Morgunblaðið - 18.11.2015, Blaðsíða 17

FRÉTTIR 17Erlent
MORGUNBLAÐIÐ MIÐVIKUDAGUR 18. NÓVEMBER 2015
Allir farþegar og áhöfn indónesísku ferjunnar KM Wih-
an Sejahtera, 175 manns, sluppu óskaddaðir þegar
henni hvolfdi skyndilega á mánudag skammt frá höfn-
inni í borginni Surabaya á austurhluta Jövu. Skipið
sökk að lokum á grunnsævi og stóð aðeins botninn upp
úr sjónum.
AFP
Giftusamleg björgun í Indónesíu
Rússar hafa nú staðfest að sprengja
hafi grandað farþegaþotu Metrojet-
félagsins yfir Sínaí-skaga. Allir um
borð, 224, létu lífið. Yfirmaður ör-
yggislögreglunnar, FSB, Alexander
V. Bortníkov, sagði í gær að komið
hefði verið fyrir um kílógrammi af
háþróuðu sprengiefni í þotunni og
leifar af því fundist í brakinu.
„Við getum sagt með vissu að um
hryðjuverk var að ræða,“ sagði
Bortníkov. Ekki væri hægt að full-
yrða að liðsmenn Ríkis íslams, IS,
hefðu verið að verki en samtökin
hafa lýst tilræðinu á hendur sér.
Rússar hafa heitið 50 milljónum
dollara fyrir upplýsingar sem dugi
til að finna tilræðismennina. „Við
munum finna þá hvar sem þeir halda
sig á plánetunni og refsa þeim,“
sagði Vladímír Pútín forseti. „Hern-
aði okkar í Sýrlandi verður ekki
bara haldið áfram heldur verður
hann efldur svo að glæpamennirnir
skilji að refsing er óhjákvæmileg.“
kjon@mbl.is
Heita öfl-
ugri árás-
um á IS
 Sprengja grandaði
þotu Metrojet
AFP
Hryðjuverk Brak úr þotunni
skammt frá Sharm el-Sheikh.
Tölvuhakkarar Anonymous sögðu
eftir hryðjuverkin í París að þau
myndu efna til umfangsmestu að-
gerða sinna frá upphafi gegn Ríki
íslams, IS. Yfirlýstur aðalandstæð-
ingur Anonymous, Íslamski nether-
inn [Islamic Cyber Army], sendi frá
sér yfirlýsingu á mánudag og sagði
Anonymous vera hóp „algerra
bjána“. En jafnframt fengu liðs-
menn ítarlegar varúðarleiðbein-
ingar: Ekki opna grunsamlega
hlekki, muna að breyta heim-
ilisföngum, skipta um tölvu-
póstföng o.fl. kjon@mbl.is
Hakkarahópur IS
segir samtökin vera
„algera bjána“
ANONYMOUS
Eftir morðárás-
ina á skrifstofur
Charlie Hebdo í
janúar bar mikið
á því í Frakk-
landi að menn
segðu að ekki
mætti gera alla
múslíma ábyrga
fyrir glæpum
nokkurra
manna.
Fréttamenn New York Times
segja ástandið annað núna. Meira
beri á ótta og reiði. Veraldlega
sinnaðir Frakkar hafi ávallt verið
tvíbentir í afstöðu sinni gagnvart
múslímum í landinu en nú virðist
hún einkennast meira en áður af
tortryggni og jafnvel andúð. Hátt-
settir embættismenn tali nú opin-
skátt um aukið eftirlit með mosk-
um. „Frakkland verður að reka úr
landi alla þessa róttæku ímama,“
sagði Manuel Valls forsætisráð-
herra á laugardag. kjon@mbl.is
Merki um aukna
andúð á múslímum
Manuel Valls
FRAKKLAND
Kristján Jónsson
kjon@mbl.is
Öll 28 ríki Evrópusambandsins hafa
samþykkt ósk Frakka um að þeir fái
alla þá hjálp sem þau geti veitt í stríð-
inu gegn Ríki íslams, IS. Ákvæði um
slíka samhjálp vegna vopnaðrar árás-
ar eru í 42. grein Lissabonsáttmálans
en hefur aldrei verið notað fyrr og
fremur óljóst hvernig beri að túlka
það. „Ráðist hefur verið á Frakkland
og þar með alla Evrópu,“ sagði Fe-
derica Mogherini, utanríkistalsmaður
ESB.
Jean-Yves Le Drian, varnarmála-
ráðherra Frakklands, sagði að
Frakkar gætu ekki staðið einir í stríð-
inu gegn IS. Franski flugherinn hefur
ásamt þeim bandaríska gert loftárás-
ir á stöðvar samtakanna í Írak frá
2013 og frá því í september í Sýrlandi.
Frakkar gerðu á ný loftárásir á stöðv-
ar IS í helstu borg þeirra, Raqqa, í
Sýrlandi í gærmorgun. Francois Hol-
lande Frakklandsforseti hét því á
mánudag að aukin áhersla yrði lögð á
loftárásirnar, gengið yrði milli bols og
höfuðs á IS.
Vilja reka fleiri úr landi
Hollande hyggst leggja til við
franska þingið að neyðarástandslög
verði framlengd um þrjá mánuði.
Einnig vill forsetinn að stjórnar-
skránni verði breytt þannig að hægt
verði að reka úr landi dæmda hryðju-
verkamenn með tvöfaldan ríkisborg-
ararétt. Sem stendur er aðeins hægt
að beita slíkum refsingum gegn borg-
urum sem ekki eru fæddir í Frakk-
landi. Og Hollande vill að hraðað
verði aðgerðum til að reka úr landi er-
lenda ríkisborgara sem taldir séu ógn
við almannaöryggi.
Deilt er um það í hve miklum mæli
yfirvöld geti notað svonefndar S-
skýrslur yfirvalda um mörg þúsund
borgara, oftast múslíma, sem hafa
einhver eða afar óljós tengsl við
hryðjuverkamenn. Sé fólk handtekið
á grundvelli slíkra gagna sé verið að
ganga á mannréttindi minnihlutahóps
múslíma sem upp til hópa séu lög-
hlýðnir og friðsamir.
Talið var í fyrstu að átta menn
hefðu tekið þátt í árásunum í París á
föstudag en upptökur eftirlitsmynda-
véla benda til þess að þeir hafi verið
níu, að sögn BBC í gærkvöldi. Frönsk
yfirvöld hafa virkjað 115 þúsund lög-
reglumenn, herlögreglumenn og her-
menn í kjölfarið á hryðjuverkunum,
að sögn stjórnvalda. Rætt er um að á
lestarstöðvum verði komið upp eftir-
liti eins og á flugvöllum.
Vilja aðstoð Evr-
ópuríkja gegn IS
 Hollande vill aukið svigrúm til að vísa fólki úr landi
AFP
Leit Lögreglumenn rannsaka bíl í 18. hverfi Parísar í gær. Talið var að
bíllinn hefði ef til vill verið notaður í hryðjuverkunum á föstudag.
Vill samstarf
» Hollande mun í næstu viku
fara til Washington og Moskvu.
Hann vill samstarf við Banda-
ríkjamenn og Rússa gegn IS.
» John Kerry, utanríkis-
ráðherra Bandaríkjanna, spáir
„miklum umskiptum“ í við-
ræðum um frið í Sýrlandi.
Alls hafa nú 25 ríkisstjórar í Banda-
ríkjunum af alls 50 lýst yfir andstöðu
við áætlun Baracks Obama forseta
um að taka við 10.000 flóttamönnum
frá Sýrlandi. Allir 25 eru repúblik-
anar, þeir segja að öryggi borg-
aranna sé ógnað með áætluninni.
Þeir benda á að staðfest hefur nú
verið í Frakklandi að minnst einn af
tilræðismönnunum í París komst til
Evrópu frá Sýrlandi á fölsuðu vega-
bréfi og þóttist vera flóttamaður.
Einn af ríkisstjórum demókrata,
Maggie Hassan í New Hampshire,
hefur hvatt stjórn Obama til að taka
ekki við fleiri Sýrlendingum fyrr en
tryggt hafi verið að eftirlit alríkis-
lögreglunnar með öllum flóttamönn-
um hafi verið gert „eins öflugt og
hægt er“. Fleiri demókratar hafa
hvatt Obama til að fara sér hægt í
málinu.
Deilt er hart um innflytjendamál
og eftirlit á landamærum í próf-
kjörsbaráttunni í Bandaríkjunum
vegna forsetakjörs á næsta ári.
Demókratar segja að ríkisstjórarnir
hafi ekki vald til að stöðva áætlunina
og Obama segir að flóttafólkið muni
fá hæli á næsta ári. kjon@mbl.is
Heimta betra eftirlit með flóttafólki
Fyrsta sending af
2016 komin í hús
Kletthálsi 15 | S: 577-1717 | stormur.is | stormur@stormur.is
Hættumatsnefnd Skagafjarðar
Tillaga að hættumati vegna ofanflóða á Sauðárkróki var kynnt á
íbúafundi þar síðastliðinn fimmtudag, 12. nóvember 2015, í samræmi
við ákvæði laga nr. 49/1997 og reglugerðar nr. 505/2000.
Tillagan liggur nú frammi til frekari kynningar í Ráðhúsinu að
Skagfirðingabraut 21 á Sauðárkróki til föstudags 18. desember 2015.
Athugasemdir má senda á Jón Örn Berndsen, skipulags- og
byggingarfulltrúa, tölvupóstfang jobygg@skagafjordur.is í síðasta lagi
18. desember 2015.
Hættumat fyrir
Sauðárkrók