Skólavarðan - 01.09.2007, Blaðsíða 24
24
NÁMSFERÐ TIL FæREYJA
SKÓLAVARÐAN 6.TBL. 7. ÁRG. 2007
Dagana 8.-11. júní sl. fór hópur
kennara úr Grunnskóla Vesturbyggðar
í námsferð til Færeyja. Í hópnum
voru sautján kennarar, þrír makar
og einn stuðningsfulltrúi. „Tilgangur
ferðarinnar var að kynnast færeysku
skólastarfi , skoða þar nýjan skóla og
æfi ngaskólann þeirra og sjá hvort við
gætum ekki lært eitthvað af frændum
okkar í austri,“ segir Helga Gísladóttir
kennari sem hér segir frá.
Ferðin stóð frá föstudegi til mánudags og
komum við út seint á föstudagskvöldi. Þá
var þoka yfi r eins og svo oft í Færeyjum
og sættum við okkur algjörlega við það
enda komin til að skoða skóla. Morguninn
eftir fórum við í Hoyvikarskulan sem er
splunkunýr skóli í Þórshöfn. Þar tók á móti
okkur Birgit Arge og greindi hún frá nýrri
skólastefnu í Hoyvikarskulan. Hann hóf
starfsemi sína sl. haust og skiptist á tvær
byggingar. Í annarri var eingöngu 1. og
2. bekkur og var kennt í opnum rýmum
með um fi mmtíu nemendur saman og tvo
kennara. Einnig var hægt að hólfa rýmið
niður og skipta nemendum upp eftir
verkefnum. Þetta var mjög bjart og glaðlegt
rými og auðséð að mikil vinna hafði farið
fram í vetur. Þarna fengu margir góðar
hugmyndir sem gætu gagnast okkur.
Þetta var á laugardagsmorgni þannig að
engir nemendur voru í skólanum.
Við fórum svo yfi r í hina bygginguna
og skoðuðum aðstöðuna. Þar fengum
við kaffi og meðlæti og Torfi nn Höjgaard
frá Kennarasambandi Færeyja (Föroya
Lærarafelag) hélt fyrirlestur um starfsemi
þess. Þar komumst við að því að félagar í
KF eru einungis þeir sem hafa réttindi til
kennslu og eru ekki nema um 650 talsins.
Þeir fá ekki styrk til námsferða erlendis
né fá þeir árs orlof á launum eftir tíu ára
starf eins og við hér á Íslandi þannig að við
vorum nokkuð ánægð með stéttarfélagið
okkar eftir þessar upplýsingar. Hins vegar
eru launin um þriðjungi lægri hjá okkur.
Seinnipartinn náðum við að skoða
bæinn aðeins og fara út að borða á
veitingastaðnum Gourmet sem er nýr
og fínn staður í miðbæ Þórshafnar. Um
kvöldið fórum við á dansæfi ngu hjá
Havnardansifélaginu og fengum að dansa
með þeim færeyska þjóðdansa sem var
mjög skemmtileg upplifun.
Sunnudagurinn fór í landsbyggðarferð
og fórum við í rútu með fararstjóra um alla
Austurey og Straumey í glaða sólskini og
hita. Náðum við að sjá alla markverðustu
staði og smakka á þjóðlegum réttum eins
og skerpuketi, spiki og grind. Flestir báru
sig vel og gerðu veitingunum góð skil.
Við skoðuðum m.a. Kirkjubæ þar sem
við sáum elsta timburhús í heimi sem enn
er búið í (frá 12. öld) og var okkur boðið þar
inn í hádegismat. Þar býr 17. ættliður og
sagði hann okkur merkilega sögu staðarins
frá upphafi sem tengist trúarbragðasögu
þeirra og okkar og samskiptum við Dani.
Einnig er þar ævaforn dómkirkja sem var
byggð 1111 og er að hruni komin en verið
er að reyna að halda henni við. Það var
mjög sérstök upplifun að koma á þennan
sögufræga stað.
Við höfðum mjög góðan fararstjóra,
Davíð Samúelsson (davidsam@eyjar.is) sem
við vorum búin að vera í sambandi við og
hann kom okkur svo í samband við kennara
Færeyjaferð kennara
úr Vesturbyggð
Félagar í KF fá ekki styrk til námsferða erlendis né fá
þeir árs orlof á launum eftir tíu ára starf eins og við
hér á Íslandi þannig að við vorum nokkuð ánægð með
stéttarfélagið okkar eftir þessar upplýsingar. Hins vegar
eru launin um þriðjungi lægri hjá okkur.
og kennarasambandið í Færeyjum. Við
vorum því búin að vera í netsambandi við
kennarana í Venjingarskulen í vetur og
undirbúa ferðina vel.
Í Færeyjum byrja krakkar sjö ára í
skólanum og eru í 1.-9. bekk og því einu
ári skemur en hér á Íslandi.
Á mánudagsmorgni fórum við í
Allur hópurinn fyrir framan Venjingarskulan
í Þórshöfn.
Helga Gísladóttir (greinarhöfundur), Katrín
Gullbein sem undirbjó komu kennaranna
út og Nanna Sjöfn Pétursdóttir skólastjóri
Grunnskóla Vesturbyggðar.
Kristín G.B.Jónsdóttir, Rannveig Haralds-
dóttir og Gústaf Gústafsson sitja og njóta
góða veðursins í Kirkebö (Kirkjubæ) þar
sem gamla dómkirkjan er og öll gömlu
húsin.
Lj
ó
sm
y
n
d
ir
f
rá
h
ö
fu
n
d
i