Morgunblaðið - 18.11.2015, Blaðsíða 26

26 ÍSLENDINGAR
MORGUNBLAÐIÐ MIÐVIKUDAGUR 18. NÓVEMBER 2015
Hlaupakettir
og talíur
Smiðjuvegi 66 • Kópavogi • 580 5800 • www.landvelar.isFuruvöllum 3 • Akureyri • 461 2288
Skaft- og keðjutalíur úr áli og stáli
- lyftigeta allt að 9000 kg.
Rafdrifnar keðjutalíur
- lyftigeta allt að 4000 kg.
Magnús Trygvason Eliassen tónlistarmaður er þrjátíu ára ídag. Hann er eftirsóttur trommuleikari og hefur spilað meðfjöldanum öllum af hljómsveitum og á síðustu Airwaves-
hátíð lék hann með Árstíðum, Sin Fang og Kippa Kanínus.
Hvað er á döfinni hjá þér, spilarðu á einhverjum af öllum þessum
jólatónleikum? „Ég hef verið með Borgardætrum undanfarin fimm
eða sex ár á Rosenberg og mér finnst ekki að það séu jól nema ég taki
þátt í því þótt ég sé ekki mikið fyrir jólakonserta almennt. Það sem er
í pípunum hjá mér er að leika á djasshátíð í Sviss sem hefst um næstu
helgi en þá mun ég leika með Skúla Sverris og Ólöfu Arnalds og
ADHD.
Ég spila það sem mér finnst skemmtilegt, það er reglan. Ég er ekk-
ert sleipur í klassíkri tónlist þótt það væri gaman að geta spilað hana
því ég hef gaman af henni. Ég þarf að fara að biðja einhvern að kenna
mér á þau hljóðfæri og það er kannski gott heit, nú þegar maður er
kominn á fertugsaldurinn, að drífa sig í það.
Fyrir utan tónlistina er ég því miður forfallinn íþróttaáhugamaður
og reyni að fylgjast með fótboltanum sérstaklega. Það hafa farið ansi
margir klukkutímar í þá vitleysu. Faðir minn ól mig upp sem Liver-
pool-aðdáanda og það er flókin stemning að halda með þeim.“
Eiginkona Magnúsar er Sólrún Sumarliðadóttir tónlistarkona og
einn af stofnmeðlimum Amiinu. Börn þeirra eru Bragi Sumarliði fjög-
urra ára og Birta Sigrún sem er að verða átta mánaða.
„Ætli ég hangi ekki bara heima með krökkunum á afmælisdaginn
og svo þarf ég að æfa einhverja músík líka.“
Morgunblaðið/Styrmir Kári
Hjónakornin Magnús Trygvason Eliassen og Sólrún Sumarliðadóttir á
barnatónleikum sem Amiina hélt í Mengi nú í september.
Því miður forfallinn
íþróttaáhugamaður
Magnús Trygvason Eliassen er þrítugur
S
igrún Edda fæddist í Ár-
ósum í Danmörku 18.11.
1965 og átti þar heima
fyrstu æviárin: „Pabbi
var þar í framhaldsnámi í
læknisfræði. Síðan bjuggum við í
Fossvoginum sem var þá að byggj-
ast upp. Það var mikið ævintýra-
svæði, fjöldi barna í hverju húsi og
háð götustríð á milli „landa“ og
sömuleiðis keppt í fótbolta á milli
gatna. Maður var alltaf úti að leika
og hafði nóg fyrir stafni.
Ég gekk í Fossvogsskóla sem var
tilraunaskóli þess tíma svo við upp-
lifðum ýmsar tilraunir í skólafræð-
um á þessum árum, með opnum
rýmum og miklu vali. Mér verður oft
hugsað til þessa tíma verandi for-
maður skólanefndar á Seltjarnar-
nesi. En á þessum árum þótti það
ekkert tiltökumál þó að kennarinn
tæki á óþekkum nemendum og
tuskaði þá örlítið til.
Ég á enn mína bestu vini frá þess-
um árum úr Fossvoginum, enda vor-
um við stór klíka, strákar og stelpur,
og alltaf líf og fjör í kringum okkur.
Við héldum saman upp á fimmtugs-
afmælið 31. október, sl., fimm úr
hópnum – fimm fimmtugar.“
Sigrún Edda var í Réttarholts-
Sigrún Edda Jónsdóttir viðskiptafræðingur – 50 ára
Glaðlynd fjölskylda Sigurður, Sigrún Edda, Ragnheiður Helga, Egill Þór og Jón Lárus fyrir þremur og hálfu ári.
Formaður bæjarráðs á
Nesinu á fjallaskíðum
Sigrún í rauða kjólnum Kampakátar golfkyrjur mættar á frumsýningu.
Belgsholt Sóley Margrét Magnús-
dóttir fæddist 29. október 2014 kl.
15.19. Hún vó 3.402 g og var 50 cm
löng. Foreldrar hennar eru Elín Ósk
Gunnarsdóttir og Magnús Már
Haraldsson.
Nýr borgari
Íslendingar Kjartan Gunnar Kjartansson,Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Börn og brúðhjón
Allir þeir sem senda blaðinu mynd af nýjum borgara eða mynd af
brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni mbl.is/islendingar
eða á islendingar@mbl.is
Á opnunni „Íslendingar“ í
Morgunblaðinu er sagt frá
merkum viðburðum í lífi
fólks, svo sem stórafmælum,
hjónavígslum, barnsfæðingum
og öðrum tímamótum.