Tölvumál - 01.07.2007, Blaðsíða 7

T Ö LV U M Á L | 7
breytinguna og
trygga að hönnunin taki sem mest mið af kröfum
notandans.
Hvert notkunartilvik er síðan skráð niður sem prófanatilvik þar sem
mögulegum útkomum viðkomandi aðgerðar er lýst.
Þar sem vinnan við þróun er dreifð á milli nokkurra staða þarf að tryggja
að allir aðilar sem koma að verkefninu hafi skýra mynd af því sem þarf að
gera. Hver vara hefur aðalforritara sem sér um hönnun á notkunartilvikum/
prófanatilvikum.
Við notum auk þess nokkur föst hönnunarrit sem vísað er í og er
viðhaldið við breytingar. Það sem mestu skiptir eru notkunardæmin,
sem eru skráð í gagnagrunn með ítarlegum lýsingum, og svo viðeigandi
UML-rit eftir því hvaða vara eða kerfishluti á í hlut. Fyrir þær vörur sem
byggjast á þjónustuviðmóti eru gerð flæðirit (sequence diagram) fyrir
allar þjónustur.
Ferlið fyrir hverja útgáfu byggist á því að á öllum stigum þess sé prófun eða
staðfesting (V-líkan).
1. Í upphafi eru breytingabeiðnirnar skráðar niður og áætlaðar fyrir útgáfu.
Heildarhögun og breytingar á högun er greind fyrir útgáfuna þar sem um
meiri háttar breytingar er að ræða. Verkefnisstjóri og aðalforritari eru ábyrgir
fyrir þessu stigi. Ákveðið er hver útfærir og hver prófar hverja breytingu fyrir
sig fyrir útgáfuna. Á þessu stigi er stærri breytingum skipt niður í minni.
2. Fyrir hverja breytingarbeiðni er hönnunarfasi þar sem notkunartilvikum
er breytt og ferlirit eru uppfærð. Í einstaka tilfellum eru prófunarklasar skrifaðir
í hönnunarfasa. Aðalforritari er ábyrgur fyrir hönnunarfasanum.
3. Breytingin er útfærð af forritara sem notar vísanir í hönnunarteikningar
og lýsingar á prófunum.
4. Hver breyting er prófuð sérstaklega af öðrum forritara og send
aftur til forritara ef eitthvað bregst.
5. Hver breytingarbeiðni fer í skjölun þar sem gerð er uppfærsla á
handbókum, breytinganótur og annað.
6. Aðalforritari og verkefnisstjóri samþykkja svo hverja breytingu.
7. Að minnsta kosti tveimur vikum fyrir útgáfu (fer eftir stærð útgáfunnar)
er lokað á frekari breytingar og öll prófunartilvik eru prófuð rækilega. Gerð er
vísun úr hverri breytingarbeiðni í prófunartilvikin þannig að hægt er að fara
nákvæmlega í saumana á því hverju var breytt. Sérstök deild sér um þessar
prófanir.
8. Á þessu stigi er gengið frá þeim skjölum sem eiga að fylgja útgáfunni.
9. Útgáfan er kynnt fyrir ráðgjöfum og dreifingaraðilum sem aftur koma með
nýjar óskir og hugmyndir.
Lykilatriðið við þetta ferli er að hvert stig þróunarferlisins felur einnig í sér
prófun og staðfestingu samkvæmt gæðaferlum okkar.
Allt vöruþróunarferlið er stutt með ferlum inni í verkefnastjórnunarkerfinu
okkar í GoPro. Þar eru einnig geymd öll samskipti. Hver breytingabeiðni
er skráð þar í þar til gert eyðublað sem einnig er aðgengilegt á vefnum. Öll
eftirfylgni og ábyrgðardreifing er því sjálfvirk og verkefni hvers og eins eru
skýr.
Niðurlag
Það að vinna eftir viðurkenndum þróunaraðferðum sem viðskiptavinir þekkja
hefur reynst Hugviti mjög vel, sérstaklega í erlendum verkefnum þar sem
mismunandi hefðir og verklag tíðkast. Þær aðferðir sem Hugvit nýtir við
hugbúnaðargerð og verkefnisstjórn eru byggðar á traustum og þekktum
grunni. Hugvit vinnur engu að síður að stöðugri þróun á þeim aðferðum sem
fyrirtækið notar til að bæta gæði á vörum fyrirtækisins og hefur til dæmis
aðlagað ofangreindar aðferðir sem tæpt hefur verið á talsvert að fyrirtækinu
og viðfangsefninu og mun halda því starfi áfram.
Valdís Friðbjörnsdóttir þróunarstjóri
Sveinn Hannesson sölu- og markaðsstjóriþróunarstjóri
hugbúnaðargerð
PRINCE2-ferlarit: myndin sýnir ferla í PRINCE2 og hvernig þeir tengjast.