Morgunblaðið - Sunnudagur - 16.08.2015, Blaðsíða 43
Ungmennafélaginu Ármanni á Kirkjubæj-
arklaustri og lætur sig dreyma um að leika
með Barcelona í framtíðinni. Eignaðist meira
að segja búning Evrópumeistaranna meðan
hann dvaldist í Herning.
Spurður um uppáhaldsleikmennina er Lár-
us fljótur að nefna Messi og Neymar og
móðir hans bætir „bitvargnum“ við.
„Suárez,“ flýtir ungi maðurinn sér að
segja til áréttingar.
Lárus sýnir stoltur herbergið sitt en þar
getur að líta myndir af öllum þessum hetjum
og svo auðvitað íslenska landsliðið í fullum
herklæðum. Komið með annan fótinn á EM í
Frakklandi!
Spurð hvort þau Guðbrandur fylgist líka
með knattspyrnu hristir Kristín höfuðið.
„Ekki fyrr en Lárus fékk þennan mikla
áhuga. Það er lítið pláss fyrir annað en hesta
í okkar lífi.“
Fólksfækkun áhyggjuefni
Sitthverju þarf þó að sinna og Kristín kveðst
hafa verið „neydd“ í sóknarnefnd. Það kem-
ur ekki til af góðu, íbúum fækkar stöðugt í
Meðallandi. Nú síðast var næsti nágranni
þeirra, Vilhjálmur Eyjólfsson á Hnausum, að
flytja á hjúkrunarheimili.
„Fólksfækkunin hér er áhyggjuefni, þegar
eldri bændur bregða búi er enginn til að
taka við og jafnvel dæmi um að jarðir séu
ekki einu sinni auglýstar. Við erum utan al-
faraleiðar og finnum fyrir því.“
Spurð hvort þau hjónin hugsi sér jafnvel
til hreyfings svarar Kristín glottandi: „Tja,
Brandur væri löngu farinn ef hann réði.“
Hún viðurkennir að staðsetningin hái sér í
hestamennskunni, hún myndi án efa keppa
meira ef hún byggi nær mótunum. „En á
móti kemur að aðstaðan hér er rosalega góð
– og svo er þetta auðvitað mín sveit.“
Eitt af því sem Kristín saknar er að fara á
fjall á haustin. Það hefur hún ekki gert
vegna anna frá því Svanhildur fæddist. „Mig
dreymir um að fara aftur á fjall og gleðst
alltaf þegar það er rigning. Þá er ég ekki að
missa af eins miklu.“
Hún brosir.
Auglýsir eftir hesti
Með sigrinum í Herning vann Kristín sér
rétt til þátttöku á næstu heimsleikum sem
fram fara í Hollandi eftir tvö ár. Eina vanda-
málið er að nú er hún hestlaus. „Enginn af
okkar hestum verður tilbúinn á svona stórt
mót eftir tvö ár, þannig að ég auglýsi hér
með eftir hesti sem fólk vill fara með á HM!
Það yrði ótrúlega gaman að fara aftur, ég
lærði margt að þessu sinni.“
Viðbrögð þurfa að vera skjót enda má
Kristín engan tíma missa. Æfingar fyrir
næsta HM verða að byrja strax. „Ekki fer
ég að fara út með einhverja bikkju.“
Hún hlær.
Hjónin Guðbrandur og
Kristín með Þrótt frá
Fornusöndum á milli sín.
* Fyrir tveimur ár-um fórum við ífrí til Kanarí og ætli
það sé ekki það lengsta
sem ég hef verið án
hesta á ævinni.
Lárus horfir aðdáunaraugum á móður sína og farandbikarinn og verðlaunapeninginn sem hún fékk fyrir sigurinn í töltinu í Herning.
16.8. 2015 MORGUNBLAÐIÐ SUNNUDAGUR 43