Morgunblaðið - 01.07.2015, Blaðsíða 17

FRÉTTIR 17Erlent
MORGUNBLAÐIÐ MIÐVIKUDAGUR 1. JÚLÍ 2015
Kristján Jónsson
kjon@mbl.is
Fjármálaráðherrar ríkja Evrópu-
sambandsins ræddu í gærkvöldi á
símafundi nýtt tilboð frá Grikkjum
en urðu ekki við beiðni þeirra um að
framlengja lokafrest lánardrottna-
hópsins, Þríeykisins, sem rann út á
miðnætti. Fyrir þann tíma áttu
Grikkir að greiða afborgun af lánum
frá Alþjóðagjaldeyrissjóðnum upp á
1,6 milljarða evra, nær 240 milljarða
króna. Alþjóðagjaldeyrissjóðurinn
sagði í gærkvöldi að honum hefði
ekki borist greiðsla á réttum tíma.
Þar með er Grikkland í reynd komið
í greiðsluþrot.
Tvennum sögum fór af því hvort
framkvæmdastjórn Evrópusam-
bandsins hefði á mánudagskvöld
gert Grikkjum ívið betra tilboð með
því að slaka á kröfum um skertar líf-
eyrisbætur. Angela Merkel Þýska-
landskanslari sagðist ekki hafa heyrt
um neinar tilslakanir af þessu tagi.
Ríkisstjórn vinstrimannsins Alex-
is Tsipras í Aþenu hyggst efna til
þjóðaratkvæðis á sunnudag um til-
boð lánardrottnanna þriggja, þ.e.
ESB, seðlabanka sambandsins og
AGS, og mælir Tsipras með því að
tilboðinu verði hafnað. Hann hefur
sagt kjósendum að verði niðurstaðan
nei muni það bæta samningsstöðu
stjórnvalda gagnvart Þríeykinu.
Vandi Grikkja er mikill en ESB-rík-
in hafa gert mikið til að létta byrðar
þeirra, m.a. lengt mikið í lánum, al-
veg til ársins 2054. Að sögn Wall
Street Journal eru vaxtagreiðslur
Grikkja nú 4% af landsframleiðslu
og því nokkru minni en Portúgala,
Ítala og Íra.
Kannanir benda til þess að veru-
legur meirihluti muni samþykkja til-
boð Þríeykisins og segja já á sunnu-
dag. Tsipras hefur sagt að fari svo að
mikill meirihluti samþykki tilboðið
muni hann segja af sér.
Meiri stuðningur við já
Bent hefur verið á að samkvæmt
lögum skuli hver kjósandi greiða at-
kvæði í eigin kjördæmi, engin heim-
ild sé fyrir utankjörstaðakosningu.
Margir Grikkir vinni við ferðaþjón-
ustu á eyjum langt frá heimilinu og
hafi ekki ráð á að taka sér frí í
nokkra daga til að kjósa.
Gjaldeyrishöft eru nú í gildi í
Grikklandi og má hver íbúi aðeins
taka 60 evrur, tæpar 9.000 krónur, út
úr hraðbanka á dag. Bankar eru lok-
aðir í bili en í gær var þó lífeyrisþeg-
um, sem margir nota ekki greiðslu-
kort, leyft að taka út alls 120 evrur í
banka. Verða því um 1.000 banka-
útibú opnuð í þrjá daga.
Þjarmað að ríkis-
stjórn Tsipras
 Kannanir í Grikklandi gefa til kynna að síðasta tilboð
lánardrottnanna verði samþykkt í þjóðaratkvæði á sunnudag
AFP
Fáni og ást Efnt hefur verið til samstöðufunda með stjórn Tsipras við gríska þingið síðustu daga og hafa mörg þús-
und manns tekið þátt í þeim. Einnig hafa þeir sem vilja taka tilboði lánardrottna Grikkja efnt til sinna funda.
Fá ekki lán hjá Rússum
» Tsipras mun hafa reynt að fá
lán í Rússlandi en talsmaður
Vladimírs Pútín Rússlands-
forseta sagði í gær að fjár-
hagsaðstoð við Grikki væri
„mál Grikkja og lánardrottn-
anna, ekki okkar“.
» Gríska ríkið skuldar nú sem
svarar um 175% af landsfram-
leiðslu, atvinnuleysi er 25% og
tvöfalt meira hjá ungu fólki.
Embættismenn og björgunarfólk að störfum í borginni Medan á Súmötru,
einni af eyjum Indónesíu, í gær. Indónesísk herflutningavél af gerðinni
Hercules C-130 með 113 manns innanborðs á leið frá Soewondo-herflug-
vellinum hrapaði á hótel við umferðargötu við íbúðarhverfi í borginni í
gær. Síðdegis höfðu 66 lík fundist. Mikill eldur varð laus á slysstaðnum og
reykjarbólstrar stigu hátt í loft upp. Soewondo er í um fimm km fjarlægð
frá Medan. Ekki var ljóst hvað valdið hefði slysinu.
Yfir 100 gætu hafa farist
AFP
Miðaldra
Bandaríkja-
maður, Patrick
Thornton, var
nýlega á sundi
við strönd
Norður-
Karólínu þegar
hann fann að
kippt var í ann-
an ökklann. Hann sá blóð í sjónum
og um fimm feta langan hákarl á
sveimi.
Þegar hákarlinn gerði næstu
árás barði Thornton fiskinn þrisvar
í hausinn og búkinn. Þrír hákarlar
að auki voru nú komnir á staðinn
enda finna hákarlar lykt af blóði í
sjónum langa vegu.
Næst glefsaði hákarlinn í bakið á
Thornton sem rak þá olnbogann í
hann. Manninum tókst loks að kom-
ast burt og er nú á sjúkrahúsi, að
sögn Independent. Óvenju mikið
hefur verið um árásir hákarla á
svæðinu síðustu vikur. kjon@mbl.is
BANDARÍKIN
Barði hákarlinn
í hausinn og slapp
Kristján Jónsson
kjon@mbl.is
Utanríkisráðherra Írans, Mo-
hammad Javad Zarif, kom til
Vínarborgar í gær og hugðist eiga
þar fund með fulltrúum stórveld-
anna um kjarnorkuáætlun Írana.
Ráðamenn í Teheran eru grunaðir
um að ætla að koma sér upp
kjarnorkuvopnum með leynd. Bar-
ack Obama Bandaríkjaforseti hefur
beitt sér ákaft fyrir samkomulagi
og þarf að láta þinginu í té ná-
kvæma útfærslu á niðurstöðunni í
síðasta lagi 9. júlí.
Vonast er til þess að þátttaka Za-
rifs í viðræðunum verði til að koma
þeim á skrið. Íranar hafa tregðast
við að fallast á
skilyrðislausa
heimild Alþjóða
kjarnorkumála-
stofnunarinnar,
IAEA, til að
sinna eftirliti
með tilrauna-
stöðvum klerka-
stjórnarinnar.
Slaki Íranar ekki
til gæti sam-
komulagið hrunið.
Ef samkomulag næst myndi það
m.a. þýða að viðskiptalegum refsi-
aðgerðum gegn Íran yrði smám
saman hætt. Írönsk olía myndi þá
streyma inn á heimsmarkaði, sem
gæti orðið til að lækka enn olíuverð.
Vona að stjórn
Írans slaki til
 Kjarnorkuviðræður á lokastigi
Mohammad
Javad Zarif
Ármú la 19 | S: 553-9595 | gahusgogn@gahusgogn. is | www.gahusgogn. is
1975-2015
GÁ húsgögn ehf. er traust fyrirtæki sem hefur verið á íslenskum markaði um árabil. Við
leggjum áherslu á stílhrein, vönduð húsgögn og góða þjónustu.
Við tökum málin þín í okkar hendur
Sérsmíðum fyrir heimili og fyrirtæki
40 ára