Bændablaðið - 09.07.2015, Blaðsíða 7
7Bændablaðið | Fimmtudagur 9. júlí 2015
essi vísnaþáttur verður,
líkt og sá síðasti, helgaður
framlagi Hjálmars
Freysteinssonar læknis
sem flutt var á margumræddu
hagyrðingakvöldi Karlakórs
Eyjafjarðar. En áður en lengra er
haldið birtist ein af nýrri vísum
Hjálmars, ort í kjölfar lagasetningar
á verkfall hjúkrunarfræðinga
og félaga í BSRB. Gerðardómi
verður svo falið að ákvarða þessum
stéttum réttláta þóknun fyrir sín
störf:
Svona á að sætta menn,
setja á rétta skipan.
Koma að góðu gagni enn
gulrótin og svipan.
Birgir Sveinbjörnsson vitnar
til ummæla Jóns Aðalsteins
Hermannssonar sem telur
ráðherra Framsóknar helst til
holduga. Hvað finnst Hjálmari
um það?:
Þetta nokkuð augljóst er,
allir vita rétta svarið.
Við ráðherrana margt finnst mér
miklu verra en holdafarið.
Um stjórnanda karlakórsins,
Petru Björk, átti að yrkja
sérstaklega. Ekki tókst Hjálmari
þó fullkomlega að láta hennar
nánustu fjölskyldu í friði:
Petra hlýlegt hugarþel
hefur til að bera.
Ort ‘ún hefur um mig vel
sem aðrir sjaldan gera.
Um það bera vil ég vott,
veit af dæmum sönnum,
hún kemur auga á eitthvað gott
í ólíklegustu mönnum.
Birgir innir Hjálmar eftir viðhorfi
hans til múslima:
Eins og hér í Eyjafirði
ætla má þar sé,
misjafn sauður í mörgu fé.
Upplýst var um yfir 100 milljarða
gróða íslenskra banka. Birgir spyr
því hvort Hjálmar kysi frekar að
eiga banka eða stjórna:
Að stýra banka er streð og kvöl,
stoðar lítt að minni hyggju
að eiga von um orlofsdvöl
í einbýli á Kvíabryggju.
Nú, líkt og hinum hagyrðingunum,
þá var Hjálmari fyrirskipað
að hafa viku vistaskipti við
einhvern hinna hagyrðinganna.
Í hlut Hjálmars kom að gegna
húsbóndaskyldum hjá Margréti,
konu Péturs Péturssonar:
Orðbragð mitt ég vanda vil,
vel mun úr þessu greiðast.
Heimilisfólkið má hlakka til
en hrossunum kynni að leiðast.
Í framhaldi biður Birgir um
hestavísu frá Hjálmari:
Hrossin eru fjörug, fögur,
með fulla knapa rata heim.
Aldrei neinar sannar sögur
sagðar heyri ég af þeim.
Þar sem konur verma nú alla
helstu yfirlögreglustóla landsins,
þá spyr Birgir hvað Hjálmari
þyki um það. Hér kaus Hjálmar
„limruhátt“ til að lýsa viðhorfi
sínu.
Löggunni stýra stelpur nú
stuðlar að jafnrétti tíska sú.
Hitt er líka til bóta,
að lög megi brjóta
geri menn það í góðri trú.
Umsjón:
Árni Geirhjörtur Jónsson
kotabyggð1@gmail.com
Líf og starf
Ólafsdalur er merkur sögu- og
minjastaður við sunnanverðan
Gilsfjörð, um 6 km frá veginum
yfir Gilsfjarðarbrúna. Þar var
fyrsti búnaðarskóli Íslands
stofnaður af frumkvöðlinum Torfa
Bjarnasyni árið 1880, fyrir 135
árum. Auk þess er nú 100. ártíð
Torfa (d. 1915).
Samkvæmt uplýsingum frá
Rögnvaldi Guðmundssyni, formanni
Ólafsdalsfélagsins, verður opið
í Ólafsdal alla daga í sumar kl.
12.00-17.00 fram til 16. ágúst.
Umsjónarmenn verða hjónin Elfa
Stefánsdóttir tómstundafræðingur
og Haraldur Baldursson tækni-
fræðingur.
Sýningar eru þar um sögu
Ólafsdalsskólans, konurnar í
Ólafsdal o.fl., en auk þess er
skólahúsið sjálft frá 1896 fallegt
og skoðunarvert. Í sumar verður
þar boðið upp á kaffi, rjómavöfflur
og ís frá rjómabúinu á Erpsstöðum.
Einnig geta gestir fræðst um lífræna
ræktun grænmetis í Ólafsdal og
keypt það á staðnum.
Fræðslustígur er í Ólafsdal
og góðar gönguleiðir í fallegu
umhverfi. Staðurinn er því ein af
þessum perlum á Íslandi sem allir
þurfa að heimsækja.
Hátíð 8. ágúst
Ólafsdalshátíð verður að þessu
sinni haldin laugardaginn 8.
ágúst. Verður dagskráin fjölbreytt
og fjölskylduvæn að vanda;
tónlistaratriði, skemmtun fyrir
börnin, áhugaverð erindi, vandaður
handverksmarkaður og
veitingar. Þá verður lífrænt vottað
Ólafsdalsgrænmeti til sölu og
glæsilegt Ólafsdalshappdrætti.
Nánari upplýsingar um Ólafsdal
má finna á www.olafsdalur.is og
www.facebook.com/Olafsdalur.
Ólafsdalur, perla sem allir þurfa að heimsækja
Þ
MÆLT AF
MUNNI FRAM
133
Hress gönguhópur lífeindafræðinga og fleiri í Ólafsdal.
Séð yfir Ólafsdal.
Sett niður í garðinn 23. maí 2015. Birgir
Ómarsson mundar skófluna.
Torfi Sverrisson Markússonar
Torfa sonar tekur á því.
Há f i i M kú K T fl systk n n ar s arl or ason
Markússonar Torfasonar og Þórey
Sigríður Torfadóttir (Þóra Sigga).
Mæðgurnar
Margét Lára
Rögnvaldsdóttir
og Helga Björg
Stefánsdóttir.