Skírnir - 01.04.1997, Page 280

Sigurður Nordal
FORNAR MENNTIR MII
Fornar menntir eru þriðji flokkurinn,
sem út kemur af heildarútgáfu ritverka
Sigurðar Nordals. I öllum þremur
bindum hans er fjallað um fornar bók-
menntir og menningu Islendinga, en
óhætt er að segja, að rit um þau efni
hafi verið gildasti þátturinn í fræði-
störfum Sigurðar Nordals.
Fyrirferðamesta ritið í þessum
flokki og um leið eitt höfuðverk
Sigurðar Nordals er Islenzk menning,
sem út kom 1942. Eins og flest rit hans
er það ekki síður skrifað fyrir almenn-
ing en fræðimenn, enda var því ætlað að fjalla um „vanda þess og
vegsemd að vera Islendingur nú á dögum“, eins og höfundur kemst að
orði í forspjalli.
í öðru bindi flokksins er allmikið óprentað efni. Er þar helst að
nefna drög að framhaldi Islenzkrar menningar, er höfundur nefndi
Fragmenta ultima, en þar fjallar hann um sagnaritun íslendinga, tildrög
hennar og þróun. Meðal annars efnis þessa flokks er Hrafnkatla og
Völuspá, en bæði mörkuðu þau rit tímamót í rannsóknum íslenskra
fornbókmennta.
í aldarminningu um Sigurð Nordal kemst Þórhallur Vilmundarson
prófessor svo að orði: „Einmitt nú á þessum viðsjárverðu tímum er
brýnni þörf en nokkru sinni að slá skjaldborg um tunguna og hlúa að
þjóðlegum fræðum. - Sigurður Nordal var um langt skeið prófessor í
íslenzkum fræðum við Háskóla Islands og fræðari og leiðbeinandi
þjóðarinnar allrar um hinn íslenzka menningararf. Enginn hefur kennt
þjóðinni betur að meta hátindana í íslenzkum bókmenntum, allt frá
Völuspá og til skálda 19. og 20. aldar.“
Hið íslenska bókmenntafélag
Síðumúla 21, 108 Reykjavík
Sími 588 9060