikum er deiluefnið þekkt
minni, þrætur um landsnytjar; Svartur og Skíði deila um beit en Þórður og
Þormóður um skógahögg og beit. Hér er augljóslega um það að ræða að frá-
sagnareiningar eru endurteknar, þær eru hliðstæðar en mynda merkingarlegar
andstæður um leið. Það varpar ljóma á Brodd-Helga í byrjun sögunnar þegar
hann ryður Svarti úr vegi:8 „Varð Brodd-Helgi víðfrægur og lofaður mjög af
alþýðu fyrir þetta þrekvirki er hann hafði unnið, jafn ungur sem hann var enn
að aldri“ (1988). Afskipti Brodd-Helga af deilumálum Þórðar og Þormóðar
eru með öðru móti, þar er hann sýndur sem ójafnaðarmaður og valdníðsla
hans er undirstrikuð. Hann eyðileggur stefnu Þormóðar, drepur hann og fleiri
af mönnum Geitis og vanvirðir líkin: „Geitis menn undu stórilla sínum hlut og
við ekki annað verr en það að þeir náðu eigi að jarða frændur sína og ást-
menn“ (1995). Hér bætir höfundurinn við efni sem er af sömu gerð og fyrir er
í sögunni því ágreiningur Þórðar og Þormóðar myndar samsvörun við deilu
Svarts og Skíða, þar er sama minnið endurtekið á stærri og áhrifameiri hátt.
Tilgangur höfundarins er að knýja atburðarásina áfram, skapa spennu í frá-
sögninni og magna áhrifamátt hennar.
Stíllegri orðmögnun er beitt þegar sagt er frá því hversu ákaft er um vin-
áttu Brodd-Helga og Geitis í þeim tilgangi að höfða til tilfinninga áheyrenda
eða lesenda sem geta þá gert ráð fyrir að eitthvað búi undir:
Þeir voru mjög jafngamlir, bræður og Brodd-Helgi, og var með þeim
vinfengi mikið (1988).
Svo var vingott með þeim Brodd-Helga og Geiti að þeir áttu hvem leik
saman og öll ráð og hittust nær hvem dag og fannst mönnum orð um
hversu mikil vinátta með þeim var (1989).
Og sú er einmitt raunin því höfundur notar sömu tækni þegar hann lýsir óvin-
áttu þeirra sem síðar þróast í fullan fjandskap: „og tók að fækkast með þeim“
(1991). „Tók þeirra vinfengi þá heldur að minnkast“ (1992). „og gerðist nú hin
mesta óþykkja með þeim Brodd-Helga og Geiti“ (1993). „Eftir þetta óx mikil
óþykkja með þeim Brodd-Helga og Geiti“ (1996).
Hartmut Röhn hefur rannsakað hvemig höfundar Islendingasagna tjá
Allar beinar tilvitnanir I Vopnfirðinga sögu, Þorsteins sögu hvfta og Þorsteins þátt stangar-
höggs hér á eftir eru í útgáfu Svarts á hvítu, Islendinga sögur og þættir III, nema annað sé tek-
ið fram og er blaðsíðutal í sviga við tilvitnun.