Dagblaðið Vísir - DV - 21.10.2014, Side 4

Vikublað 21.–23. október 20144 Fréttir
Höskuldur Þórhallsson gæti fengið Steingrím J. sem mótframbjóðanda í Norðurlandaráði
F
ormlega er það Norðurlanda­
ráð sem ákveður hver á að
vera forseti ráðsins. Við þurf­
um bara að ákvaða hvað við
gerum; hvort við ákveðum
að bjóða Steingrím líka fram,“ segir
Høgni Hoydal, færeyskur stjórnmála­
maður úr Þjóðveldisflokknum og for­
maður hóps Vinstri sósíalískra græn­
ingja í Norðurlandaráði, aðspurður
hvort hópurinn hyggist stinga upp
á því á fundi Norðurlandaráðs í lok
mánaðarins að Steingrímur J. Sig­
fússon, fyrrverandi formaður Vinstri
grænna, verði í framboði til forseta
Norðurlandaráðs. Í hópnum eiga sæti
fulltrúar úr vinstrisinnuðum stjórn­
málaflokkum frá Norðurlöndunum.
Steingrímur varð undir
Líkt og greint hefur verið frá í
fjölmiðlum ákvað Íslandsdeild
Norður landaráðs að tilnefna
Höskuld Þórhallsson, þingmann
Framsóknarflokksins, sem næsta
forseta auk þess sem gerð er tillaga
um að Guðbjartur Hannesson verði
varaformaður ráðsins. Á fundi Ís­
landsdeildarinnar var kosið á milli
Höskuldar og Steingríms og varð
Steingrímur undir í þeirri kosningu.
Fulltrúi Samfylkingarinnar, Guð­
bjartur Hannesson, studdi Höskuld í
kosningunni en hann er varaforseta­
efni Íslandsdeildarinnar samkvæmt
tillögunni sem nú liggur fyrir.
Fulltrúar í Íslandsdeild Norður­
landaráðs eru þingmennirnir Hös­
kuldur Þórhallsson, sem er formaður,
Elín Hirst, Guðbjartur Hannesson,
Jóhanna María Sigmundsdóttir, Ró­
bert Marshall, Steingrímur J. Sigfús­
son og Valgerður Gunnarsdóttir.
Tilnefndir yfirleitt sjálfkjörnir
Íslandsdeildin fær að tilnefna for­
setaefni til Norðurlandaráðs fyrir Ís­
lands hönd á fimm ára fresti en löndin
sem eru aðilar að Norðurlandaráði
skiptast á að tilnefna forsetaefni.
Høgni segir að venjan sé sú að til­
nefningar einstakra landa í Norður­
landaráði standi og því séu þeir sem
tilnefndir eru nánast sjálfkjörnir. Sam­
kvæmt þessu ætti Höskuldur nánast
að vera sjálfvalinn í starfið. „Venju­
lega er þeirri niðurstöðu sem landið
ákveður bara fylgt,“ segir Høgni.
Hins vegar kann að vera að Stein­
grímur J. verði einnig boðinn fram
sem forsetaefni þó að Íslandsdeildin
hafi ekki valið hann sem frambjóð­
anda. „Ég hef bara sagt það að Stein­
grímur er búinn að vera svo lengi í
íslenskum stjórnmálum og Norður­
landamálum í 20 ár. Hann yrði mjög
fínn forseti. Þetta hefði bara verið svo
upplagt. Ég hef hins vegar ekkert á
móti Höskuldi – ég þekki hann líka,“
segir Høgni en eitt af því sem meðal
annars er nefnt í samanburðinum á
milli þeirra er að Höskuldur talar ekki
eitt af Skandinavíumálunum og not­
ast því við túlk í störfum innan ráðsins
á meðan Steingrímur notar dönsku.
Siv í svipuðum sporum
Høgni segir að fyrir fimm árum, í
síðasta skipti sem Ísland fór með for­
setaembættið í Norðurlandaráði, hafi
komið upp sú staða að Siv Friðleifs­
dóttir hafi viljað verða næsti forseti
en Helgi Hjörvar, þingmaður Sam­
fylkingarinnar, var þá tilnefndur af
Norður landaráði. „Fyrir fimm árum
var staðan líka þannig að Siv Friðleifs­
dóttir var að hugsa um að bjóða sig
fram líka. Þá var svipuð staða í sendi­
nefndinni. En hún gerði það svo ekki.
Þannig að þetta er mögulegt,“ segir
Høgni og var Helgi Hjörvar því einn í
framboði til forseta.
Kosið á milli þeirra
Norðurlandaráðsþingið verður
haldið í Stokkhólmi dagana 28. til
30. október næstkomandi. Kjörið á
forsetanum fer fram fimmtudaginn
30. október. Høgni segir að hópur
fulltrúa vinstriflokkanna muni lík­
lega taka ákvörðun um það í næstu
viku hvort Steingrímur J. verði einnig
í framboði til forseta Norðurlanda­
ráðs en þá verður kosið á milli þeirra
Höskuldar og Steingríms.
Ákvörðunina sem Høgni ræðir
um þarf því að taka með því augna­
miði að líklegra sé að aðrir fulltrúar
frá öðrum þjóðum í Norðurlanda­
ráði séu líklegri til að vilja Steingrím
en Höskuld sem forseta þingsins.
Ekki náðist í Steingrím J. Sigfússon
við vinnslu fréttarinnar þrátt fyrir
ítrekaðar tilraunir. n
„Venjulega er þeirri
niðurstöðu sem
landið ákveður bara fylgt.
Höfnuðu
Steingrími
sem gæti
samt
farið fram
Ingi Freyr Vilhjálmsson
ingi@dv.is
Meirihlutinn vildi ekki Steingrím
Íslandsdeild Norðurlandaráðs valdi frekar
Höskuld Þórhallsson en Steingrím J. Sigfús-
son sem frambjóðanda.
Yfirleitt sjálfkjörið
Höskuldur Þórhallsson
verður að líkindum næsti
forseti Norðurlandaráðs
ef Steingrímur J. Sigfús-
son fer ekki fram gegn
honum á þingi ráðsins í
lok mánaðarins.
Bæði sýknuð í Panama-fléttunni
Sigurjón Þ. Árnason og Elín Sigfúsdóttir laus allra mála
D
ómur féll í máli embættis sér­
staks saksóknara gegn Sigur­
jóni Þ. Árnasyni, fyrrverandi
banakastjóra Landsbankans,
og Sigríði Elínu Sigfúsdóttur, fyrr­
verandi framkvæmdastjóra fyrir­
tækjasviðs Landsbankans, á mánu­
dagsmorgun. Voru þau bæði sýknuð
og ríkissjóður dæmdur til að greiða
allan málskostnað, þar á meðal 24
milljónir í málsvarnarkostnað.
Sigurjón og Sigríður voru ákærð
fyrir umboðssvik og sökuð um að
hafa misnotað aðstöðu sína með
því að fara út fyrir heimildir til
veitingar ábyrgða á meðan þau sátu í
lánanefnd Landsbankans. Umboðs­
svikin, sem þau voru ákærð fyrir,
voru upp á tæplega fjórtán milljarða
króna og snúa að aflandsfélögum í
eigu Landsbankans. Féð sem fengið
var að láni frá öðrum bönkum var
vegna kaupréttarsamninga starfs­
manna Landsbankans. Bæði tvö
neituðu sök.
Málið hefur hingað til verið kallað
Panama­fléttan og tengist undirritun
Sigurjóns og Elínar á sjálfskuldar­
ábyrgðir Landsbankans á lánasamn­
ingum við tvö félög, annars vegar fé­
lagið Empennage Inc. og hins vegar
félagið Zimham Corp en bæði félög­
in voru skráð á Panama. n
birgir@dv.is
Koníaksdólgur
rústaði hótelbar
Starfsmaður hótels í miðborg
Reykjavíkur óskaði aðstoðar lög­
reglu laust fyrir miðnætti á sunnu­
dag eftir að óboðinn gestur hafði
ruðst þar inn og farið að hrifsa til
sín áfengisflöskur af barnum.
Þegar maðurinn lét greipar
sópa um barinn og náði taki á einni
flösku rakst hann í aðrar flöskur í
leiðinni þannig að þær féllu í gólfið
og brotnuðu. Hafði maðurinn í hót­
unum við starfsmanninn og reyndi
loks að kýla hann þegar reynt var
að hefta för hans.
Lögreglumenn höfðu upp á
dólgnum á gangi með veigarnar
úr barráninu og var það koníaks­
flaska af dýrari gerðinni sem hann
hafði haft upp úr krafsinu. Var
hann í annarlegu ástandi og færð­
ur í fangageymslu.
Lögfræðingur
dæmdur fyrir
meiðyrði
Árni Stefán Árnason dýraréttar­
lögfræðingur var í Héraðsdómi
Reykjaness á mánudag dæmdur
fyrir meiðyrði. Var honum gert
að greiða Ástu Sigurðardóttur,
eiganda hundaræktarinnar Dals­
mynnis, 200 þúsund krónur í
miskabætur vegna ummæla sem
hann lét falla í þættinum Mál­
ið á Skjá Einum og bloggskrifa.
Alls krafðist Ásta að átta ummæli
yrðu dæmd dauð og ómerk en
tók dómurinn undir kröfu henn­
ar í þremur tilfellum. Þetta eru
ummælin „Dýraníð að Dals­
mynni“, „Rekstraraðilinn Ásta
Sigurðardóttir hefur augljóslega
einnig gerst brotleg við dýra­
verndarlög með ýmsum hætti.
Við brotum Ástu eins og þau
blasa við mér getur refsing varð­
að allt að tveggja ára fangelsi.“ og
„Það á ekki við um Ástu sem hef­
ur eitthvað að fela.“ Árni þarf ekki
að greiða fyrir birtingu dómsins í
fjölmiðlum en þarf að birta hann
á bloggsíðu sinni og greiða 400
þúsund krónur í málskostnað.
Í dómsal Sigurjón og Elín voru bæði sýknuð.