Skólavarðan - 01.09.2012, Síða 40

40
Skólavarðan 1. tbl. 2012
Höfn í Hornafirði væri.Hún sagðist svo sem ekki ætla að viðstaddir
væru svo fávísir í landafræði að vita ekki hvar Hornafjörður væri
heldur gerði hún það til að sýna að Hornafjörður væri jaðarbyggð
bæði á Austur- og Suðurlandi. Þannig hefðu íbúar þar þurft að bjarga
sér í fámennu samfélagi og byggja upp. Ragnhildur fjallaði svo um
lærdómssamfélagið á Höfn. „Ef við ætlum að sjá samfélag, sem
býður upp á menntun í þágu fólksins og í þágu samfélagsins, þá
þarf menntun að vera sjálfsagður hluti af samfélaginu allan ársins
hring og við þurfum að skapa aðstöðu til þess með misjöfnum hætti,
á misjöfnum stöðum og á misjöfnum tímum,“ sagði Ragnhildur.
Hún bætti við að menntun væri lykill að öflugu atvinnulífi, öflugum
einstaklingum og öflugu samfélagi. „Við á Hornafirði gerðum okkur
grein fyrir því að ef við ætluðum að lifa eftir þessari sannfæringu, að
menntun skipti máli, þá þyrftum við að skapa samfélag sem byði upp
á menntun í þágu fólksins sem býr þar og í þágu samfélagsins en ekki
í einhverjum kerfum. Við fórum að að tala saman en orð eru til alls
fyrst. Við rákumst víða á veggi. Þarna eru margir stórir kassar. Við
ætluðum að fá einhverjar samræmdar leiðir inn í öll skólastig í þessu
litla samfélagi. Það gekk ekki og ég spyr, höfum við efni á að raða
okkur inn í svona kassa?“ sagði Ragnhildur og átti við að fjármagnið
væri alls staðar njörvað niður eftir skólastigum, sveitarfélögum og
ríki. Þannig væri erfitt fyrir lítil samfélög að veita þjónustu á öllum
skólastigum, frá leikskóla upp í háskóla en samt væri þetta hægt með
nútíma tækni. „Við þurftum því að komast út úr þessum kössum,“
sagði hún. Ragnhildur sagði nýsköpunarmiðstöðina Nýheima á Höfn
mikilvæga. „Þegar þessar snilldar námskrár komu út sáum við tækifæri
til að sækja um til Sprotasjóðs og fá verkefni inn í Nýheima sem tengir
saman öll menntastig. Við mynduðum stýrihóp með stjórnendum allra
þessara fræðslustiga og réðum verkefnisstjóra, Sigurð Mar Halldórsson
kennara. Í vetur ætlum við okkur að mynda sex hópa með fulltrúum
úr öllum skólum og skólastigum. Þar á að ræða hvernig við getum
unnið saman að þessu verkefni. Við fáum hjálp utan skólanna við
þessa vinnu. Við ætlum að tala okkur niður á sameiginlega niðurstöðu.
Lokamarkmiðið er að við verðum með sáttmála um skólastefnu
sveitarfélagsins Hornafjarðar,“ sagði Ragnhildur Jónsdóttir.
Heilsuefling skiptir máli
Magnús Þorkelsson, aðstoðarskólameistari Flensborgarskóla, fjallaði
um heilbrigði og velferð í skólastarfi. Hann útlistaði þá stefnu sem
Flensborg hefði tekið í heilsueflingu og hollustu. „Við fengum
þetta nýja hús árið 2006 og þá byrjuðum við á að endurskipuleggja
mötuneytið og sex árum seinna er sjoppan horfin úr nágrenninu.“ Hann
sagði öllum ljóst að heilsuefling skipti máli enda vellíðan mikilvæg
í námi. „Við byrjuðum með aðlögun að þessu árið 2009 og vorum
komin af stað með þetta að fullu árið 2010. Verkefnið Heilsueflandi
skóli felst í fjórum þemum; næringu, hreyfingu, geðrækt og lífstíl.
Nú erum við á þriðja árinu og ætlum sannarlega að rækta geð okkar
á 130 ára afmælisári skólans en við miðum afmæli skólans við
stofnun alþýðuskóla hér í Flensborg árið 1882.“ Fyrsta árið í þessu
verkefni Flensborgarskólans snerist um næringu, settar voru upp
fræðslusýningar í skólanum, bæði í anddyri og á bókasafni. Þá var
hafin breyting á mötuneyti og Magnús sagði starfsmenn hafa verið svo
heppna að fá að vinna með Lýðheilsustöð að gerð handbókar þannig
að þeir hafi í raun verið búnir að ná öllum sínum markmiðum fyrr en
til stóð og því hefði þurft að setja ný. Hreyfingin kom svo á öðru ári og
hófst með almenningshlaupi, sem upphaflega átti einungis að vera með
þátttöku nemenda og kennara en áhuginn var svo mikill utan skólans
að um 300 hlauparar mættu. „Þeir hlupu í átt að Kaldárseli og rötuðu
allir til baka.“ Í framhaldi af því var svokallað Lífshlaup sett af stað í
samstarfi við ÍSÍ. „Stærsta verkefnið var svo í samvinnu við aðra skóla
í bænum og kallaðist Hafnarfjörður á iði. Við settum síðan saman
gönguleiðakort sem er hér úti á plani.“ Magnús sagði öll þessi þemu
hafa beina vísun í grunnþætti námskrár. Á næsta ári er þemað lífstíll
og segir Magnús að án efa verði jafn gaman að takast á við það eins og
verið hafi með hin þrjú. Þemun fjögur eiga svo að rúlla áfram næstu
árin.
Við fengum þetta nýja hús árið 2006 og
þá byrjuðum við á að endurskipuleggja
mötuneytið og sex árum seinna er
sjoppan horfin úr nágrenninu.
Ráðstefnugestir í Flensborgarskóla skiptu hundruðum. Magnús Þorkelsson.
námsKRáRnAR