Morgunblaðið - 27.07.2015, Síða 12

12 FRÉTTIRInnlent
MORGUNBLAÐIÐ MÁNUDAGUR 27. JÚLÍ 2015
Ármúla 24 • S: 585 2800Opið virka daga 9 -18, – www.rafkaup.is
Wireflow frá
Hönnuður er Arik Levy
Ísak Rúnarsson
isak@mbl.is
„Í þessu roki sem geisaði hér frá
október og alveg
fram í maí síð-
asta vetur fór
þessi garður dá-
lítið illa og nauð-
synlegt að end-
urbyggja hluta
hans. Við leggj-
um í það rétt lið-
lega þrjátíu
milljónir en við
höfum lagt metn-
að í það að Skarfagarðurinn sé að-
gengilegur fyrir fólk,“ segir Gísli
Gíslason, hafnarstjóri Faxaflóa-
hafna.
Þrátt fyrir að Sundahöfn sé fyrst
og fremst vöruflutningasvæði þá er
mikill fjöldi fólks sem leggur leið
sína þangað og þá sérstaklega að
Skarfagarðinum og Skarfaklett-
inum en Gísli segir að um leið og
vel sé gengið frá umhverfinu sæki
fólk á svæðið.
Skarfagarðurinn var lagður fyrir
rúmlega áratug og er um 320
metra langur og liggur í átt að Við-
ey en garðurinn hefur það hlutverk
að verja Sundahöfn fyrir ölduróti.
Leiðin út í vitann sem stendur á
við enda garðsins var nánast orðin
ófær og þrátt fyrir að veðrið hafi
ekki áhrif á stærra grjótið geti
sjórinn skemmt malbikið og und-
irlagið í slíku veðri. Nú vinni menn
að því að endurnýja efsta undirlag
garðsins ásamt því að malbika á ný.
Aukið álag á starfsfólk
Gísli segir að slæmt veður eins
og gerði síðasta vetur hafi ekki að-
eins áhrif á mannvirki heldur setji
það aukið álag á starfsfólk. Hann
segir það ekki vera auðvelt að sigla
um flóann á bátum né að fara um
borð í skip í slíku veðri.
Engin óhöpp urðu í vetur en
Gísli segir starfsfólk hafnarinnar
margreynt og öllum hnútum kunn-
ugt.
Aftakaveður í vetur skemmdu garðinn
Morgunblaðið/Styrmir Kári
Viðgerðir Verið er að ljúka viðgerð svonefnds Skarfagarðs við Sundahöfn eftir tjón á garðinum vetur.
 Vinna stendur
yfir við lagfær-
ingu á Skarfa-
garði í Sundahöfn
Gísli Gíslason
Ólafur Stephensen, framkvæmda-
stjóri Félags atvinnurekenda (FA),
ítrekar í fréttatilkynningu sem var
send á fjölmiðla í gær að Mjólkursam-
salan (MS) hafi leynt Samkeppniseft-
irlitið gögnum um samstarf fyrirtæk-
isins við Kaupfélag Skagfirðinga og
Mjólku. Í tilkynningunni svarar hann
Ara Edwald, forstjóra MS, sem sagði
síðastliðinn föstudag að ummæli Ólafs
þess efnis að fyrirtækið hefði leynt
gögnum, væru vítaverð og röng.
Í tilkynningu Ólafs vitnar hann orð-
rétt í fréttatilkynningu Samkeppnis-
eftirlitsins í desember sl. um sam-
keppnismálið, sem hér um ræðir.
„Fyrir áfrýjunarnefnd lagði MS í
fyrsta sinn fram tiltekið gagn, samn-
ing við Kaupfélag Skagfirðinga frá 15.
júlí 2008. Undir rannsókn málsins
hafði MS aldrei vísað til eða greint
Samkeppniseftirlitinu frá þessum
samningi, þrátt fyrir að Samkeppn-
iseftirlitið hefði ítrekað óskað eftir
skýringum og gögnum frá MS vegna
umræddrar verðlagningar.“ Þá vísar
Ólafur til úrskurðar áfrýjunarnefnd-
ar samkeppnismála þar sem segir að
engar haldbærar skýringar hafi kom-
ið fram um hvers vegna samningur-
inn hafi ekki verið lagður fram við
meðferð málsins hjá Samkeppniseft-
irlitinu.
„MS var beðin um gögn en afhenti
ekki Samkeppnieftirlitinu gögn sem
voru til. Við málflutning fyrir áfrýj-
unarnefnd komu ekki fram haldbær-
ar skýringar á því að gögnunum hefði
verið leynt fyrir stjórnvaldinu. Það er
nú til rannsóknar hvers vegna gögn-
unum var leynt. Málflutningur for-
stjóra MS dæmir sig sjálfur í ljósi
þessara staðreynda málsins,“ segir
Ólafur að lokum.isb@mbl.is
Segir málflutning
dæma sig sjálfan
 Ólafur Stephensen ítrekar að MS hafi
leynt Samkeppniseftirlitið gögnum
Morgunblaðið/Eggert
Í skoðun Rannsókn stendur yfir á
því hvort MS hafi leynt gögnum.
Ingvar Smári Birgisson
isb@mbl.is
Ragnhildur Þóra Káradóttir taugalífeðlisfræð-
ingur hlaut fyrr í mánuðinum 1,3 milljóna doll-
ara rannsóknarstyrk, sem jafngildir 174 millj-
ónum króna, frá Paul G. Allen Family
Foundation. Alls var styrkjum að andvirði 7
milljóna dollara úthlutað og hlutu fimm vís-
indamenn styrki til að fjármagna verkefni sín,
sem öll sneru að Alzheimers-sjúkdómnum.
„Ég fékk þennan styrk til að koma á fót fjöl-
greina rannsóknarverkefni til að geta rannsak-
að Alzheimers-sjúkdóminn frá gjörsamlega
nýju sjónarhorni. Ég leiði hóp af eðlis-, efna-,
lífverk-, lífefna- og líffræðingum og læknum til
að rannsaka hlutverk hvíts efnis í heilanum,“
segir Ragnhildur.
Paul Allen, stofnandi sjóðsins sem veitir
styrkinn, ætti að vera Íslendingum kunnugur,
en risavaxin snekkja hans
liggur nú við Reykjavíkur-
höfn. Hann er einn af stofn-
endum tölvuhugbúnaðar-
fyrirtækisins Microsoft og
gefur háar fjárhæðir árlega
til góðgerðarmála. Snekkj-
an heitir Octopus og er sex-
tánda stærsta snekkja í
heiminum, 126 metra löng,
útbúin þyrlupalli og sund-
laug.
Ein virtustu verðlaun Bretlands
Fyrr á árinu hlaut Ragnhildur ein virtustu
verðlaun Bretlands í læknavísindum. Hún var
gerð félagi í Lister-stofnuninni og fékk 200.000
punda styrk með því, sem jafngildir um 40
milljónum króna. Aðeins 3-5 fá þessi verðlaun á
hverju ári og verða verðlaunahafar að hafa
sýnt fram á vísindaárangur í læknavísindum
frá eigin rannsóknarstofu eigi síðar en tíu árum
frá því að doktorsnámi lauk, en Ragnhildur
rekur eigin rannsóknarstofu í taugavísindum í
Cambridge-háskóla í Bretlandi.
„Þetta eru mjög virt verðlaun í læknavísind-
um í Bretlandi, líklega ein af helstu viðurkenn-
ingum sem maður getur fengið á þessu stigi á
starfsferlinum. En það eru til verðlaun sem eru
fyrir þá sem eru lengra komnir í læknavísind-
um og vísindum almennt,“ segir Ragnhildur,
sem kveðst ekki vita til þess að Íslendingur hafi
áður hlotið þessa viðurkenningu.
Auk þess að reka eigin rannsóknarstofu
gegnir Ragnhildur kennarastöðu að hluta við
Óslóarháskóla. Ragnhildur kveðst vinna mjög
mikið, en spurð hvað sé framundan hjá henni
segist hún ætla að sækja um fleiri styrki og
vinna að því að skilja mikilvægi hvíta efnisins í
heila mannsins.
Dóttir umhverfisráðherrans
Ragnhildur er dóttir Sigrúnar Magnúsdótt-
ur, umhverfis- og auðlindaráðherra, og Kára
Einarssonar verkfræðings, en Sigrún og Kári
eru skilin.
Fluttar voru fréttir af því í desember á síð-
asta ári að Ragnhildur hefði verið valin af
FENS-Kavli-sjóðnum í hóp 20 fremstu ungra
taugavísindamanna í Evrópu, en hún er ekki
nema 39 ára gömul þrátt fyrir glæstan feril.
Sjóðurinn var settur á laggirnar af FENS,
sambandi taugavísindafélaga í Evrópu, og
Kavli-stofnuninni sem norsk-ameríski við-
skiptamaðurinn Fred Kavli stofnaði til að auka
veg vísinda í heiminum. „Við höfum hist og er-
um að setja á laggirnar ýmsa hluti sem verða
gerðir opinberir í haust,“ segir hún, en sjóð-
urinn vinnur að því að auka veg taugavísinda í
Evrópu.
Hlaut styrk upp á 174 milljónir króna
 Ragnhildur Þóra Káradóttir taugalífeðlisfræðingur rannsakar Alzheimers-sjúkdóminn í Cambridge
Ragnhildur Þóra
Káradóttir