Gripla - 01.01.2002, Qupperneq 153

ABRAHAM, NJÁLL OG BYRON
151
Njáll er kynntur þannig að hann hafi verið lögmaður svo mikill að engi var
hans jafningi, vitur og forspár, heilráður og góðgjam. Síðan fær lesandinn að
fylgjast með hinum ráðagóða lögmanni í margvíslegu málavafstri. Fyrsta
ráðagerð Njáls í sögunni er ítarlegri en góðu hófi gegnir. Hér er átt við þann
atburð þegar hann hjálpar Gunnari að ná aftur fénu af Hrúti. Ráðagerðin er tví-
mælalaust svona löng og ítarleg vegna þess að hér er verið að kynna Njál til
sögunnar. Lesandinn á ekki að ganga að því gruflandi að Njáll er allra manna
ráðsnjallastur. Þar að auki eru í þessari lýsingu atriði sem eru illskiljanleg en
líklega til þess ætluð að gefa í skyn að innsæi Njáls sé ofar mannlegum skiln-
ingi. Njáll leggur til „sálfræðileg" ráð um hvemig hægt sé að nálgast Hrút. Það
er gert með því að stofna til vandræða á næsta bæ. Hrútur mun verða kallaður
til og verður ekki tortrygginn vegna þess að hann lítur á sig sem foringja. Síð-
an leggur hann til að Hrútur verði dreginn inn í samræður um mál þeirra
Marðar gígju með því að Merði sé hælt. Með því em þeir Njáll og Gunnar að
sjálfsögðu að notfæra sér hégómaskap Hrúts og það á Njáll eftir að gera aftur,
seinna í sögunni, þ.e. að höfða til hégómaskapar eða sjálfsálits til þess að eyða
tortryggni.
Gunnar fær einnig fyrirmæli um það hvemig hann á að vera klæddur,
hvemig hesta hann á að hafa með sér og Njáll segir honum hvemig orðaskipti
muni ganga:
Þú skalt kveðja Hrút. Hann mun vel svara þér. Þér mun skipað á hinn
óæðra bekk gegnt öndugi Hrúts. Hann mun spyrja hvort þú sért norð-
lenskur. Þú skalt segja að þú sért eyfirskur maður. Hann mun spyrja
hvort þar séu allmargir ágætir menn.
„Ærinn hafa þeir klækiskap," skalt þú segja.
„Er þér kunnigt um Reykjardal?" mun hann segja.
„Kunnigt er mér um allt ísland,“ skalt þú segja.
„Eru í Reykjardal kappar miklir?“ mun hann segja.
„Þjófar em þar og illmenni,“ skalt þú segja.
Þá mun Hrútur hlæja og þykja gaman að.
(22. kafli)
Þetta samtal er mun lengra þó að það verði ekki allt rakið hér. Gunnari geng-
ur að sjálfsögðu vel með þetta mál í öllum gerðum sögunnar og hann leikur
hlutverk sitt af öryggi enda sá eini sem er með handrit. Njáll getur séð við-
brögð manna fyrir.