Skólavarðan - 01.12.2008, Síða 26

26
NÁMSKEIÐ, ÁLYKTUN
SKÓLAVARÐAN 7.TBL. 8. ÁRG. 2008
Félag fagfólks á skólasöfnum lýsir yfir mikilli óánægju
með að ákvæði um skólasöfn skuli hafa verið fellt úr nýjum
grunnskólalögum.
Í lögunum frá 1995 segir: „Í hverjum grunnskóla skal vera skóla-
safn. Skólasafn er eitt af meginhjálpartækjum í skólastarfinu
og skal búnaður safnsins varðandi húsnæði, bókakost, önnur
námsgögn og starfsfólk taka mið af því “ (nr. 66, 54. gr, .).
Ekkert í starfi grunnskólanna kallar á að ákvæði þetta sé fellt út.
Miklu heldur hefur mikilvægi skólasafnanna aukist. Í dag telst
skólinn allur heildstætt námsumhverfi og skólasafnið mikilvægur
miðpunktur alls starfs þar. Þar fer fram fjölbreytt starf sem
tengist öllu námi nemenda. Þar er miðstöð þekkingar í skólanum,
aðstaða til upplýsingaleitar í bókum og tölvum, og nemendur
jafnt sem kennarar fá þar aðstoð við margs konar verkefni og
úrvinnslu.
Ýmis konar lestrarhvatning er einnig stór hluti af starfi safn-
anna og gott skólasafn getur mótað lestrarvenjur og lestrarlöngun
nemenda.
Félag fagfólks á skólasöfnum telur afar mikilvægt að laga-
ákvæði séu til staðar varðandi tilurð skólasafna. Að öðrum kosti
er hætt við að á tímum samdráttar verði ekki nægjanlega hlúð að
þeirri mikilvægu starfsemi sem þar fer fram. Því leggur félagið
til að við endurskoðun nýrra laga öðlist skólasöfnin aftur fyrri
stöðu og að lagagrein sambærileg 54. grein laga 66/1995 verði
þar að finna.

Félag fagfólks á skólasöfnum
Félag stjórnenda í framhaldsskólum, FS,
gekkst fyrir námskeiði í jafningjastjórnun
í Keflavík dagana 3.-4. nóv. sl. Námskeiðið
var ágætlega sótt enda efnið spennandi.
Stjórnendur í íslenskum framhaldsskólum
eru flestir kennarar með langa kennslureynslu
en hafa fæstir stjórnunarmenntun. Þeir fá
almennt enga sérstaka þjálfun í að skapa
góðar vinnuaðstæður, leysa vandamál
eða tileinka sér ákveðna stjórnunarhætti.
Það er því veruleg þörf meðal stjórnenda
fyrir þjálfun í stjórnun og samskiptum,
sjálfsstyrkingu, hvatningu og endurgjöf.
Markmið námskeiðsins var að efla þessa
þætti hjá stjórnendum með fyrirlestrum
og hópverkefnum. Eyþór Eðvaldsson,
vinnusálfræðingur hjá Þekkingarmiðlun,
fór á kostum, hann fjallaði um hvað
jafningastjórnun eða sérfræðingastjórnun
væri og ræddi meðal annars um góða og
slæma ákvarðanatöku, mistök og ágreining
á vinnustað. Hann lét til dæmis hvern
og einn æfa hagnýta spurningatækni og
hlustun, leysa úr dæmigerðum vandamálum
við tilbúnar aðstæður og kryfja eigin
stjórnunarstíl.
Að þessu loknu stormaði hópurinn yfir
í næsta bæjarfélag þar sem byggðasafnið
var heimsótt en síðan biðu dýrindis
veitingar á bæjarskrifstofunum þar sem
Oddný Harðardóttir, fyrrverandi aðstoðar-
skólameistari Fjölbrautaskóla Suðurnesja,
er bæjarstjóri. Að dagsverki loknu var
hátíðarkvöldverður á Hótel Keflavík með
tilheyrandi ræðuhöldum og gamanmálum.
Að morgni þriðjudags héldu tveir félagsmenn
fróðleg erindi. Ólafur H. Sigurðsson í FÁ
sagði frá námi sínu í Ástralíu og upplifun
af skólakerfinu þar. Hann fjallaði m.a. um
framlög þarlendra til menntamála, of litla og
hæga endurnýjun skólameistara, ofurtrú á
mælikvarða og um ákvarðanatöku í skólum.
Sigurrós Erlingsdóttir í MS fjallaði um
markvissar heimsóknir í kennslustundir og
aðkomu stjórnenda að þeim en ávinningur
slíkra heimsókna er meðal annars að rjúfa
einangrun kennara og safna gögnum un
hvernig nám og kennsla fer fram.
Þótt það væri gaman á námskeiðinu sótti syfja
að sumum! Ljósmyndari: Sigurrós Erlingsdóttir.
Það voru sælir FS-menn sem héldu til
síns heima á þriðjudaginn, fullir eldmóðs
og vinnugleði. Félagið stefnir að því að
halda slík námskeið a.m.k. einu sinni á
ári og helst að komast í skólaheimsóknir
erlendis annað hvert ár en slíkar ferðir
eru eins og vítamínsprauta fyrir störfum
hlaðna stjórnendur sem hafa lítið svigrúm til
endurmenntunar.
Steinunn Inga Óttarsdóttir, ritari FS
Stjórnendur í framhaldsskólum á skemmtilegu námskeiði
Engjateigi 5 • Sími 581 2141
Ályktun um
skólasöfn