Málfregnir - 01.05.1997, Blaðsíða 24
Frá ritstjóra
Útgáfa Málfregna, tímarits íslenskrar
málnefndar, hefur legið niðri síðan í árslok
1992, en nú skal taka upp þráðinn þar sem
frá var horfið. Stefnt er að útgáfu tveggja
hefta á ári eins og áður. Nýr ritstjóri hefur
verið ráðinn og á þessum tímamótum vil
ég þakka fyrri ritstjóra, Baldri Jónssyni
prófessor, frumkvæði og brautryðjandastarf
við útgáfuna á sínum tíma. I ritnefnd sitja
sem fyrr formaður og varaformaður
Islenskrar málnefndar, Kristján Amason og
Gunnlaugur Ingólfsson.
Þetta fyrsta hefti Málfregna í minni rit-
stjóm er að mestu helgað nýjum hátíðisdegi,
degi íslenskrar tungu, sem haldinn var
hátíðlegur í fyrsta sinn 16. nóvember 1996,
á fæðingardegi Jónasar Hallgrímssonar.
Hér er m.a. að finna erindi Bjöms Bjama-
sonar menntamálaráðherra sem hann flutti á
samkomu menntamálaráðuneytisins í Lista-
safni Islands á hinum fyrsta hátíðisdegi
íslenskrar tungu en þar ræðir ráðherra
einmitt tilgang og tilefni sérstaks hátíðis-
dags íslenskrar tungu.
Islensk málnefnd efndi með stuðningi
Mjólkursamsölunnar til málræktarþings í
Háskólabíói á degi íslenskrar tungu.
Málræktarþingið þótti takast einkar vel,
erindi og umræður voru markvissar og
komu að kjama málsins. Þingið nefndist
„Staða íslenskrar tungu“ og er í þessu hefti
Málfregna að finna frásögn Heimis
Pálssonar fundarstjóra sem veitir lesendum
innsýn í það sem fram fór. Þá er hér birt
ávarp menntamálaráðherra og þrjú fram-
söguerindi sem flutt voru á þinginu, auk
ávarps Ólafs Ragnars Grímssonar, forseta
Islands, sem hann ritaði í bækling sem
íslensk málnefnd gaf út og dreifði meðal
gesta málræktarþings.
Ari Páll Krístinsson
Málfregnir koma út tvisvar á ári
Útgefandi: íslensk málnefnd
Ritnefnd: Gunnlaugur Ingólfsson og Kristján Ámason
Ritstjóri: Ari Páll Kristinsson
Ritstjóm og afgreiðsla: Islensk málstöð,
Aragötu 9, ÍS-101 Reykjavík
Sími: 552-8530. Bréfasími: 562-2699
Veffang: http://www.ismal.hi.is/
Netfang ritstjóra: aripk@ismal.hi.is
Áskriftarverð: 684 kr. (m. vsk.) á ári
Steindórsprent-Gutenberg
ISSN 1011-5889
ISLENSK MALNEFND