Gerðir kirkjuþings - 1997, Side 22

1997
AUKA-KIRKJUÞING
1. mál
Nú er prestssetur í prestakalli og er þá presti skylt að hafa þar aðsetur og
lögheimili nema biskup heimili annað um stundarsakir. að fenginni umsögn prófasts
og viðkomandi sóknamefhda.
42. gr.
Nánari ákvæði um starfsskvldur presta skulu settar í starfsreglur, sbr. 60. gr.
Sérþjónustuprestar.
Almennt.
43. gr.
Þar sem almennri prestsþjónustu verður ekki við komið, svo sem á
sjúkrastofnunum, við fangelsi og meðal heymarlausra, skal kalla til presta sem að
jafnaði hafa sérmenntun til starfans.
Biskupi íslands er heimilt að samþykkja að ráðnir séu prestar á vegum
stofnana og félagasamtaka. Teljast þeir prestar vera þjónandi prestar þjóðkirkjunnar,
sbr. 32. gr.
Biskup Islands setur sérþjónustuprestum erindisbréf til viðbótar vígslubréfi.
Prestar er starfa erlendis.
44. gr.
Biskupi íslands er heimilt að samþykkja að prestar séu ráðnir til starfa meðal
Islendinga erlendis.
Nánari ákvæði.
45. gr.
Nánari ákvæði um sérþjónustupresta skal setja í almennar starfsreglur, sbr. 60.
gr-
9. Djáknar.
46. gr.
Þjónandi djákni þjóðkirkjunnar er hver sá sem á grundvelli köllunar og vígslu
gegnir fastri djáknaþjónustu í þjóðkirkjunni.
Djáknar em ráðnir af sóknamefhd í samráði við sóknarprest til þess að gegna
sérstaklega tilgreindum störfum á sviði líknar- og fræðslumála innan safnaðar.
Heimilt er í samráði við viðkomandi sóknamefnd og sóknarprest og/eða
sjúkrahússprest að ráða djákna til starfa á sjúkrastofnun.
Til að hljóta ráðningu og vígslu sem djákni þarf hlutaðeigandi að hafa lokið
viðeigandi prófi frá guðfræðideild Háskóla íslands og hlotið tilskilda starfsþjálfun á
vegum þjóðkirkjunnar. Hafi umsækjandi um djáknastarf lokið prófi frá erlendum
djáknaskóla skal biskup íslands leita umsagnar guðffæðideildar Háskóla íslands.
Um þjónustu djákna fer nánar eftir ákvæðum í starfsreglum. sbr. 60. gr.
10. Sóknir og prestaköll.
Almennt.
47. gr.
Sóknin er grunneining þjóðkirkjunnar og starfsvettvangur hennar á hverjum
stað. Ein eða fleiri sóknir mynda prestakall.
16