Morgunblaðið - 18.11.2015, Blaðsíða 14

14 FRÉTTIRInnlent
MORGUNBLAÐIÐ MIÐVIKUDAGUR 18. NÓVEMBER 2015
Mest seldu ofnar
á Norðurlöndum
Birkir Fanndal
Mývatnssveit
Það var guðsþjónusta í Reykjahlíð-
arkirkju á sunnudaginn. Áður en at-
höfnin hófst var Álfdís Sigurgeirs-
dóttir, Dísa, búin að ræsta og taka til
í kirkjunni, draga fána að húni og
kveikja á kertum á altarinu svo sem
hún hefur gert fyrir allar athafnir í
kirkjunni síðan 1993 eða í 22 ár en þá
tók hún að sér að sjá um kirkjuna,
komin á eftirlaunaaldur.
Þannig var allt ofur venjulegt við
aðdraganda þessarar kirkjuathafnar
nema eitt, sem sé það að það var 90
ára afmælisdagur Dísu.
Hún hafði ætlað sér að vera að
heiman á afmælinu sínu en af því að
messudagur var löngu ákveðinn og
kórinn kominn með nýjan stjórn-
anda, organistann Jörg Sonder-
mann, kom ekki annað til greina af
hennar hálfu en að standa sína plikt.
Hún vissi samt ekki fyrr en í lok
messunnar að söfnuðurinn vildi láta
hana finna ofurlítinn þakklætisvott
og hafði af því tilefni verið undirbúin
afmælisveisla í fordyri kirkjunnar
Dísu til heiðurs, strax að lokinni
messu.
Sóknarpresturinn Örnólfur J
Ólafsson og formaður kirkjukórs
Mývatnsþinga, Ásdís Illugadóttir,
ávörpuðu afmælisbarnið og þökkuðu
hennar einstaka framlag við kirkj-
una.
Við Reykjahlíðarkirkju er auk
hefðbundins safnaðarstarfs mjög
öflugt tónleikahald og fjölmargir
listamenn sem njóta þá fyrirgreiðslu
og leiðsagnar Dísu. Hjálpsemi henn-
ar er viðbrugðið og þrekið er ein-
stakt.
Álfdís Sigurgeirsdóttir fæddist á
Skinnastað í Öxarfirði, dóttir
hjónanna Sigurgeirs Þorsteinssonar
og Aðalbjargar Stefánsdóttur. Hún
fór barnung í Syðri-Neslönd í Mý-
vatnssveit á heimili föðurbróður
síns, þar sem hún átti heimili í yfir
40 ár. Dísa byggði sér einbýlishús í
Reykjahlíð 1971 og hefur átt þar
heimili síðan.
Morgunblaðið/Birkir Fanndal
Ljós Álfdís Sigurgeirsdóttir tendrar ljósin á altari Reykjahlíðarkirkju.
Óvænt afmælis-
veisla í kirkjunni
 Hefur séð um Reykjahlíðarkirkju í 22 ár
Viðar Guðjónsson
vidar@mbl.is
Héraðsdómur Reykjavíkur dæmdi á
föstudag manni fullar miskabætur,
eða um 840 þúsund krónur, sem
slasaðist þegar hann gekk úr sam-
kvæmi í heimahúsi í Reykjavík í
nóvember fyrir tveimur árum.
Maðurinn var með frítímaslysa-
tryggingu en vátryggingafélagið
Sjóvá neitaði að greiða honum bæt-
ur sökum þess að hann var ölvaður
þegar slysið átti sér stað.
Málsatvik voru þau að maðurinn
stóð í innkeyrslu og var að skima
eftir leigubíl sem ekki sást nægilega
vel þar sem hann var í hvarfi. Mað-
urinn rak sig í kant sem liggur á
milli tveggja innkeyrslna og féll
fram fyrir sig inn á samliggjandi
innkeyrslu sem lá um einum metra
neðar en innkeyrslan sem hann stóð
í. Segir í dómsskjölum að fallið hafi
verið ½ -1 metri og að maðurinn hafi
brotið hálshrygg. Var læknisfræði-
leg örorka mannsins metin 15%.
Þá segir að talsvert magn áfengis
hafi mælst í blóði hans. Sjóvá hafn-
aði bótaskyldu í málinu þar sem
fyrirtækið taldi að ölvun mannsins
hefði verið höfuðorsök fallsins.
Áður en málið kom til kasta hér-
aðsdóms hafði úrskurður Úrskurð-
arnefndar vátryggingamála fallið
manninum í hag en Sjóvá hafnaði
niðurstöðunni. Héraðsdómur dæmdi
hins vegar manninum í hag, m.a.
með þeim rökum að aðstæður á slys-
stað hefðu verið varasamar auk þess
sem skuggsýnt var vegna þess að
atvikið átti sér stað á miðnætti í
nóvember og ekki þótti sýnt fram á
að ölvun hefði orsakað óhappið.
Axel Axelsson, lögmaður manns-
ins, telur að dómurinn hafi for-
dæmisgildi. „Það er allt of algengt
að vátryggingafélög felli niður eða
takmarki bætur einungis með vísan
til ölvunar vátryggðs án þess að
sýnt sé fram á orsakatengslin þar á
milli. Þar af leiðandi hvet ég alla þá
sem verða fyrir því að vátrygginga-
félag hafni fullri bótaskyldu vegna
ölvunar viðkomandi, að leita til lög-
manns og kanna rétt sinn,“ segir
Axel.
Fullur maður fékk
fullar miskabætur
 Féll í samliggjandi innkeyrslu  Ölvun ekki höfuðorsök
Fall Maðurinn féll um kant niður á
nærliggjandi bílskúrsinnkeyrslu.