Morgunblaðið - Sunnudagur - 16.08.2015, Blaðsíða 33
16.8. 2015 MORGUNBLAÐIÐ SUNNUDAGUR 33
*Mesti óvinur þekkingarinnar er ekkifáfræði, heldur þekking byggð áblekkingu.
Stephen Hawking
Vísindamenn við Georgia Tech-
háskólann í Bandaríkjunum hafa
hannað nýtt kerfi til að tölvuteikna
manneskjur að klæða sig í föt. Með
nýja kerfinu munu tölvuleikja- og
teiknimyndapersónur loksins geta
klætt sig í buxur og jakka í sínum
þrívíddar- og tölvuteiknaða heimi.
Ástæður þess að persónurnar
hafa til þessa látið það ógert að
klæða sig fyrir framan áhorfendur
eru ekki síður tæknilegar en list-
rænar, segir í frétt á tæknivefnum
Ars Technica. Mörgum þykir ef-
laust ekki draga til mikilla tíðinda
með þessu nýja kerfi, enda telst
það til fremur hversdagslegra
verkefna að klæða sig, en um afar
flókið verkefni er að ræða fyrir
tölvuteiknara.
„Það næsta sem kemst því að
persóna klæði sig í föt í teiknimynd
er The Incredibles-fjölskyldan að
fara í skikkjur,“ segir vís-
indamaður sem kom að verkefninu.
„Og það er mjög einfalt dæmi, því
að ekki er mikil snerting á milli
persónunnar og flíkurinnar.“
Vandamálið hefur einkum falist í
snertingunni milli tveggja hluta
sem lúta mjög ólíkum lögmálum;
nefnilega manneskju og textílefnis.
Textíll, hár og vatn eru dæmi um
hluti sem lúta lögmálum eðlisfræð-
innar við tölvuteikningu, eða öllu
heldur tölvugerðum eftirlíkingum
af lögmálum eðlisfræðinnar, en
hreyfingar persóna eru alfarið eftir
höfði teiknarans. Áskorunin hefur
falist í að láta þessa tvo þætti
mætast með sem eðlilegustum
hætti.
„Í myndaðu þér að þú sért að
fara í skyrtu,“ er haft eftir öðrum
vísindamanni við Georgia Tech, „þú
reynir ekki að forðast snertingu
eða árekstur við skyrtuna, heldur
reynir að skilja áreksturinn, nota
upplýsingarnar sem fást við
áreksturinn og hreyfa hendina eftir
réttri braut.“
NÝ TÆKNI VIÐ TÖLVUTEIKNINGU
Flíkur og mannfólk lúta ólíkum lög-
málum í tölvuheiminum.
Persónur geta
klætt sig í buxur
„Stærsta ryksuga heims“ er í bígerð
hjá vísindamönnum í Hollandi. Um
eins konar turn er að ræða sem mun
sía loft í menguðum stórborgum.
Óhreinindin verða síðan notuð við
framleiðslu skartgripa.
Úr mengunarmekki í skartgrip
Tæknirisinn Samsung
hóf nýverið sölu
tveggja nýrra snjall-
síma. Heita símarnir
Galaxy S6 Edge+ og
Galaxy Note 5. Báðir
keyra þeir á Android-
stýrikerfi og eru með
5,7 tomma (14,5 cm)
skjá.
Plúsinn í nafni Galaxy
S6 Edge+ símans er meðal
annars til kominn vegna
þess að skjárinn er 0,6
tommun stærri en á fyrri
gerðinni. Einnig er síminn
með einu gígabæti meira
vinnsluminni en forveri sinn.
Rétt eins og fyrri útgáfur á
Note-símanum kemur Galaxy
Note 5 með sérstökum snert-
iskjápenna. Hinsvegar hampar
nýja útgáfan málmlæddum
brúnum og aftan á símanum er
nú glerflötur.
Þá eru ótaldar nokkrar nýj-
ungar sem nýju símarnir luma á.
Til að mynda er sérstakur takki í
myndavélaappinu þeirra sem kveikir
á „beinni útsendingu“, en þannig má
hlaða háskerpumyndböndum beint á
vefinn Youtube og bjóða völdum notendum að
sjá.
Nýju símarnir styðjast líka við hágæða hljóð-
skjalasnið (e. ultra high quality audio format), en
þannig má hlýða á tónlist og aðrar upptökur í
meiri hljómgæðum en á hinu alþekkta MP3-
sniði.
Forskot á Apple
Það sætir tíðindum að Samsung skuli hefja
sölu á nýju símunum svo snemma árs, en
ágúst telst óvenjulegur tími til að kynna
til leiks nýjan snjallsíma. Samsung nær
með þessu hér um bil mánaðar forskoti
á einn helsta samkeppnisaðila sinn,
Apple, en von er á uppfærðum snjall-
síma frá þeim í september. Hinsvegar er
forskotið ekki eins mikið á kínverska
fyrirtækið Xiaomi, en það kynnti alls
óforvarandis til leiks svar sitt við
stóru snjallsímum Samsung, símann
Redmi Note 2, á dögunum.
Þá hafa sumir sérfræðingar klórað
sér í höfðinu yfir ákvörðun Samsung
að hefja ekki sölu á ga-
laxy Note 5
símanum í
Evrópu, en
suðurkór-
eski síma-
risinn segir
það vera af
markaðs-
ástæðum.
Hagnaður
Samsung hef-
ur dregist
saman fimm
ársfjórðunga í
röð, segir á
vef BBC, og
því ef til vill
tími til kominn
að reyna nýja
stefnu. Þó ber
að taka fram að
fyrirtækið er
enn stærsti
framleiðandi
snjallsíma í heim-
inum þrátt fyrir
samdrátt.
TILKYNNA SÍMANA FYRR EN ÁÐUR
Samsung
Galaxy S6
Edge+
Samsung með tvo nýja síma
Samsung Galaxy
Note 5
Ferskt grænmeti sem ræktað er í
geimnum er nú komið á matseðil
geimfara hjá geimvísindastofn-
uninni NASA. 10. ágúst síðastlið-
inn var fyrsti dagurinn í sögu
mannkyns sem landbúnaðarafurð
ræktuð í þyngdarleysi geimsins var
borðuð í geimnum.
„Að rækta mat verður bráð-
nauðsynlegt í löngum geimferðum
framtíðarinnar,“ er haft eftir vís-
indamanni hjá NASA á vef Guardi-
an-fréttaveitunnar. „Þetta er mik-
ilvæg tilraun, ekki einungis fyrir
lífið um borð í geimstöðinni en
líka fyrir geimferðir til Mars í
framtíðinni,“ segir hann.
„Því fjær sem menn fara frá
jörðu og því lengur sem þeir
dvelja í geimnum, þeim mun meiri
verður þörfin á því að rækta
plöntur til matar, til endurvinnslu
loftbirgða og vegna jákvæðra sál-
fræðilegra áhrifa þeirra,“ segir
annar sérfræðingur í fréttatilkynn-
ingu.
Þrír geimfarar nutu fyrsta geim-
ræktaða matarins samtímis og
þótti þeim smakkast vel, en um
rauðleit salatblöð var að ræða.
EINN LÍTILL BITI FYRIR MANNESKJU; EIN RISAVAXIN
MÁLTÍÐ FYRIR MANNKYNIÐ
Rækta og borða kál
í geimnum
NASA ræktar kál í geimnum, sem
mun eflaust koma sér vel á Mars.
Salatátið er nýjasti áfanginn í til-
raun sem nefnist Veg-01 hjá
NASA, en markmið hennar er
meðal annars að kanna möguleika
til grænmetisræktunar í geimnum.
Umrætt kál er ekki það fyrsta
sem ræktað er í geimnum, en
fyrri uppskerur hafa verið sendar
til jarðar til greiningar.