Skólavarðan - 01.12.2008, Blaðsíða 30
30
SKÓLAVARÐAN 7.TBL. 8. ÁRG. 2008
SMIÐSHöGGIÐ
Á þessu ári samdi A4 Skólavörubúðin við fyrirtækið Sunflower Learning
um dreifingu á öllum kennsluforritum þeirra á Íslandi. Forritin eru notuð í
rúmlega þriðjungi allra grunnskóla á Bretlandi og um allan heim, og þau
hafa hlotið margvíslegar viðurkenningar, m.a. BETT og ERA verðlaunin.
Ástæðan fyrir því er einföld að sögn Óskars Sigurðssonar hjá A4: „Forritin
falla vel að náms- og kennsluefni í náttúruvísindum á grunnskólastigi.“
Skólavarðan fékk Óskar til að kynna þessi nýju námsgögn fyrir
lesendum.
Um er að ræða tuttugu og sex marg-miðlunarforrit sem henta vel með til
dæmis rafrænum skólatöflum. Þau skiptast í fjóra flokka, líffræði, efnafræði,
eðlisfræði og loks þrjú verkfæraforrit sem skerpa skilning nemenda á efninu
enn frekar.
Forritin auðvelda nemendum að skilja erfið hugtök innan náttúruvísinda
og hjálpa þeim að framkvæma einfaldar sýndartilraunir í tengslum við ýmis
flókin fyrirbæri raunheimsins. Forritunum fylgja margs konar sýnidæmi,
fjölmargar spurningar og 138 vinnublöð. Hér er um að ræða auðvelt
og sveigjanlegt efni sem styrkir í senn náttúrufræðikennslu og glæðir
námsáhuga nemenda.
Forritin henta:
• Kennurum við notkun upplýsinga- og tölvutækni.
• Kennurum með ólíka og mismikla reynslu í kennslu náttúruvísinda.
• Nemendum, bæði í einstaklingsnámi og í hópvinnu.
• Áhugasömum foreldrum og öðrum sem vilja kynna sér heim
náttúruvísinda.
Í umsögn Stefáns Bergmann, dósents í líffræði og umhverfismennt við HÍ,
um líffræðiforritin frá Sunflower Learning segir meðal annars: „Sunflower
efnið er vandað og áhugavert. Það opnar leiðir til fjölbreyttari kennsluhátta
bæði hvað varðar notkun tölva við nám og nútímalega hugsun um nám og
kennslu í náttúrufræði. Það opnar kennara leiðir til að fylgja slíku enn frekar
eftir í kennslu sinni. Mér virðist það vera vel þegin viðbót og geti haft jákvæð
áhrif á þróun kennsluhátta.“
Sunflower forritin hafa verið þýdd á íslensku fyrir tilstuðlan Óskars
Sigurðssonar vörustjóra náms- og kennslugagna í A4 og í haust var
undirritaður samstarfsamingur um skólaþróunarverkefni á milli Álfta-
nesskóla og A4 Skólavörubúðarinnar um notkun þeirra. Samningurinn
er til tveggja ára og er markmið hans að styrkja kennsluna með þessum
viðurkenndu verðlaunaforritum sem eru í samræmi við áherslur í
náttúrvísindum samkvæmt Aðalnámskrá grunnskóla, stuðla að bættum
kennsluaðferðum og betri árangri nemenda og verða öðrum skólum til
fyrirmyndar á þessu sviði.
Hægt er að kaupa einstök forrit, svokölluð skólaleyfi, heilan forritaflokk
með skólaleyfi eða alleyfi eða öll forritin með skóla- eða allleyfi. Skólaleyfi
verða afgreidd á CD-ROM en alleyfin eru netleyfi og eru til dæmis sett upp
á innra neti skóla.
Óskar Sigurðsson
Sveinbjörn M. Njálsson skólastjóri Álftanesskóla og Óskar
Sigurðsson vöru- og verkefnastjóri A4 Skólavörubúðarinnar
takast í hendur að undirritun lokinni. Á vinstri hönd er Erna
I. Pálsdóttir aðstoðarskólastjóri og á hægri hönd er Gauti
Eiríksson kennari í náttúruvísindum við skólann.
Ítarlýsingar á einstökum Sunflower Learning
forritum má finna á www.a4.is eða www.
skola.is undir: Skólinn-Kennslubúnaður-
Náttúrufræðigögn-Sunflower forrit.
Upplýsingar varðandi kaup og sölu á
Sun-flower Learning forritunum veitir
Óskar Sigurðsson vörustjóri náms- og
kennslugagna oskar@a4.is
Sólblómanám
Verðlaunuð kennsluforrit í náttúruvísindum