Morgunblaðið - 29.08.2015, Page 6

6 FRÉTTIRInnlent
MORGUNBLAÐIÐ LAUGARDAGUR 29. ÁGÚST 2015
Í nýrri stiklu fyrir kvikmyndina
Pawn Sacrifice, sem fjallar um
Bobby Fischer og skákeinvígi hans
við Boris Spassky sem fram fór í
Reykjavík 1972, má sjá hvernig að-
standendur myndarinnar hafa end-
urgert Laugardalshöll í kvik-
myndaveri. Atriðið er þó ekki tekið
upp hér á landi, heldur í Kanada,
þar sem stærstur hluti myndar-
innar var kvikmyndaður. Þótt Ís-
land leiki eðlilega töluvert hlutverk
í myndinni stóðu tökur hér á landi
frekar stutt yfir.
Vildi Ed Zwick, leikstjóri
myndarinnar, að allt liti sem eðli-
legast út. Í lokaskákinni tefla þeir
Liev Schreiber og Toby Maguire,
sem leika Spassky og Fischer, á
taflborði sem notað var í einni ein-
vígisskákinni í Reykjavík. Zwick lét
meira að segja búa til nákvæmar
eftirlíkingar af stólunum sem þeir
Spassky og Fischer sátu í á meðan
þeir tefldu.
Kvikmyndin var fyrst sýnd á
kvikmyndahátíðinni í Toronto á síð-
asta ári en verður frumsýnd í
Bandaríkjunum í september. Hún
hefur fengið góða dóma.
Mikið gekk á þegar heimsmeist-
araeinvígið fór fram í Reykjavík.
Fischer mætti ekki á opnunarhátíð-
ina, mætti of seint í fyrstu skákina,
sem hann tapaði, og kom ekki í
aðra skákina. Hann mótmælti nær-
veru sjónvarpsmyndavéla og kvart-
aði undan hávaða frá áhorfend-
um.En á endanum stóð hann uppi
sem sigurvegari; síðustu skákina
gaf Spassky með símtali og í fyrstu
neitaði Fischer að samþykkja lög-
mæti þess og vildi vinna á hefð-
bundnu eyðublaði árituðu af mót-
herjanum. benedikt@mbl.is
Laugardalshöll í Kanada
Ljósmynd/Bleecker Street
Endurgerð Liev Schreiber og Toby Maguire sem Spassky og Fischer.
 Pawn Sacrifice fjallar um skákeinvígi aldarinnar