Bændablaðið - 09.07.2015, Blaðsíða 10
10 Bændablaðið | Fimmtudagur 9. júlí 2015
Fréttir
Aka hringveginn á 60 ára gömlum
Farmall Cub á 10 kílómetra hraða
„Við gefum okkur þrjár
vikur til einn mánuð að fara
hringinn í kringum landið,
við förum reyndar ekki hratt
yfir því dráttarvélin getur ekki
farið hraðar en 10 kílómetra
á klukkustund,“ segir Helgi
Guðmundsson úr Sveitarfélaginu
Vogum.
Hann og eiginkona hans, Júlía
Halldóra Gunnarsdóttir, lögðu af
stað nýlega í hringferð um landið
á fimmtíu ára gamalli dráttarvél,
Farmall Cub, sem Helgi gerði upp.
Þau eru með kúrekakerru aftan
í Farmalnum, sem þau gista í.
„Auðvitað erum við snarklikkuð að
gera þetta en það er allt í lagi, okkur
hefur dreymt um að fara hringinn á
þennan hátt og látum þann draum
verða að veruleika. Við stefnum á
að keyra sex klukkutíma á dag og
skiptumst á að vera við stýrið,“ bætir
Helgi við. Þau fá mikil viðbrögð
á vegunum, fólk vinkar þeim og
hvetur þau áfram um leið og það
dáist að frumkvæði þeirra og að
nenna að standa í þessu. „Já, já, fólk
stoppar mikið og spjallar við okkur.
Margir taka ljósmyndir og aðrir
vilja forvitnast um dráttarvélina
og enn aðrir vilja fá að kíkja inn í
kúrekakerruna,“ segir Júlía. /MHH
Hjónin keyra sex klukkutíma á dag og þurfa sífellt að vera að bæta eldsneyti
á vélina því tankurinn tekur ekki nema tólf lítra.
Selasetrið á Hvammstanga hlaut
nýverið sína aðra viðurkenningu
á stuttum tíma frá ferðavefnum
TripAdvisor.
Viðurkenningin, sem nefnist
Certificate of Excellence fyrir árið
2015, er veitt vegna fjölda góðra
umsagna gesta á TripAdvisor.
Á vef Selasetursins segir að
viðurkenningin sé setrinu afar
mikilvæg en TripAdvisor sé vefur
sem ferðamenn nota mikið til að
afla sér upplýsinga um áhugaverða
staði og því áríðandi að umsagnir
séu góðar.
Undanfarin misseri hefur
mikið verið lagt upp úr góðri
upplýsingagjöf hjá Selasetrinu og
einnig er markvisst verið að biðja
gesti um umsagnir á TripAdvisor.
Þetta tvennt hefur leitt til stóraukins
fjölda jákvæðra umsagna. /MÞÞ
Selasetrið fær
viðurkenningu TripAdvisor
Sveitarstjórn Langanesbyggðar
fór á dögunum í heimsókn til
nágranna sinna á Vopnafirði
en megintilgangur ferðarinnar
var að skoða fyrirkomulag á
úrgangsmálum.
Vopnfirðingar hafa þann hátt
á úrgangsmálum að ein tunna
er við hvert hús en miðlægur
flokkunarstaður er í sveitarfélaginu
hvar íbúar koma sjálfir með sitt
flokkaða sorp og setja inn um lúgur
sem merktar eru hverri tegund
flokkaðs heimilisúrgangs. Innan
við lúgurnar er sorp eftir atvikum
baggað og eða sent burt í til þess
gerðum pokum.
Sveitarstjórnarmenn skoðuðu
bæði flokkun og urðun sorps ásamt
því að ræða málin við fólk í héraði.
Einnig skoðaði sveitarstjórnarfólkið
leikskóla og skóla þeirra
Vopnfirðinga. Frá ferðinni er greint
á vefsíðu Langanesbyggðar. /MÞÞ
Sveitarstjórn Langanesbyggðar:
Kynnti sér úrgangsmál í
Vopnafirði
/mynd á vef Langanesbyggðar
Náttúrustofa Vesturlands og
Rannsóknasetur Háskóla Íslands
á Snæfellsnesi standa í sameiningu
fyrir vöktun á bjargfuglum á
Snæfellsnesi og í þremur eyjum
á Breiðafirði. Ákveðnir staðir
eru heimsóttir tvisvar á hverju
sumri, fyrst síðla í júní til að slá
tölu á fjölda varpfugla (hreiðra)
og svo aftur í lok júlí til að meta
varpárangur.
Hér eru myndir úr ferð um
Snæfellsnes í blíðviðri í síðustu viku
en þær má finna á Facebook-síðu
Náttúrufræðistofnunar Vesturlands.
Myndirnar eru teknar á Þúfubjargi
og Lónadrangar sjást í baksýn. /MÞÞ
Vakta bjargfuglinn
Bændablaðið
Kemur næst út
23. júlí
Bændur mislangt komnir
með sláttinn
Bændur á Suðurlandi hafa
almennt farið hægt af stað í
heyskap á þessu sumri, „þeir
eru að bíða eftir meiri sprettu,“
segir Jóna Þórunn Ragnarsdóttir,
fóðurráðgjafi hjá RML á Selfossi.
Hún segir allan gang á því hvar
sunnlenskir bændur eru á vegi
staddir þegar að slætti kemur,
sumir búnir með fyrri slátt, aðrir
ekki byrjaðir og þá eru sumir um
það bil að byrja. Fé var víða á túnum
fram á sumar og tefur það að hægt
sé að hefja slátt. Víða var búið að
slá í Flóanum þegar Jóna Þórunn var
þar á ferð um liðna helgi, eins er þó
nokkuð búið að slá í Landeyjum og
uppsveitum Árnessýslu.
„Það er allur gangur á þessu,
menn eru mislangt komnir eins
og gengur,“ segir hún. Hún segir
nokkra óvissu um hversu mikið
magnið verði, en allt bendi til að
gæðin verði í fínu lagi.
Ekkert byrjað að slá
á Efri-Jökuldal
Sigvaldi Ragnarsson, bóndi á
Hákonarstöðum á Efri-Jökuldal,
segir að ekkert sé farið að slá þar
um slóðir og gerir ekki ráð fyrir að
bændur í Jökuldal hefji almennt
slátt fyrr en eftir 20. júlí og jafnvel
ekki fyrr en undir mánaðamót júlí
ágúst. Það sé um hálfum mánuði
og allt að þremur vikum seinna en
í meðalári.
Fremur kalt hefur verið fyrir
austan, lítill lofthiti, en eftir að
svolítil væta kom á dögunum tóku
tún vel við sér. Gæsir eru í stórum
flokkum á túnum í Jökuldal og
bætir það ekki úr skák, en áður gekk
fé út á túni og veldur hvoru tveggja
töfum. „Það er víða hér um slóðir
gæsamergð á öllum túnum, þær eru
seinar að hafa sig til fjalla, en mér
sýnist vera fararsnið á geldfugli,“
segir Sigvaldi.
Engin sauðfjárbeit er á túnum við
Hákonarstaði, „en fuglinn heldur
okkar túnum alveg niðri, hámar í
sig grasið. En það er ekki öll nótt
úti, við trúum því að ágúst verði
góður og tíð ágæt eitthvað fram í
september, þannig að við örvæntum
ekki ennþá,“ segir Sigvaldi.
Gæðin í góðu lagi
Guðmundur Sigurðsson, ráðu-
nautur á Hvanneyri í Borgarfirði,
segir misjafnt hvar á vegi bændur
séu staddir þegar kemur að heyskap
á þessu sumri. Töluvert hafi verið
heyjað í Borgarfirði.
Víða séu menn langt komnir,
einkum kúabændur, en á
sauðfjárbúum hafi fé lengi verið
á túnum og sé jafnvel enn svo á
þeim bæjum eru menn rétt farnir að
huga að slætti. Gæðin eru að sögn
Guðmundar í góðu lagi.
Hann væntir þess að það sem
af er sumri verði gott, það munaði
t.d. öllu ef háarspretta yrði góð.
„Við treystum því að veðrið verði
gott seinni hluta sumars,“ segir
Guðmundur.
/MÞÞ
Mynd / Benjamín Baldursson.
Mynd / MÞÞ