Skólavarðan - 01.12.2008, Side 9

ÁFRAM KENNARAR
9
SKÓLAVARÐAN 7.TBL. 8. ÁRG. 2008
Næsti samráðsfundur heildarsamtakanna
og vinnuveitenda var 11. desember en hann
var ekki runninn upp þegar blaðið fór í
prentun. Í fréttabréfi til félagsmanna sagði
Eiríkur Jónsson formaður KÍ um samstarfið
við aðra aðila vinnumarkaðarins og gildi
þess: „Það er mikilvægt að KÍ sé með í starfi
af þessu tagi og hafi með því áhrif á það
sem kann að gerast en sitji ekki hjá sem
áhorfandi. Þetta merkir ekki að sjálfgefið
sé að fulltrúar KÍ verði sammála öllu sem
fram kemur eða að þetta samstarf leiði til
heildarlausnar. Ef einhvern tíma hefur hins
vegar verið ástæða til að samstilla kraftana
þá er það við aðstæður eins og nú ríkja í
efnahagsmálum.“
Fundur með fulltrúum ríkisstjórnar
Fulltrúar aðila vinnumarkaðarins voru boð-
aðir á fund fjögurra ráðherra ríkisstjórn-
arinnar þann 28. nóvember. Þar var farið yfir
ýmiss mál sem talið er mikilvægt að vinna
að á næstu mánuðum. Meðal annars var
rætt um markmið í komandi kjaraviðræðum,
aðgerðir til að létta greiðslubyrði lána, horfur í
atvinnumálum, slæma fjárhagsstöðu margra
heimila og fyrirtækja sem og fjárhagsvanda
ríkis og sveitarfélaga. Ekki fékkst niðurstaða
á fundinum en aðilar munu halda áfram
að ræða saman og hugsanlega setja á fót
smærri vinnuhópa til að vinna að einstaka
málaflokkum.
Kjarasamningar gilda
Mikilvægt er að félagsmenn viti að gildandi
kjarasamningar eru óbreyttir og eftir þeim
verður greitt. Ekki er heimilt að lækka
laun samkvæmt kjarasamningi eða ákveða
einhliða að umsamdar hækkanir komi ekki til
framkvæmda. Einstaklingar hafa ekki heldur
heimild til að selja vinnu sína fyrir lægri laun
en lágmarkssamningar segja til um. Þannig
geta einstaklingar hafnað því að setjast að
samningum um lækkun grunnlauna þar
sem samningur um slíkt væri ólöglegur þó
svo hann væri gerður. Öðru máli gegnir ef
um yfirborganir er að ræða, þ.e. hærri laun
en grunnsamningur segir til um. Slíkar
greiðslur er heimilt að semja um samkvæmt
sérstökum reglum.
Samningum FL og FT vegna ársins 2008 er
enn ólokið þegar þetta er skrifað en vonandi
verður þeim lokið þegar Skólavarðan berst
lesendum. Núverandi samningar þessara
félaga eru því þeir lágmarkssamningar
sem greiða ber eftir og óheimilt að greiða
laun undir þeim töxtum sem þar er samið
um. Engu breytir þótt samningarnir séu
útrunnir.
Að sögn Eiríks Jónssonar er margt fleira
að á döfinni á vegum Kennarasambandsins
en hér er reifað. „Við vitum að margt er óljóst
um framtíðina og meðal annars þess vegna
hefur forysta KÍ tekið þá afstöðu að vera
með í því samráði sem nú á sér stað milli
aðila á vinnumarkaði,“ segir Eiríkur. „Þannig
gefst að mati forystunnar færi á að leggja
gott til málanna og reyna að standa vörð um
hagsmuni félagsmanna KÍ, skólanna og þar
með þjóðarinnar allrar í þeim erfiðleikum
sem nú steðja að.“
Staða sjóða KÍ og aðildarfélaga í ljósi
atburða síðustu mánaða
Skrifstofu KÍ hafa borist fyrirspurnir frá
félagsmönnum um stöðu sjóða KÍ og að-
ildarfélaga þess í kjölfar yfirtöku ríkisins á
stóru bönkunum þremur. KÍ er með mest
af sínum viðskiptum hjá BYR og að stórum
hluta á venjulegum innlánsreikningum með
góðri ávöxtun.
Hluti af eignum Vinnudeilusjóðs hefur
verið í eignastýringu hjá öðrum innláns-
stofnunum. Óvíst er með þann hluta eigna-
stýringarinnar sem fjárfest hefur í sjóðum
sem ekki hafa verið gerðir upp. Samkvæmt
upplýsingum 6. nóvember er staða sjóða
sem hér segir:
Félagssjóður KÍ: Allt tryggt.
Endurmenntunarsjóður FG/SÍ: Allt tryggt.
Vísindasjóður FF: Allt tryggt.
Sjúkrasjóður KÍ: Allt tryggt.
Vísindasjóður FL: Allt tryggt.
Endurmenntunarsjóður FT/FÍH: 86%
tryggð. 14% óvíst.
Vinnudeilusjóður: 52% tryggð, 23% nokkuð
tryggð, 11% óvíst, 13% líklega tapað og/
eða tapað.
Í heildina eru um 86% af fé KÍ og sjóða
tryggð og ólíklegt að tap verði meira en
14%.
Ljúka þarf samningum og hefja síðan
viðræður um þróun kjaramála
Kennarasambandið sendi ásamt öðrum
launþegasamtökum frá sér eftirfarandi yfir-
lýsingu þann 26. nóvember sl.:
Yfirlýsing frá ASÍ, BSRB, BHM og KÍ
Fulltrúar ofangreindra samtaka launafólks á
Íslandi lýsa eindregnum vilja til að hefja sam-
eiginlega viðræður við viðsemjendur sína
um þróun kjaramála á komandi misserum.
Samtökin árétta þá sameiginlegu afstöðu
sína að forsenda þess að slíkar viðræður
hefjist er að áður verði lokið samningum við
félög sem nú eru með lausa samninga eða
samninga sem losna á næstu dögum.
Góð menntun er grunnstoð samfélagsins og
gildi hennar verður ekki metið til fjár. Í því
umróti sem nú stendur yfir er áframhaldandi
öflug menntun landsmanna mikilvægasta
auðlind þjóðarinnar.