Jökull - 01.12.1971, Qupperneq 67

28. maí, miðvikudagur. Kl. 12 á hádegi vakti
sólin okkur 5, áhöfn Gosa, sem nú vorum einir
eftir undir rótum Hvannadalshnúks. Hinir snjó-
bílarnir, Gusi og Naggur, höfðu haldið til baka
s.l. nótt og tjaldað norðan við klettadranginn
Þumal i randfjöllum Vatnajökuls, ofan við
Morsárdal. — Já, þegar við vöknuðum var enn
komið glaða sólskin. í baksýn við tjaldstað okk-
ar var Hvannadalshnúkur hreinn, en neðan við
1000 til 1500 m hæð voru skýjabólstrar, llkt
og mikið og úfið haf yfir að líta. Þessi skjanna-
birta freistaði ljósmyndarans meira en að hann
gæti staðizt, og hann lagði því aftur upp á
Hvannadalshnúk með myndavélakassa á bak-
inu, rneðan tjald var fellt og Gosa ekið til baka
um 2 km leið upp á Snæbreið (2041 m), en
þar skyldi grafa næstu snjógryfju, en þangað
gekk ljósmyndarinn síðan að myndatöku á
Hvannadalshnúk lokinni. Snjógryfja var grafin
2x4 metrar að flatarmáli efst, en síðan stall
af stalli niður fyrstu 5 metrana. Síðan var út-
búinn strigapoki og snjórinn dreginn með
handafli upp úr gryfjunni. Var snjógryfja þessi
orðin hið mesta mannvirki áður en lauk, enda
unnið stanzlaust við snjómokstur til kl. 06 (að
morgni 29. maí).
29. maí, fimrnudagur. Þoka var á um nóttina,
en við sólarupprás rofaði nokkuð til efra, þótt
ennþá væri skýjaþykkni yfir lágsveitum. Þrátt
fyrir sólbjartan dag voru menn orðnir slæptir
af vinnu, og var því farið að sofa um kl. 06:30.
Aftur var skriðið úr svefnpokunum í tjaldinu
á Snæbreið á Öræfajökli kl. 12. Veður var enrt-
þá bjart, og nú sást lítið eitt niður á láglendið
um tíma, en fljótlega huldu þó lágský útsýnið
neðra. Hins vegar var áfrarn bjart inn yfir
Vatnajökúl, yfir Breiðamerkurjökul til Esju-
fjalla og yfir Skaftafellsjökulsvæðið. Unnið var
allan daginn sleitulaust við handborun niður
úr botni gryfjunnar, og var komizt niður í 13,2
metra dýpi frá yfirborði efstu bungu Snæbreið-
ar. Voru síðan tekin sýni úr allri dýpt snjó-
gryfjunnar og úr borkjarnanum, skráð íslög og
mæld og sýni sett í plastdósir. — Þegar þessum
áfanga var náð, var eldaður rnikill matur og
borðað í blæjalogni utan tjalds í sólskini. Að
máltíð lokinni var tekinn saman farangur og
um kl. 17:30 var ekið af stað frá tjaldstað okk-
ar og djúpu borholunni á Öræfajökli. Þegar
lagt var af stað var komin þoka yfir jökulinn,
en við fylgdum slóðinni frá för okkar upp á
Öræfajökul. Var ekið niður í Tjaldskarð, yfir
Jökulbak og niður í Hermannaskarð, þar sem
sleði okkar var geymdur. Var nú sett mikið af
farangrinum aftur á sleðann, og ekið síðan með
hann í eftirdragi upp úr Hermannaskarði, að
næsta borstað, sem var um 6 km norðar. Var
komið þangað kl. 22:30 og strax tjaldað og
byrjað að grafa gryfjuna. Var hún líka 2x4
metrar að fleti efst. Var grafið niður á 3 metra
dýpi um kvöldið og fram til kl. 01:30 að nóttu,
Mynd 3.
Áhöfn Gosa matast á Snæ-
breið í 2041 m hæð. Ljós-
myndarinn og Hvannadals-
hnúkur sjást í spegli bílsins.
Fig. 3.
A snack on Snœbreidur, 2041
m a. s. I. The photographer
and the peak Hvannadals-
hnúkur are seen in the
mirror.
Photo:
Hjálmar R. Bárdarson
May 29, 1969.
JÖKULL 21. ÁR 65