Gerðir kirkjuþings - 1997, Side 75

1997
AUKA-KIRKJUÞING
2. mál
kristnisjóð og er ráðstafað af kirkjuráði til almennra þarfa og starfs þjóðkirkjunnar.
Samkomulagið sem nú hefur verið gert, hvílir á þessum skilningi, að
kirkjujörðunum verði ráðstafað í þágu kirkjuheildarinnar og eignir einstakra kirkjuléna
gagnist kirkjunni allri.
Um sölu kirkjujarða á starfstíma viðræðunefnda ríkis og kirkju.
Viðræðunefnd kirkjunnar hefur frá upphafi lagst gegn því, að
landbúnaðarráðuneytið, sem nú fer með málefni kirkjujarða, heimilaði sölu jarðanna á
meðan viðræðurnar sem dóms- og kirkjumálaráðherra kallaði til, stæðu yfir. Nú ertil
langur listi yfir kirkjujarðir sem ábúendur óska eftir að fá keyptar. Óskum þeirra hefur
ekki verið fullnægt vegna þess, að biskup, kirkjuráð og viðræðunefndin hafa lagst
gegn því, að fram færi ráðstöfun eigna á sama tíma og verið er að semja um
framtíðarráðstöfun þeirra. Þó hafa fáeinar jarðir verið seldar, en að undangenginni
umfjöllun samkvæmt vinnureglum settum fyrir tveimur árum síðan. Yfirlit yfir seldar
jarðir og hlut kristnisjóðs í andvirði þeirra, má sjá í reikningum kristnisjóðs. Þess má
geta, að mikil óánægja ríkir með þessa stöðu mála í landbúnaðarráðuneytinu. Þar vísa
menn til þess, að gildandi lög (jarðalög) heimili ábúendum kirkjujarða, sem kallast í
þeim lögum „jarðir í eigu opinberra stofnana“ að fá ábúðarjarðir sínar keyptar, að
uppfylltum ákveðnum skilyrðum. Því má segja, að yfirstandandi viðræður um
kirkjueignir hafi tafið fyrir sölu kirkjujarða.
Annað varðandi starf viðræðunefndanna.
í viðbótum með samkomulaginu kemur fram, að viðræðunefnd kirkjunnar óskar
eftir því, að fjallað verði síðar um eignarréttarstöðu prestssetranna, vegna þess, að
gildandi lög um prestssetur eru óskýr hvað það varðar. Þá áréttar viðræðunefnd
kirkjunnar, að fjalla þurfi almennt um eignastöðu þjóðkirkjunnar og einstakra stofnana
hennar. Nauðsynlegt er að taka þetta mál upp í heild sinni. í því sambandi má vísa til
samþykktar prestastefnu 1995 um eigna- og réttarstöðu kirkjunnar.
69