Jökull - 01.12.1971, Side 32

í kaf. Honum tókst þó aS losa sig úr flóðinu
og staulast til Húsavíkur, sem vart mun hafa
verið meira en hálfur kílómetri, en það tók
hann á aðra klukkustund. Hann var þegar lagð-
ur inn á sjúkrahús, en samdægurs var fengin
sjúkraflugvél, er flutti hann til Akureyrar, þar
sem hann var skorinn upp vegna innvortis-
blæðinga.
Snæbjörn mun hafa verið frá Siglufirði, en
aðeins dvalið á Húsavík um stundarsakir.
(Nr. 263. Snjóflóð við Siglufjarðarskarð. Heim-
ild: Morgunblaðið 2. september 1965.)
MiSvikudaginn 1. september um kl. 10 ár-
degis féll 15 metra breið snjóskriða á Skarðs-
veginn í Siglufirði, ofarlega í sneiðingnum.
Kom snjóflóðið á jarðýtu, er þarna var að ruðn-
ingi, braut rúður í húsi ökumanns, fyllti það
af snjó og færði ýtuna í kaf. Tveir menn, er
voru þarna að störfum, höfðu rétt áður yfir-
gefið ýtuna til þess að fá sér kaffi og sakaði þá
ekki.
Mannsöfnuður var fenginn til þess að grafa
ýtuna úr dyngjunni og var því lokið um há-
degi, svo ýtan gat haldið áfram ruðningnum.
1966
(Nr. 264. Snjóflóð á Reykjarhóli i Austurfljót-
um. Heimild: Morgunblaðið 1,—2. febr. 1966,
Tíminn 2. febr. 1966.)
Undir lok janúarmánaðar gerði norðaustan
stórhríð um norðan- og vestanvert landið og
var veðurhæð víða mikil.
Að afliðnu hádegi sunnudaginn 30. janúar
féll snjóflóð á býlið Reykjarhól í Austurfljót-
um. Tók það íbúðarhúsið, sem var einnar hæð-
ar járnklætt timburhús á steyptum kjallara,
braut kjallarann, en flutti húsið breidd sína af
grunni og hallaði því nokkuð á aðra hliðina.
Þá braut það niður fjárhús og lireif með sér
16 ára gamlan pilt, er þar var staddur, son
bóndans Alfreðs Jónssonar, og bar hann um
20 metra. Hann komst þó úr flóðinu af sjálfs-
dáðum og ómeiddur.
I ibúðarhúsinu voru bóndinn, annar sonur
hans, 7 ára, og tengdamóðir öldruð, er þetta
skeði, og sakaði þau ekki, þótt innanstokks-
munir færu allir á hreyfingu, en illa gekk þeim
að ná til dyra og komast iit. Flúðu þau fyrst
í fjós, sem stóð spölkorn frá bænum, en síðan
30 JÖKULL 21. ÁR
var garnla konan flutt á sleða til næsta bæjar,
en feðgarnir söfnuðu liði til þess að grafa féð
úr fjárhúsrústunum, en þar voru um 30 kind-
ur. Tvær þeirra drápust og nokkrar löskuðust
eitthvað.
Fólkið dvaldi fyrst í stað á næsta bæ, en mun
hafa flutt síðan í sumarbústað, er var þarna
nærri.
Stórhríð var, er þetta gerðist. Snjóflóðið kom
úr 300—400 m liæð í gili upp af bænum. Talið
var, að hjarn hefði verið undir nýja snjónum.
Breidd þess neðan til var um 200 metrar.
Snjóskrið af þaki á Egilsstöðum.
(Heimild: Morgunblaðið 3. marz 1966.)
Þriðjudagkvöldið 1. marz átti að moka snjó
af þaki verkfærageymslu á Egilsstöðum á Völl-
um. Var maður kominn upp á þakið þeirra
erinda. Með honum var unglingspiltur, Þor-
varður Kristjánsson, 15 ára, sem moka átti frá
dyrum geymslunnar. Þetta var um kl. 18.30.
Allt í einu fór snjórinn á þakinu að skríða, en
sá, sem þar var uppi, tók það ráð að stökkva
af þakbrún eins langt og hann dró og slapp
þannig við flóðið, en pilturinn við dyrnar lenti
undir því og tók það 10—15 mínútur að grafa
niður á hann, en það voru tveir metrar. Var
hann orðinn nokkuð dasaður, en taldi sig aldrei
hafa misst meðvitund og hresstist fljótt.
(Nr. 265 og 266. Snjóflóð á vegi við Djúp.
Heimild: Morgunblaðið 23. marz 1966.)
Þann 22. marz gerði hríðarveður um norðan-
og vestanvert landið og hlóð niður snjó. Þá er
þess getið, að nokkur snjóflóð hafi fallið á
Bolungarvíkur- og Súðavíkurveg.
(Nr. 267. Snjóskriða í Jósefsdal Heimild: Morg-
unblaðið 23. apríl 1966.)
Sunnudaginn 22. apríl fór fram skíðakeppni
Armanns í Jósefsdal. Þá bar það við, er keppni
karla var að hefjast, að snjóðflóð féll á svig-
brautina og gróf hana á 30—40 m kafla, svo
að hliðstengur fóru í kaf. Veður var slæmt, svo
ógerlegt var að gera nýja braut. Áður en þetta
varð hafði keppni kvenna og unglinga farið
fram í brautinni, en keppni karla hófst hærra
í fjallinu og losnaði skriðan, er fyrsti keppand-
inn var kominn vel af stað. Snjóflóðið hljóp
nokkuð þvert á brautina og var keppandinn
aldrei í neinni hættu.