Frón - 01.01.1943, Qupperneq 12

6
Sigfús Blöndal
GuSmundur Björnsson hóf umræður. Hann var líklega bezt máli
farinn allra stúdenta, sem þá voru í Höfn. Flestum ræðumönnum
þótti læknaskólinn óhafandi eins og hann var á þeim tímum.
í marzmánuði er rætt um s t o f n u n 1 a g a s k ó 1 a, og er það
Sigurður Pétursson frá Sjávarborg, sem hefur máls á því. Voru
flestir samdóma honum í því að brýn þörf væri á innlendri
lagakennslu. Á þeim fundi las aðalskáld okkar yngri stúdenta
Porsteinn Gislason upp kvæði. Á aprílfundinum (V4) heldur
Helgi Pétursson (Dr. Helgi Péturss) fyrirlestur um jarðfræði
1 s 1 a n d s, en Bjarni Jónsson frá Vogi les upp kvæði. Ávarp
var þá sent til íslandsvinarins Konráðs von Maurer, sem um það
'leyti varð sjötugur.
Dagbók mín 1893 endar 30. maí á því að þá var haldið
samsæti í Lassens Lokaler, St. Annæplads 13, til að kveðja þá
bræður Dr. Þorvald Thoroddsen, sem hafði dvalið hér um
veturinn, og bróður hans Sigurð Thoroddsen, sem þá hafði nýlega
tekið verkfræðingspróf og fór nú til Islands ásamt bróður sínum.
Eggert Briem tók líka próf þá nokkru síðar um vorið og fór
heim, en ég hef ekki skráð neitt um kveðjusamsæti honum til
handa, — enda liklega þá ekki í borginni.
Á aðalfundi 2. febr. 1894 verða stjórnarskipti. Formaður
er kosinn Þorlákur Jónsson, skrifari Sigurður Pétursson frá
Ánanaustum og gjaldkeri Magnús Sæbjörnsson. í varastjórn eru
kosnir: varaformaður Sæmundur Bjarnhéðinsson, ég varaskrifari
og Jón Hermannsson (siðar tollstjóri í Reykjavik) varagjaldkeri.
28. marz er rætt um útgáfu islenzkra alþýðurita.
17. apríl eru þeir Guðmundur Hannesson og Magnús Jónsson
(síðar sýslumaður) kvaddir. 19. apríl held ég svo fyrirlestur um
Walter Scott. Dr því ég minnist á Scott get ég ekki
annað en tilfært gamanvísu um sjálfan mig. Um þær mundir
voru gerðar gátur um flesta stúdenta, og voru flestar vísurnar
eftir okkur Þorstein Gíslason. Út af Scott fékk eg þessa vísu:
Hver er einn, sem ástir flýr,
alltaf tómri grísku spýr,
þykir tyrkneskt tóbak gott
og trúir á hann Walter Scott?
og hvað sem hinu líður hef ég alltaf haldið tryggðum við þann
ágætismann. 12. maí var haldinn skemmtilegur skógartúr. Við
fórum með járnbraut til Lyngby, gengum til Frederiksdal eftir