Málfregnir - 01.05.1997, Blaðsíða 8

Að þinglokum sté Skólakór Kársness á
svið undir stjórn Þórunnar Bjömsdóttur og
við undirleik Marteins H. Friðrikssonar
dómorganista. Flutti kórinn við hrifningu
áheyrenda einkum lög við ljóð Jónasar
Hallgrímssonar en einnig kvæði Þórarins
Eldjárns, >VÁ íslensku má alltaf finna svar“,
við lag Atla Heimis Sveinssonar.
Fundarstjóri sleit þingi með því að minn-
ast Jónasar Hallgrímssonar, en þingið var
einmitt haldið á degi íslenskrar tungu,
afmælisdegi Jónasar. Bað hann menn minn-
ast þess að ekki væri dagurinn kenndur til
íslenskrar tungu til þess að fría menn frá því
að sinna henni aðra daga ársins! Lauk
fundarstjóri máli sínu með því að minna á
að ekki einasta ljóð heldur einnig laust mál
Jónasar gæti enn verið fyrirmynd hverjum
þeim sem rita vildi íslenska tungu og
stundum hollt að krydda málið með skop-
skyni listaskáldsins, til dæmis eins og það
birtist í þessari lýsingu dönsku skáldanna
Hauch og Ingemanns úr bréfi til Páls
Melsteðs:
H. er allra elskulegasti maður; hann er hár og
grannur og ólánlega vaxinn, allra manna svart-
astur, blakkur og suðrænn í andliti, og sjerlega
fallega-ljótur, eins og þú þekkir, með fjarska stórt
nef og efra tanngarð, og allra manna stóreygð-
astur og úteygðastur; og samt sem áður þarf ekki
nema líta á hann, til að sjá hann er fluggáfaður.
Honum mættu tveir harmar í vetur: hann missti
dóttur sína, og konan hans skrifaði nóvellu.
Ingemann er allra mesti spilagosi, stuttur og
stubbaralegur, með mikið hár og úfið, sem hefir
verið bjart, en er nú farið að grána; hann hefir
breitt andlit, flatt, bratt og lágt enni, lítil, grá, líf-
leg og skýrleg augu; hann er afar fljótmæltur og
veður svo hvað úr öðru, að það er opt illt að
fylgja honum; hann er fyndinn og smáertinn, og
ófús á að tala um skáldskap. Hann segir, að
einusinni hafið þeir verið á ferð saman, vindurinn
og djöfullinn, og þegar þeir komu að horninu á
húsinu hans Hjörts (þar er æfinlega götusúgur),
þá haft djöfullinn sagt: „bíddu mín hjerna, vindur
minn! meðan jeg bregð mjer inn til kunningja
míns“, en hann er líklega ekki kominn út aptur
enn!
8