Tölvumál - 01.07.2007, Blaðsíða 36

3 6 | T Ö LV U M Á L T Ö LV U M Á L | 3 7
Inngangur
Þann 4 maí sl. hélt Skýrslutæknifélag Íslands ráðstefnu um háhraða fjarskipti
í dreifbýli á Íslandi. Ráðstefnan fékk nafnið íslenskt Sveita Drauma Net
(ISDN) en ISDN er einmitt sú tækni sem margir íbúar dreifbýlisins þurfa að
reiða sig á til netfjarskipta og þó að ISDN tæknin hafi þótt byltingarkennd á
sínum tíma eru flestir sammála um að hún uppfylli ekki þarfir nútímans.
Markmið ráðstefnunnar var að upplýsa um stöðu fjarskiptamála í dreifbýlinu
út frá sem flestum sjónarhornum og var því fulltrúum fjarskiptafyrirtækjanna,
fulltrúa fjarskiptasjóðs, fulltrúum notenda og fyrirlesurum frá Háskólanum
á Akureyri boðið að kynna sín sjónarmið. Í lokin fengu fulltrúar
stjórnmálaflokkanna að kynna stefnu síns flokks í fjarskiptamálum
dreifbýlisins.
Eyþór Arnalds ráðstefnustjóri setti ráðstefnuna og síðan flutti Sigrún Björk
Jakobsdóttir bæjarstjóri á Akureyri opnunarræðu. Þá hófst dagskráin og riðu
fulltrúar fjarskiptafyrirtækjanna Mílu, Símans, Vodafone og WBS á vaðið.
Fjarskiptafyrirtækin
Eva Magnúsdóttir kynnti starfsemi Mílu en Míla er nýtt fyrirtæki sem stofnað
var nýlega um reksturinn á grunnneti Símans. Hún kynnti einnig fjarskiptanet
Mílu í dreifbýli sem samanstendur af ljósleiðurum og örbylgjusamböndum
víða um land og lagði hún áherslu á að stöðugt sé unnið að endurbótum og
þróun á stofnnetinu.
Sæmundur Þorsteinsson talaði um nýja tækni sem leyst gæti vandamál
dreifbýlisins. Annarsvegar talaði hann um CDMA 450 tæknina sem ætlað
er að leysa gamla NMT kerfið af hólmi en þessi tækni býður ekki eingöngu
uppá talmöguleika heldur einnig gagnaflutningsmöguleika. Hinsvegar talaði
Sæmundur um WiMAX tæknina sem er öflug ný þráðlaus tækni sem svipar til
WiFi tækninnar en hefur það einkum framyfir að geta veitt mikinn gagnahraða
yfir langar vegalengdir. Sæmundur sagði einnig frá árangursríkum tilraunum
Símans með WiMAX tæknina og útreikninga sem sýna fram á að ekki er
mögulegt að veita WiMAX þjónustu í dreifbýli á Íslandi nema með styrkjum.
Pálmi Sigurðsson frá Vodafone sagði frá ADSL IP útbreiðslu fyrirtækisins
á landsbyggðinni. Hann talaði um að forsendur frekari uppbyggingar
á landsbyggðinni væru ódýrari og sveigjanlegri tengingar við bakbein
Ráðstefna um fjarskipti í dreifbýli á Íslandi
haldin á Akureyri 4. maí síðastliðinn
(ljósleiðara og örbylgju) og betra aðgengi að fjarskiptamannvirkjum. Hann
lagði áherslu á að sú fjarskiptatækni sem valin yrði fyrir dreifbýlið yrði að vera
stöðluð og reynd og að samstarf við staðkunna aðila væri nauðsynlegt.
WBS (Wireless Broadband Systems) er nýtt fyrirtæki á íslenska
fjarkskiptamarkaðinum sem nýlega hefur keypt fyrirtækin Emax, Atlassíma
og Hive, en Emax hefur verið umsvifamikið í fjarskiptaþjónustu í dreifbýli á
Íslandi.
Einar Kristinn Jónsson frá WBS sagði mikilvægt að stjórnvöld hugsuðu fram í
tímann og að byggt yrði upp fjarskiptanet sem dygði til framtíðar.
Hann sagði frá því að WBS ætlaði að leggja áherslu á fjórðu kynslóð
fjarskipta. Jafnframt upplýsti hann að fjórða kynslóð byði uppá mikinn
gagnahraða sem gerði það mögulegt að veita þjónustu í dreifbýli svipaða
þeirri sem veitt er í þéttbýlinu í dag.
Sjónarmið notenda
Þá var komið að fulltrúum notenda en þeir voru Jóhanna Harðardóttir frá
Hvalfjarðarhreppi, Hrund Pétursdóttir frá e-sveit á Sauðárkróki og Unnsteinn
Ingason ferðaþjónustubóndi úr Þingeyjarsveit.
Jóhanna talaði um að sökum starfs síns sem blaðamaður væri mikilvægt
fyrir hana að hafa áreiðanlega gagnflutningsþjónustu. Hún sagðist hafa
undanfarin nokkur ár haft aðgang að þjónustu frá Emax en benti á að
nauðsynlegt væri að tenging væri stöðug og ekki væri mikið um bilanir.
Hrund frá e-sveit talaði um mikilvægi þess að bændur hafi góða
fjarskiptamöguleika því að búin eru alltaf að verða vél- og tæknivæddari. Hún
sagði frá því að bændur eigi yfirleitt eingöngu möguleika á ISDN sambandi
sem bæði væri dýrt og svaraði ekki kröfum nútímans. Hún sagði einnig frá að
betra netsamband gæti opnað fyrir margskonar möguleika fyrir bændur, til að
mynda gætu bændur markaðssett sig og sínar vörur beint á Internetinu.
Unnsteinn Ingason ferðaþjónustu bóndi frá Narfastöðum í Þingeyjarsveit
flutti erindi um reynslu sína af WiMAX verkefni Símans og hvernig háhraða
Íslenskt Sveita
Drauma Net
Magnús Hafliðason, varaformaður Ský og
formaður undirbúningsnefndar segir frá
ráðstefnunni